Nilicheka juu sikuwazia kama rafiki yangu anapendaka mambo ya dini. Nilimuuliza hivi: “Unajua nini juu ya Biblia?” Hakujibia mara moya. Ku mwisho, aliniambia kama mama yake alikuwa Shahidi wa Yehova na kama ni yeye njo alimufundishaka mambo fulani. Palepale nilimuambia anifasirie mambo mingi zaidi.

Tuliongeaka mupaka usiku sana. Ule rafiki yangu aliniambia kama Biblia inafundisha kuwa Shetani njo mutawala wa ulimwengu. (Yoh. 14:30) Pengine unajuaka vile tangu utoto, lakini miye, ile wazo ilikuwa ya mupya na nilipenda kujua zaidi. Nilikuwaka najua kama Mungu mwenye fazili na haki njo iko natawala ulimwengu. Lakini sikuelewa kabisa ile fundisho juu ya mambo yenye nilijioneaka mu maisha. Hata kama nilikuwa tu na miaka 26, nilijioneaka mambo mingi yenye ilinisumbua.

Baba yangu alikuwa pilote wa Jeshi ya Anga ya Amerika. Kwa hiyo wakati nilikuwa mutoto, nilikuwa najua kama kunakuwaka mabombe nucléaires. Ile jeshi ilikuwa tayari kupiga mabombe kila wakati. Vita ilianza mu vietnamu wakati nilikuwa ku masomo mu California. Nilijiunga na kikundi ya wanafunzi wenye kufanya maandamano. Polisi walikuwa natufukuza na wako na miti. Tulikimbia, lakini hatukukuwa tunaona muzuri juu walipiga masasi ya kutosha machozi. Ilikuwa wakati wa muvurugo na uasi. Wakubwa wa polisi waliuawa na watu walikuwa nafanya maandamano. Kila mutu alikuwa na mawazo yake juu ya mambo yenye ilipaswa kufanyika. Kulikuwa muvurugo kabisa.

Mu 1970, nilianza kutumikia pembeni ya bahari ya kaskazini mwa Alaska na nilipata makuta mingi. Nilienda Londres, nikauza moto, na kisha nikaenda upande wa kusini. Lakini, sikujua kwenye safari yangu ingeishia. Kisha miezi fulani, nilifika Afrika. Mu njia, nilikutana na watu fulani wenye pia walikuwa napenda kukimbia magumu yao.

Kwa hiyo, juu ya mambo yenye nilijionea na kusikia, nilifikia kuelewa kama fundisho yenye kuonyesha  kuwa kuko kiumbe muovu mwenye iko natawala dunia ni ya kweli. Sasa nilijiuliza hivi: Ikiwa Mungu hatawale dunia, basi iko nafanya nini wakati mambo ya mubaya iko nafanyika? Nilipenda kujua.

Mu miezi yenye ilifuata, nilipata jibu. Kisha wakati fulani, nilifikia pia kujua na kupenda wanaume na wanamuke wengi wenye, mu hali zote za maisha, walibakia waaminifu kwa Mungu wa kweli.

Wakati nilirudia Londres, nilionana na mama yake na rafiki yangu, na akanipatia Biblia. Kisha, wakati nilienda Amsterdam, mu eneo ya Hollande, Shahidi fulani aliniona niko nasoma Biblia na niko chini ya tala yenye ilikuwa naangaza mu barabara. Alinisaidia kujifunza mambo mingi zaidi. Kisha, nilienda mu Dublin, mu Irlande, na nikapata biro ya tawi ya Mashahidi wa Yehova. Nikagonga ku mulango ya mbele. Na kule njo nilikutana na Arthur Matthews, ndugu mwenye kuwa na hekima na uzoefu. Nilimuomba aanze kunifundisha Biblia, na akaitika.

