Zaburi 18:1-50
Kwa kiongozi. Wa Daudi mutumishi wa Yehova, mwenye alimuambia Yehova maneno ya wimbo huu siku yenye Yehova alimuokoa katika mukono wa maadui wake wote na katika mukono wa Sauli. Alisema:+
18 Ninakupenda, Ee Yehova, nguvu zangu.+
2 Yehova ni mwamba wangu na ngome yangu na Ule mwenye ananiokoa.+
Mungu wangu ni mwamba wangu,+ mwenye ninakimbilia,
Ngao yangu na pembe* yangu ya wokovu,* kimbilio langu salama.*+
3 Ninamuitia Yehova, mwenye anastahili kusifiwa,
Na nitaokolewa kutoka kwa maadui wangu.+
4 Kamba za kifo zilinizunguka;+
Mafuriko ya kushitukia ya watu wenye hawana mafaa yoyote yaliniogopesha sana.+
5 Kamba za Kaburi* zilinizunguka;
Mitego ya kifo ilikuwa mbele yangu.+
6 Katika taabu yangu nilimuitia Yehova,
Niliendelea kumulilia Mungu wangu anisaidie.
Akiwa katika hekalu lake akasikia sauti yangu,+
Na kilio changu cha kumuomba musaada kikafika katika masikio yake.+
7 Kisha dunia ikaanza kutetemeka na kutikisika;+
Misingi ya milima ikatetemeka
Na ikatikisika huku na huku kwa sababu alikuwa amekasirishwa.+
8 Moshi ulipanda kutoka katika matundu ya pua yake,
Na moto wenye kuteketeza ukatoka katika kinywa chake;+
Makaa yenye kuwaka yakatoka kwake.
9 Alifanya mbingu zikunjame wakati alikuwa anashuka,+
Na giza nzito lilikuwa chini ya miguu yake.+
10 Alipanda juu ya kerubi na akakuja akiruka.+
Akashuka chini haraka juu ya mabawa ya roho.*+
11 Kisha akajifunika giza,+
Kumuzunguka pande zote kama kibanda,
Maji yenye giza na mawingu mazito.+
12 Kutoka katika mwangaza wenye kuwa mbele yake
Mvua ya majiwe na makaa yenye moto yakapasua mawingu.
13 Kisha Yehova akaanza kunguruma mbinguni;+
Mwenye Kuwa Juu Zaidi akafanya sauti yake isikike+
Kupitia mvua ya majiwe na makaa yenye moto.
14 Akapiga mishale yake na kuwasambaza;+
Akatupa umeme wake wa radi na kuwatia katika muvurugo.+
15 Sehemu za chini za mito midogo zikaonekana;*+
Misingi ya inchi ikafunuliwa kwa kemeo lako, Ee Yehova,
Kwa mulipuko wa pumuzi kutoka katika matundu ya pua yako.+
16 Alifika chini akiwa juu;
Akanishika na kunikokota kutoka katika maji yenye kuenda chini sana.+
17 Aliniokoa kutoka kwa adui yangu mwenye nguvu,+
Kutoka kwa wale wenye kunichukia, wenye walikuwa na nguvu nyingi kuliko mimi.+
18 Walinishambulia katika siku ya musiba wangu,+
Lakini Yehova alikuwa tegemeo langu.
19 Alinipeleka inje na kunitia mahali kwenye usalama;*
Aliniokoa kwa sababu alipendezwa na mimi.+
20 Yehova ananipatia zawabu kulingana na haki yangu;+
Ananilipa kulingana na kukosa kuwa na hatia kwa* mikono yangu.+
21 Kwa maana nimeshika njia za Yehova,
Na sijamuacha kwa uovu Mungu wangu.
22 Hukumu zake zote ziko mbele yangu;
Sitazarau sheria zake.
