HONDURAS ni neno la Kihispania lenye kumaanisha “Urefu.” Inawezekana Christophe Colomb alitumia neno hilo ili kutaja maji ya Bahari ya Atlantiki yenye kuwa pembeni na inchi hiyo. Watu fulani wanasema ni vile inchi hiyo ilifikia kupewa jina la Honduras.

Wakaaji wa Honduras wanaona kama uaminifu na kufanya mambo pamoja ni vya maana sana katika familia. Kwa mufano, mara nyingi bibi na bwana wanafanya pamoja maamuzi ya lazima kama vile maamuzi juu ya kutumia feza za familia, ao juu ya kulea watoto ao kuwasomesha.

Wakaaji wengi wa Honduras ni wamestizo, ambao ni muchanganyiko wa watu wa Ulaya na wakaaji wa kwanza-kwanza wa inchi hiyo. Wakaaji fulani wa kwanza-kwanza kama vile Wachorti wangali katika inchi hiyo. Kuna wakaaji wengine kama vile Wagarifuna, ambao wazazi wao wa zamani walitoka katika maeneo mengine.

Wagarifuna ni watoto wa Waafrika na Wahindi wa kabila la Wakaribu ambao waliishi katika kisiwa cha Saint Vincent. Katika mwaka wa 1797 hivi, Wagarifuna walifika katika visiwa vya Islas de la Bahía (îles de la Baie). Baadaye, walianza kuishi katika eneo la Karibea lenye kuwa pembeni ya bahari katika Amerika ya Kati. Kutoka hapo, Wagarifuna walienda kuishi katika sehemu zingine za Amerika ya Kati na ya Kaskazini.

Wagarifuna wanapenda kucheza dansi zenye kuchangamusha kwa kufuata mudundo wa ngoma zenye kutengenezwa kwa muti mugumu. Pia katika desturi zao, wanavaa nguo za asili za rangi zenye kungaa, wanaelezeana hadisi, na wanakula vyakula kama vile ereba (keki kubwa na nyembamba yenye kutengenezwa kwa muhogo).

Katika inchi ya Honduras kuna makutaniko 400 hivi ya Mashahidi wa Yehova. Wanafanya mikutano katika Kigarifuna, Kihispania, Kiingereza, Luga ya Ishara ya Honduras, Mandarin ya China, na Miskito.