Nilianza kujifunza kwa hamu sana na nilipenda kabisa kusoma vitabu na magazeti yenye Mashahidi wa Yehova wanachapishaka. Na kusema kweli, nilisoma tu Biblia. Ilinigusa sana! Ku mikutano, niliona kama hata watoto walijua majibu ya maulizo yenye wanaume wenye elimu walikuwa najiuliza kwa mamia ya miaka, sawa vile: ‘Juu ya nini ku dunia kuko mambo ya mubaya sana? Mungu ni nani? Wakati mutu anakufa anakuwaka mu hali gani?’ Marafiki wangu wote walikuwa Mashahidi wa Yehova. Ile ilinisaidia sana juu sikujua mutu mwingine mu ile inchi. Walinisaidia nifikie kumupenda Yehova na kupenda kufanya mapenzi yake.

Nilibatizwa mu 1972. Kisha mwaka moya, nilianza kazi ya upainia na nikajiunga na kutaniko kidogo mu Newry, mu kaskazini ya Irlande. Nililipia nyumba yenye ilikuwa ku sehemu fulani ya mulima. Kulikuwa ngombe karibu-karibu, na nilikuwa nafanya mazoezi ya kutoa hotuba mbele yao. Walionekana sawa vile wako nasikiliza kwa uangalifu wakati walikuwa natafuna chakula. Hawakunipatia shauri yoyote. Lakini, kufanya mazoezi mbele ya wale ngombe kulinisaidia nijue namna naweza kuangalia wasikilizaji wakati niko natoa hotuba. Mu 1974, niliwekwa kuwa painia wa pekee na nilijiunga na Nigel Pitt, mwenye alifikia kuwa rafiki yangu wa kufa na kuzikana.

Ile wakati kulikuwa “jeuri sana” mu kaskazini ya Irlande. Kwa hiyo, watu fulani walikuwa wanaita kaskazini ya Irlande “inchi ya bombe na risasi.” Ilikuwa kawaida kuona watu wanapigana mu barabara, watu kupigwa masasi, na gari kupiga mabombe.  Mara mingi politike na dini njo vilikuwa natokeza ile mambo. Lakini, Waprotestanti na Wakatoliki, walitambua kama Mashahidi wa Yehova hawakujiingiza mu politike, ile ilifanya tuhubiri kwa uhuru na kwa usalama. Mara mingi, wanafunzi wetu wa Biblia walikuwa najua ni wakati gani na ni wapi kunaweza kutokea vita na walikuwa natuambia mbele ya wakati ili tuepuke hatari.

Hata vile, kulikuwa hatari zingine za mubaya. Siku moya, miye na Denis Carrigan, mwenye alikuwa pia painia, tulihubiri karibu na muji fulani kwenye hakukuwa Mashahidi wa Yehova. Mbele ya pale tulikuwaka tulishahubiria kule mara moya. Mwanamuke moya alitushitaki kama tulikuwa naficha maaskari wa Uingereza, pengine alisema vile juu kati yetu hakuna mwenye alikuwa nasema sawa watu wa mu Irlande. Ile ilituogopesha sana. Kama tu mutu anafanya urafiki na maaskari walikuwa namupiga masasi na kumuua, ao kumupiga masasi ku magoti. Siku moya kulikuwaka baridi, tulikuwaka siye peke inje na tuko nachunga bisi. Kisha, tukaona gari moya inakuya mbele ya restaurant kwenye kulikuwa ule mwanamuke mwenye alitushitaki. Ule mwanamuke akatoka, akaanza kuongea na wanaume wawili wenye walikuwa mu ile gari na iko natushota kidole kwa kasirani. Kisha wale wanaume wakatembeza gari polepole mupaka kwenye tulikuwa. Wakatuuliza maulizo fulani kuhusu programu ya bisi. Wakati bisi ilifika, wale wanaume waliongea na shofere. Hatukusikia mambo yenye waliongea. Mu ile bisi hamukukuwa watu wengine, ile ilifanya tuwaze kama mipango ilishafanywa juu tutendewe mubaya inje ya ule muji. Lakini mambo haikukuwa vile. Wakati nilishuka mu bisi, niliuliza hivi shofere: “Wale wanaume walikuwa nauliza mambo fulani juu yetu?” Shofere akanijibu: “Najua muko wanani, na niliwaelezea nyiye ni wanani. Musihangaike. Hawatawafanya kitu.”

