Rafiki Mubaya?

Uko na “rafiki;” mulijuanaka na ungali kijana. Alifanya ujisikie kuwa mwenye kukomala, na mwenye kukubaliwa na wengine. Kila mara wakati ulikuwa na mahangaiko alikuwa “anakutuliza.” Ulianza kumutumainia mu hali za mingi.

Lakini kisha wakati fulani, ulivumbula kama haiko rafiki muzuri. Hapendake umuache hata kama ile itafanya wakukatalie kuingia fasi mbalimbali. Na hata kama alifanya ujisikie kuwa mwenye kukomala, aliharibisha afya yako. Na zaidi sana, amekumaliza makuta.

Juzi-juzi, umefanya yako yote juu uachane naye, lakini hapendi kukuacha. Ni sawa vile ulishakuwa mutumwa wake. Unaanza jiuliza juu ya nini ulijuanaka naye.

NJO vile mambo inakuwaka kati ya watu wengi na tumbako. Mwanamuke mwenye kuitwa Earline alikuwa anavuta tumbako kwa miaka 50. Anasema hivi: “Nilikuwa naona ni muzuri zaidi kuvuta tumbako kuliko kupitisha wakati na mutu mwingine. Tumbako ilikuwa inanisaidia kupita hata rafiki. Na wakati fulani, sikukuwa na rafiki mwingine isipokuwa tu tumbako.” Lakini Earline alifikia kuelewa kama, tumbako ni rafiki mubaya na iko hatari. Maneno yenye tulisema ku mwanzo, inapatana na hali yenye Earline alikuwa ndani, lakini kuko tu tofauti kidogo. Wakati alijifunza kama ni mubaya kuvuta tumbako juu kufanya vile kunachafua mwili wenye Mungu alitupatia, aliachana na ile tabia.​—2 Wakorinto 7:1.

Mwanaume mwenye kuitwa Frank aliamua pia kuacha kuvuta tumbako juu amufurahishe Mungu. Lakini, siku moya hivi kisha kuvuta tumbako yake ya mwisho, alianza kutafuta-tafuta sana mu nyumba yake, vipande vya tumbako vyenye vilibakiaka. Anasema hivi: “Ni palepale njo niliamua kubadilika. Kutambala chini juu tu ya kufatuta vipande vya tumbako, ilikuwa mambo ya haya sana. Na tangu ile siku, siyavutaka tena.”

Juu ya nini inakuwaka nguvu sana kuacha kuvuta tumbako? Wachunguzi wamevumbula sababu fulani: (1) Vitu vyenye kutengenezwa kwa kutumia tumbako, vinaweza kufanya mutu akuwe mutumwa wa dawa za kulewesha. (2) Wakati mutu anavuta nicotine inaingia mu ubongo kisha tu segonde saba. (3) Kuvuta inafikiaka kuwa sehemu ya maana ya maisha ya mutu, juu mutu anavutaka wakati iko nakula, iko nakunywa, iko nazungumuza, iko napumuzika, na wakati iko anafanya mambo ingine.

Lakini, sawa vile Earline na Frank wameonyesha, inawezekana kuachana na ile tabia ya mubaya sana. Kama unavutaka na unapenda kuacha, kusoma hizi habari kunaweza kukusaidia uanze maisha ya mupya.