Tangu aumbe wanadamu, Muumbaji wetu amezungumuza na watu kupitia malaika na manabii. Zaidi ya ile, aliamua ujumbe na ahadi zake ziandikwe. Ahadi za Mungu zinaonyesha kama tunaweza kuwa na furaha wakati wenye kuja. Sasa, zile ahadi zinapatikana wapi leo?

Ujumbe wa Mungu unapatikana katika Maandiko Matakatifu. (2 Timoteo 3:16) Namna gani Mungu alitumia manabii ili waandike ujumbe wake? (2 Petro 1:21) Mungu alitia mawazo yake mu akili yao, na kisha wakaiandika. Tukamate mufano wa mufanyabiashara. Anaweza kuomba sekretere wake amuandikie barua. Hata kama haiko mufanyabiashara njo aliandika, mawazo ya barua ni yake. Vilevile, hata kama Mungu alitumia wanadamu ili waandike ujumbe wake, mawazo yenye kuwa katika Maandishi Matakatifu ni yake.

Ujumbe wa Mungu ni wa maana sana, njo maana anapenda watu wote wasome na kuelewa ule ujumbe. Leo, watu wa “kila taifa na kabila na luga” wanaweza kupata kwa urahisi “habari njema ya milele” ya Mungu. (Ufunuo 14:6, maelezo ya chini) Yehova amebariki ili Maandishi Matakatifu ipatikane yote ao kwa sehemu mu luga zaidi ya 3 000, kuliko kitabu kingine chochote ku dunia.