Mu 1976, ku mukusanyiko wa wilaya a mu Dublin, nilikutana na Pauline Lomax, painia wa pekee mwenye alitoka Uingereza. Alikuwa dada wa kiroho, munyenyekevu, na mutu muzuri. Yeye na kaka yake Ray, walijua kweli tangu utoto. Kisha mwaka moya, miye na Pauline tulioana na tukaendelea na kazi ya upainia wa pekee mu Ballymena, mu kaskazini ya Irlande.

Wakati fulani tulitumika mu kazi ya muzunguko ili kusaidia ndugu zetu mu Belfaste, Londonderry, na mu maeneo ingine hatari. Tuliona imani ya ndugu na dada zetu wenye waliachana kabisa na dini fulani, ubaguzi, na chuki ili kumutumikia Yehova. Ile ilitutia moyo sana. Bila shaka Yehova aliwabariki na kuwalinda!

Niliishi mu Irlande kwa miaka kumi. Kisha mu 1981 tulialikwa ku masomo ya Gileadi, mu somo ya 72. Kisha kupata diplome, tulitumwa mu Sierra Leone, Mangaribi ya Afrika.

Tuliishi pamoya na watu wazuri 11 mu nyumba ya wamisionere. Tulikuwa na fasi moya tu ya kupikia chakula, choo tatu, fasi mbili ya kunawia, telefone moya, machine moya ya kufula manguo, na moya ya kuikausha. Mara mingi courant ilikuwa naharibika-haribika bila kutazamia. Panya waliyala mu plafon, na cobra waliingia chini ya udongo.

Hata kama maisha ilikuwa nguvu, tulifurahia sana kazi ya kuhubiri. Watu waliheshimia Biblia na walisikiliza kwa uangalifu. Wengi walijifunza kweli na wakakuwa Mashahidi wa Yehova. Watu mu ile eneo walikuwa naniita “Bwana Robert.” Pauline walikuwa namuita “Madame Robert.” Kisha wakati fulani, kazi yenye nilikuwa nafanya ku biro ya tawi ilinikamata  wakati mingi, na ile ikafanya nisikuwe nahubiri tena sana. Kisha watu wakaanza kumuita Pauline “Madame Pauline.” Miye wakaanza kuniita “Bwana Pauline.” Pauline alipenda sana vile!

Ndugu wengi walikuwa maskini, lakini Yehova aliendelea kuhangaikia mahitaji yao, wakati fulani mu njia zenye hawakuwazia. (Mt. 6:33) Nakumbuka dada moya mwenye alikuwa tu na makuta ya kuuza chakula yake na ya watoto wake ya kula ile siku, lakini alikamata ile makuta akapatia ndugu moya mwenye alikuwa mugonjwa, mwenye hakukuwa hata na makuta ya kuuza dawa ya malaria. Kisha siku ileile, bila kutazamia mwanamuke moya alikuya kumuona ule dada juu amutengeneze nywele na wakati alimaliza, ule mwanamuke akamulipa. Mambo ya vile ilikuwa nafanyika sana.

Tulifanya miaka kenda mu Sierra Leone. Kisha tukatumwa ku Beteli ya Nigeria. Tulikuwa sasa mu Beteli kubwa. Niliendelea kufanya ileile kazi yenye nilikuwaka nafanya ku biro ya tawi ya Sierra Leone, lakini Pauline, alipewa kazi ingine. Ilikuwa badiliko kubwa na haikukuwa mwepesi. Mbele alikuwa nafanya saa 130 mu mahubiri kila mwezi, na alikuwa na mafunzo ya Biblia yenye ilikuwa nafanya maendeleo. Sasa alipewa kazi ya kutumika mu chumba ya kushonea. Kila siku alikuwa natengeneza manguo ya kuharibika. Ilikamata wakati juu ajipatanishe na ile hali, lakini alifikia kuona kama ndugu na dada walikuwa nasamini kazi yenye alikuwa nafanya, na aliendelea kufanya yake yote ili kutia moyo wanabeteli wenzake.

