WAKAZAKH wa zamani waliishi maisha ya kuhama-hama. Mupaka leo, wachungaji fulani wa inchi ya Kazakhstan wanapeleka wanyama wao katika maeneo mbalimbali ya kulishia wanyama kulingana na majira. Wanapitisha kipindi cha joto katika eneo la baridi la malisho lenye kuinuka. Kisha, wakati kipindi cha baridi kali kinakaribia, wanapeleka wanyama wao katika maeneo ya chini yenye kuwa na joto.

Wakazakh fulani wanaishi katika miji ya sasa yenye kuendelea. Hata hivyo, desturi nyingi, chakula, na ufundi mbalimbali wa mikono, vinaonyesha maisha ya kuhama-hama ya wazazi wao wa zamani. Wakazahk wanafurahia mashairi, nyimbo, na miziki ya zamani yenye kuimbwa kupitia vyombo vya muziki vya eneo lao.

 Yurt​—nyumba yenye inaweza kubebwa na watu wenye kuhama-hama​—imefikia kuwa alama ya mutu mwenye kuishi kupatana na mazingira ya asili. Wachungaji wangali wanapenda yurt, na Wakazakh wenye kuishi katika miji mikubwa-mikubwa wanatumia yurt kwa ajili ya matukio ya pekee. Yurt inatumiwa pia kuwa makao mazuri ya waturiste. Ndani ya Yurt unaweza kuona mapambo mbalimbali ya wanawake Wakazakh, ufundi wao mbalimbali wa kusuka, na wa kufanya mazulia (tapis).

Familia za Wakazakh zenye kuishi katika mashamba zinapenda sana farasi wao. Kuna maneno karibu 21 ya Kikazakh ili kutaja farasi, na kila neno liko na maana yenye kuwa tofauti kidogo, na maneno na masemi zaidi ya 30 ili kutaja rangi ya manyoya ya farasi. Mupaka sasa, farasi nzuri anatumiwa kuwa zawadi ya bei na yenye kupendeza sana. Katika maeneo ya ndani ya inchi, watoto wanaume wanajifunza kuendesha farasi tangu utoto.

Wakazakh hawakose kutumia nyama yenye kwa kawaida haitiwe vikolezo katika mulo wao. Kati ya vinywaji vyenye Wakazakh wanapenda sana kuna koumiss, yenye inatengenezwa na maziwa ya farasi. Inasemekana kwamba ni yenye mafaa kwa afya. Wanapenda pia shubat, yenye kuwa na uchachu kidogo na yenye kujenga. Inatengenezwa na maziwa ya ngamia.

Biro ya tawi ya Mashahidi wa Yehova yenye kuwa katika Almaty inakaribisha watu wenye wanakuja kuitembelea.