ASUBUI ya Siku ya Tatu tarehe 24 Mwezi wa 1, 2018, ndugu na dada wa familia ya Beteli ya inchi ya Amerika na ya Kanada walifurahi kusikia tangazo hili la pekee: Ndugu Kenneth Cook, ameongezwa mu Baraza Lenye Kuongoza la Mashahidi wa Yehova.

Ndugu Cook alizaliwa na kukomalia katika Pennsylvania, Amerika. Alijifunza kweli kupitia mwanafunzi mwenzake mbele tu ya kumaliza masomo ya segondere na alibatizwa tarehe 7 Mwezi wa 6, 1980. Alianza utumishi wa wakati wote wa upainia tarehe 1 Mwezi wa 9, 1982. Kisha kufanya kazi ya upainia kwa miaka mbili, alialikwa ku Beteli, kwa hiyo, alianza kutumikia ku Beteli ya Wallkill, New York, tarehe 12 Mwezi wa 10, 1984.

Kwa miaka 25 yenye ilifuata, Ndugu Cook alitumika katika migao mbalimbali kutia ndani kazi ya uchapishaji na kutumika mu Biro ya Beteli. Alioa bibi yake, Jamie, mu mwaka wa 1996, na Jamie alijiunga naye katika utumishi wa Beteli katika Wallkill. Katika Mwezi wa 12, 2009, Ndugu Cook na bibi yake walitumwa Mahali pa Elimu ya Watchtower katika Patterson, New York, kwenye Ndugu Cook alipewa mugao wa kutumika mu Idara ya Kushugulikia Maulizo ya Wasomaji. Kisha Ndugu Cook na bibi yake kurudia kwa muda mufupi ku Beteli ya Wallkill, walitumwa Brooklyn, New York katika Mwezi wa 4, 2016. Kisha miezi tano, walihamia kwenye makao yetu makubwa katika Warwick, New York. Katika Mwezi wa 1, 2017, Ndugu Cook aliwekwa kuwa musaidizi mu Halmashauri ya Uandikaji ya Baraza Lenye Kuongoza.