KAMA ulitembelea kisiwa kidogo ya Sangir Besar katika Indonesia miaka fulani yenye imepita, pengine uliona dada zetu tatu pembeni ya bahari. Wanajulikana sana mu ile kisiwa kwa sababu ya kazi yao ya kuhubiri na kusaidia watu waelewe Biblia. Lakini ile wakati, walikuwa nafanya jambo ingine tofauti kabisa.

Kwanza, walikuwa naingia mu maji na kukamata majiwe ya munene na kuipeleka ku inchi kavu. Majiwe fulani ilikuwa na ukubwa wa kabumbu. Kisha, wale wanamuke waliikala ku viti vidogo vya mbao na kutumia nyundo (marteau) ili kupasua ile majiwe mu vipande vidogo-vidogo kuliko ukubwa wa mayayi ya kuku. Kisha, walikuwa natia ile majiwe ya kidogo-kidogo mu mbegeti na kuipeleka kwenye walikuwa wanaishi. Kisha, walikuwa wanatia ile majiwe mu saki kubwa-kubwa zenye zingeweza kuwekwa nyuma ya gari ya mizigo na kutumiwa juu ya kutengeneza barabara.

Mumoja wa wale dada alikuwa Hulda. Hali yake ilimuruhusu kutumia wakati mingi zaidi kuliko wengine mu ile kazi. Kwa kawaida alitumia makuta yenye alikuwa napata ili kutimiza mahitaji ya watu wa familia yake. Lakini, zaidi ya ile alikuwa sasa na muradi ingine. Alipenda kuwa na tablete juu aweze kuwa na JW Library®. Hulda alijua kama video na mambo ingine yenye kuwa mu JW Library® ingemusaidia mu mahuburi na ingemusaidia kuelewa zaidi Biblia.

Kwa mwezi moja na nusu, Hulda alitumika saa mbili kila asubui, na alipasua majiwe yenye iliweza kujaza sehemu ya nyuma ya gari ya kidogo ya mizigo. Ku mwisho, alieneza makuta ya kuuza tablete.

Hulda alisema hivi: “Hata kama nilichoka sana na kusikia maumivu kwa sababu ya kupasua majiwe, nilisahau ile maumivu haraka sana juu kutumia ile tablete ya mupya kulinisaidia mu mahubiri na kulifanya ikuwe mwepesi kutayarisha mikutano.” Alisema pia kama ile tablete ilimusaidia wakati Korona ilianza, kwa sababu progamu zote za kutaniko zilikuwa zinafanywa kupitia vidéoconférence. Tunafurahi pamoya na Hulda juu alifikia muradi wake.