KANUNI YA BIBLIA: ‘Mujivike [muvae] upendo, kwa maana huo ni kifungo kikamilifu cha muungano.’—Wakolosai 3:14.

FAIDA: Upendo unaotajwa sana katika Biblia haiko upendo wa kimapenzi ao wa ngono. Lakini, ni upendo wenye kuongozwa na kanuni wenye kuonyeshwa kupitia sifa kama vile huruma, kusamehe, unyenyekevu, haki, fazili, upole, na uvumilivu. (Mika 6:8; Wakolosai 3:12, 13) Tofauti na upendo wa kimapenzi wa kupumbazwa ambao mara nyingi unaisha kisha wakati fulani, upendo unaweza kuendelea kukomaa milele.

Brenda, mwenye amefanya miaka karibu 30 katika ndoa, anasema hivi: “Upendo wa watu waliooana karibuni ni kidogo sana unapolinganishwa na upendo wenye wanaonyeshana kisha ndoa yao kufanya muda murefu.”

Sam, aliye bwana kwa miaka zaidi ya 12, alisema hivi: “Mimi na bibi yangu tumefurahi sikuzote, na hata tumeshangazwa na namna mashauri ya Biblia yanafaa kabisa, na namna ni mepesi! Unayatumia, na mambo yanaendeka muzuri. Lakini, kila wakati ninaposema kuwa nitajikaza kuyatumia, siwezi kusema kuwa nimefanya hivyo, kwa mufano wakati ninakasirika haraka, wakati ninajifikiria, ao wakati ninachoka. Katika hali hizo, ninamuomba Yehova anisaidie kuondoa tabia hizo mbaya. Kisha ninamukumbatia bibi yangu, na kisha muda mufupi, inaonekana kama vile hakuna jambo mbaya lilitokea!”

Yesu Kristo alisema kama ‘hekima inaonyeshwa kwa matendo yake.’ (Mathayo 11:19) Kulingana na andiko hilo, Biblia ina alama zote za hekima ya kweli. Mafundisho yake na kanuni zake zinatumika. Hazipitwe na wakati. Zinatumika kwa watu wa desturi zote na mataifa yote. Na zinaonyesha ujuzi mwingi juu ya hali ya asili ya watu, hilo linaonyesha kuwa zilitoka kwa Mutu wa hali ya juu, ni kusema, Yehova Mungu Muumbaji wetu. Kwa kweli, ili kuona uhakika huo, inaomba kuzitumikisha. Ndiyo maana Biblia inatualika ‘tuonje tuone ya kuwa Yehova ni mwema.’ (Zaburi 34:8) Utakubali mualiko huo?