Mutu anajaribiwa wakati anavutiwa na jambo fulani​—zaidi sana jambo la mubaya. Tukamate mufano. Wazia kwamba wakati uko unauza vitu, unaona kitu fulani kizuri. Mara moja wazo la kuiba bila kukamatwa linakuja katika akili yako. Lakini zamiri yako inakukataza! Kwa hiyo, unatosha wazo hilo katika akili na kuondoka. Wakati huo jaribu linapitilia mbali, umelishinda.

MAMBO BIBLIA INASEMA

Kujaribiwa hakufanye ukuwe mutu mubaya. Biblia inasema kwamba sisi wote tunapatwa na majaribu. (1 Wakorintho 10:13) Jambo la maana kabisa ni namna tunatenda wakati tunajaribiwa. Watu fulani wanaendelea kukaza akili yao juu ya tamaa mbaya na siku fulani wanaangukia katika tamaa hiyo. Wengine wanaondoa haraka tamaa hiyo kama kitu kibaya.

‘Kila mutu hujaribiwa kwa kuvutwa na kushawishiwa na tamaa yake mwenyewe.’​—Yakobo 1:14.

Biblia inaonyesha hatua zenye zinaongoza kwenye matendo mabaya. Yakobo 1:15 inasema hivi: ‘Tamaa [mbaya] wakati imetunga mimba, huzaa zambi.’ Kwa kifupi, wakati tunaendelea kukaza akili juu ya tamaa mbaya, tunafikia hatua yenye hatuwezi tena kuepuka kutenda kulingana na tamaa hiyo kama vile mwanamuke mwenye mimba anapaswa tu kuzaa. Lakini, tunaweza kuepuka kuwa watumwa wa tamaa mbaya. Tunaweza kuzuia tamaa hizo.

NAMNA BIBLIA INAWEZA KUSAIDIA

Kama vile tu akili yetu iko na uwezo wa kuchunga tamaa mbaya, inaweza pia kuiondoa. Namna gani? Kwa kukaza akili yetu juu ya mambo mengine​—kazi, mazungumuzo pamoja na rafiki, ao mawazo yenye kufaa. (Wafilipi 4:8) Inaweza pia kuwa muzuri kuwaza kuhusu matokeo mabaya ya kuangukia katika jaribu. Kati ya matokeo hayo kunaweza kuwa matatizo ya kihisia, ya kimwili, ao ya kiroho. (Kumbukumbu la Torati 32:29) Sala inaweza pia kusaidia sana. Yesu Kristo alisema hivi: ‘Muendelee . . . kusali sikuzote, ili musiingie katika jaribu.’​—Mathayo 26:41.

‘Musipotoshwe: Mungu si wa kuzihakiwa. Kwa maana lolote lile analopanda mutu, atavuna hilo pia.’​—Wagalatia 6:7.

TAMBUA HATARI

Uone jaribu kama chambo chenye kinaweza kuingiza mujinga, mupumbavu, ao mutu mwenye haiko muangalifu katika hatari. (Yakobo 1:14) Hilo ni jambo la kweli zaidi sana wakati jaribu linahusu kufanya uasherati, kwenye kunaweza kuwa na matokeo mabaya sana.​—Methali 7:22, 23.

NAMNA BIBLIA INAWEZA KUSAIDIA

Yesu Kristo alisema hivi: ‘Ikiwa, sasa, hilo jicho lako la kuume linakufanya ukwazike, lingoe ulitupilie mbali nawe.’ (Mathayo 5:29) Kwa kweli, Yesu hakusema hivyo katika maana halisi! Lakini alimaanisha kwamba kama tunataka kumupendeza Mungu na kupata uzima wa milele, kwa njia ya mufano, tunapaswa kuua viungo vya mwili wetu kuhusu kufanya mambo mabaya. (Wakolosai 3:5) Hilo linaweza kumaanisha kuazimia kukataa kabisa kuingia katika jaribu. Mutumishi mumoja muaminifu wa Mungu alisali hivi: “Uyafanye macho yangu yapite ili yasione jambo lisilofaa.”​—Zaburi 119:37.

Bila shaka, haiko mwepesi kuonyesha sifa ya kujizuia, kwa sababu ‘mwili ni zaifu.’ (Mathayo 26:41) Kwa hiyo, siku fulani tutafanya makosa. Lakini, kama tunahuzunika kabisa na tunajikaza kabisa kuepuka kurudilia makosa, Muumbaji wetu, Yehova Mungu, “ni mwenye rehema na mwenye neema” kwetu sisi. (Zaburi 103:8) Ni jambo lenye kutia moyo kabisa!

“Kama ungekuwa unaangalia makosa, Ee Yah, Ee Yehova, ni nani angesimama?”​—Zaburi 130:3.