Yobu 4:1-21
4 Kisha Elifazi+ Mutemani akajibu:
2 “Kama mutu anajaribu kusema na wewe, utashindwa kuvumilia?
Kwa maana ni nani anaweza kujizuia kusema?
3 Kwa kweli, umerekebisha watu wengi,Na ulikuwa unatia nguvu mikono yenye kuwa zaifu.
4 Maneno yako yalikuwa yanamuinua mutu mwenye kujikwaa,Na ulikuwa unatia nguvu wale wenye magoti yenye kukunjama.
5 Lakini sasa yamekupata wewe, na umelemewa;*Yamekugusa wewe, na umevurugika.
6 Je, heshima yako kwa Mungu haikupatie uhakika?
Je, njia yako ya uaminifu-mushikamanifu+ haikupatie tumaini?
7 Tafazali, kumbuka: Ni mutu gani mwenye hana kosa mwenye amekwisha kuangamia?
Ni wakati gani watu wanyoofu wamepata kuharibiwa?
8 Kile nimeona ni kwamba wale wenye kulima* ubayaNa wale wenye kupanda taabu watavuna mambo yaleyale.
9 Kwa pumuzi ya Mungu wanakufa,Na kwa mulipuko wa kasirani yake wanafikia mwisho.
10 Simba ananguruma, na mwana-simba anatoa sauti,Lakini hata meno ya simba wenye nguvu* yanavunjika.
11 Simba anakufa kwa sababu ya kukosa mawindo,Na vitoto vya simba vinasambazwa.
12 Sasa nililetewa neno kwa siri,Na sauti yake ya chini-chini ilifika katika sikio langu.
13 Katika mawazo yenye kuvuruga akili wakati wa maono ya usiku,Wakati usingizi muzito unaanguka juu ya wanadamu,
14 Mutetemeko mukubwa ulikuja juu yangu,Ukajaza woga katika mifupa yangu yote.
15 Roho fulani akapita mbele ya uso wangu;Nywele za mwili wangu zikasimama.
16 Kisha akasimama bila kutikisika,Lakini sikutambua sura yake.
Umbo fulani ilikuwa mbele ya macho yangu;Kulikuwa utulivu, na kisha nikasikia sauti:
17 ‘Mwanadamu mwenye anaweza kufa anaweza kuwa mwenye haki kuliko Mungu?
Mutu anaweza kuwa safi kuliko Mutengenezaji wake mwenyewe?’
18 Angalia! Hana imani katika watumishi wake,Na anapata makosa ndani ya malaika* wake.
19 Namna gani basi wale wenye kukaa katika nyumba za udongo,Wenye musingi wao uko katika mavumbi,+Wenye wanapondwa upesi kama nondo!*
20 Wanapondwa-pondwa kuanzia asubui mupaka mangaribi;Wanakufa milele, na hakuna mwenye kutambua.
21 Je, hawako kama hema yenye kamba yake imengolewa?
Wanakufa bila kuwa na hekima.
Maelezo ya Chini
^ Tnn., “umechoka”
^ Ao “kupanga, kutunga.”
^ Ao “wana-simba wenye manyoya ya murefu kwenye shingo.”
^ Ao “wajumbe.”
^ Nondo ni kidudu fulani cha kuruka chenye kinakula nguo.