23 Nitabakia bila lawama mbele yake,+
Na nitajiepusha na kosa.+
24 Yehova anilipe kulingana na haki yangu,+
Kulingana na kukosa kuwa na hatia kwa mikono yangu mbele yake.+
25 Kwa mutu mushikamanifu unatenda kwa ushikamanifu;+
Kwa mutu mwenye hana lawama unatenda bila lawama;+
26 Kwa mwenye kuwa safi unajionyesha kuwa safi,+
Lakini kwa mwenye kupotoka unajionyesha kuwa mwenye busara.+
27 Kwa maana unaokoa watu wa hali ya chini*+
Lakini unashusha wenye majivuno.*+
28 Kwa maana wewe ndiye unawasha taa yangu, Ee Yehova,
Mungu wangu mwenye anafanya giza langu liangaze.+
29 Kwa musaada wako ninaweza kushambulia kikundi cha wanyanganyi;+
Kwa nguvu za Mungu ninaweza kupanda ukuta.+
30 Njia ya Mungu wa kweli ni kamilifu;+
Neno la Yehova ni lenye kusafishwa.+
Yeye ni ngao kwa wote wenye kumukimbilia.+
31 Kwa maana ni nani iko* Mungu isipokuwa Yehova?+
Na ni nani iko* mwamba isipokuwa Mungu wetu?+
32 Mungu wa kweli ndiye ananivalisha nguvu,+
Na atafanya njia yangu ikuwe kamilifu.+
33 Anafanya miguu yangu ikuwe kama ya paa;
Ananifanya nisimame mahali pa juu.+
34 Anazoeza mikono yangu kwa ajili ya vita;
Mikono yangu inaweza kukunja upinde wa shaba.
35 Unanipatia ngao yako ya wokovu,+
Mukono wako wa kuume unanitegemeza,
Na unyenyekevu wako unanifanya nikuwe mukubwa.+
36 Unapanua njia kwa ajili ya hatua zangu;
Miguu yangu haitatereza.*+
37 Nitafuatilia maadui wangu na kuwafikia;
Sitarudia mupaka wakati watakuwa wamefutwa.
38 Nitawaponda ili wasiweze kusimama;+
Wataanguka chini ya miguu yangu.
39 Utanipatia nguvu kwa ajili ya vita;
Utafanya maadui wangu waanguke chini yangu.+
40 Utafanya maadui wangu wanikimbie,*
Na nitamaliza* wale wenye kunichukia.+
41 Wanalilia musaada, lakini hakuna mutu wa kuwaokoa;
Hata wanamulilia Yehova, lakini yeye hawajibu.
42 Nitawatwanga ili wakuwe laini kama mavumbi katika upepo;
Nitawatupa inje kama matope katika barabara.
43 Utaniokoa kutokana na tabia ya watu ya kutafuta-tafuta makosa.+
Utaniweka kuwa kichwa cha mataifa.+
Watu wenye sikujua watanitumikia.+
44 Watanitii wakati watasikia habari kidogo tu;
Wageni watakuja wakijikunja kwa woga mbele yangu.+
45 Wageni watakosa uhodari;*
Watakuja wakitetemeka kutoka katika ngome zao.
46 Yehova ni mwenye kuishi! Mwamba wangu asifiwe!+
Mungu wa wokovu wangu atukuzwe.+
47 Mungu wa kweli ananilipizia kisasi;+
Anatiisha vikundi vya watu chini yangu.
48 Ananiokoa kutoka kwa maadui wangu wenye kasirani;
Unaniinua juu ya wale wenye kunishambulia;+
Unaniokoa kutokana na mutu mwenye jeuri.
49 Ndiyo sababu nitakutukuza kati ya mataifa, Ee Yehova,+
Na nitaimbia jina lako sifa.*+
50 Anatenda matendo makubwa ya wokovu kwa ajili ya mufalme wake;*+
Anaonyesha upendo mushikamanifu kwa mutiwa-mafuta wake,+
Kwa Daudi na uzao wake* milele.+
Maelezo ya Chini
^ Angalia Maana ya Maneno.
^ Ao “mwokozi wangu mwenye nguvu.”
^ Ao “mahali pangu salama pa juu.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
^ Ao “upepo.”
^ Ao “Mifereji ya maji ikaonekana.”
^ Ao “mahali penye nafasi kubwa.”
^ Tnn., “usafi wa.”
^ Ao “wenye kuteseka.”
^ Tnn., “macho yenye majivuno.”
^ Ao “eko.”
^ Ao “eko.”
^ Ao “Vifundo vya miguu yangu havitatereza.”
^ Ao “Utanipatia migongo ya maadui wangu.”
^ Tnn., “nitanyamazisha.”
^ Ao “watafifia.”
^ Ao “nitapigia jina lako muziki.”
^ Ao “Anamupatia ushindi mukubwa mufalme wake.”
^ Tnn., “mbegu yake.”
