KWA miaka mingi, watu waliamini kwamba membe wa Aktiki waliruka kilometre 35200 hivi katika safari yao kutoka Aktiki mupaka Antaktiki, kuenda na kurudi. Lakini, uchunguzi wa hivi karibuni ulionyesha kwamba ndege hao wanaruka kilometre nyingi zaidi.

Vyombo vidogo-vidogo sana vyenye kusaidia kujua kama kitu kinapatikana wapi vilitiwa kwenye ndege fulani kati yao. Vyombo hivyo vya ajabu vyenye kuwa na uzito karibu sawa na uzito wa vifaa vya kukamatisha makaratasi, vilionyesha kwamba membe fulani waliruka karibu kilometre 90000 kuenda na kurudi. Hiyo ndiyo safari ya wanyama yenye kuwa ndefu ambayo inajulikana. Membe moja aliruka karibu kilometre 96000 hivi! Sababu gani kilometre zenye zilikadiriwa zilirekebishwa?

Ikuwe wanaanzia safari yao wapi, membe wa Aktiki hawafuate njia moja yenye kunyooka. Kama vile inaonyeshwa kwenye picha, njia ya kawaida kwenye Bahari ya Atlantiki ilikamata umbo la S. Sababu gani? Ndege hao wanapata faida tu kutokana na pepo za kawaida za eneo hilo.

Katika maisha yao yenye kuwa na urefu wa miaka 30 hivi, membe wanaweza kusafiri zaidi ya kilometre milioni 2,4. Hiyo ni sawa na safari tatu ao ine ya kuenda na kurudi kwenye mwezi! Mwanasayansi mumoja alisema hivi: “Hilo ni jambo la ajabu sana lenye limekwisha kutimizwa na ndege mwenye uzito wa zaidi ya gramu 100 tu.” Tena, kitabu Life on Earth: A Natural History kinasema kwamba kwa sababu wanapitisha vipindi vyote viwili vya joto katika Aktiki na Antaktiki, membe wanaona “sana mwangaza wa jua kila mwaka kuliko kiumbe kingine chochote.”