Desturi ya mu Nigeria ilikuwa ya mupya kwetu, na iliomba tujifunze mambo mingi. Siku moya, ndugu fulani alikuya mu biro yangu juu ya kunionyesha dada mwenye alitoka tu kukubaliwa kuwa mwanabeteli. Saa nilikuwa karibu kumupatia mukono, akainama mbele ya migulu yangu. Nilishangaa! Palepale nikakumbuka maandiko mbili: Matendo 10:25, 26 na Ufunuo 19:10. Nilijiuliza, ‘Nimuambie asifanyake tena hivi?’ Palepale, nikakumbuka kama alikubaliwa kuwa mwanabeteli, ni kusema, anajua mambo yenye Biblia inafundisha.

Nilisikia haya wakati wa mazungumuzo yote yenye tulifanya kisha pale, kisha nikafanya utafiti fulani. Nilifikia kujua kama alikuwa nafuata desturi fulani yenye watu walikuwa wangali wanafuata mu sehemu fulani ya ile inchi. Hata wanaume walikuwa wanafanya vile. Ilikuwa njia ya kuonyesha heshima. Haikukuwa ibada. Ile ni mambo yenye inafanana na ile yenye inazungumuziwa mu Biblia.  (1 Sa. 24:8) Hata kama sikujua ile desturi, nilifurahi sana juu sikumuambiaka dada yangu jambo yenye ingemuletea haya.

Tulikutana na watu wengi mu Nigeria wenye walionyesha uaminifu sana kwa miaka mingi. Kwa mufano, fikiria Isaiah Adagbona. b Wakati alikuwa kijana alijifunza kweli, lakini kisha akapata ugonjwa wa ukoma. Alipelekwa fasi kwenye walikuwa wanachungia watu wenye ukoma, ni yeye tu njo alikuwa Shahidi wa Yehova kule. Ijapokuwa upinzani, alisaidia watu wenye walikuwa na ukoma zaidi ya 30 wajifunze kweli na alianzisha kutaniko ile fasi.

Mu 1996 tulitumwa ku beteli ya Kenya. Ilikuwa njo mara yangu ya kwanza kurudia tena mu ile inchi, tangu nilitembeleaka kule sawa vile nilionyesha ku mwanzo. Tulikuwa ku Beteli. Kule ku Beteli kulikuwa aina mingi ya makako wenye kuitwa vervet. Walikuwa “wanaiba” kwa wadada fulani matunda yenye walikuwa nayo. Siku moya, dada fulani ku Beteli aliacha dirisha wazi. Wakati alirudia ku nyumba, alikuta familia kubwa ya makako iko nakula chakula yenye ilikuwa mu chumba yake. Alilalamika na kukimbilia inje. Wale makaku walilalamika, waliruka na kuenda inje kupitia dirisha.

Miye na Pauline tulihamia mu kutaniko ya kiswahili. Kisha wakati kidogo, nilipewa daraka ya kuanza kuongoza funzo la kitabu la kutaniko (leo inaitwa funzo ya Biblia ya kutaniko). Lakini, nilikuwa siyajua kusema muzuri kiswahili. Kwa hiyo nilikuwa najifunza habari mbele ya wakati, na ile njo ilinisaidia niweze kusoma maulizo. Lakini, wakati ndugu walikuwa najibia kwa kutumia maneno yenye ilikuwa tofauti kidogo na yenye ilikuwa mu mafungu, sikukuwa naielewa. Ile ilifanya nisikie haya na nisikie mubaya. Nilifurahi juu ndugu na dada walinivumilia na kwa unyenyekevu waliniacha niongoze mikutano.

Hatukueneza mwaka moya mu Kenya. Kisha mu 1997, tulialikwa ku Beteli ya Brooklyn, New York. Sasa tulikuwa mu inchi kwenye watu walikuwa na vitu mingi vya kimwili vyenye wakati fulani vinakuwaka na magumu yake. (Mez. 30:8, 9) Lakini hata mu inchi ya vile, ndugu na dada walikuwa na imani ya nguvu sana. Ndugu zetu walitumia wakati na mali yao, hapana juu ya kujitajirisha, lakini juu wategemeze kazi yenye kufanyika mu tengenezo ya Yehova.

Kwa miaka mingi, tuliona imani ya Mashahidi wenzetu mu hali mbalimbali. Mu Irlande, tuliona imani ya ndugu na dada hata kama mulikuwa jeuri. Mu Afrika, ndugu na dada walikuwa na imani hata kama walikuwa maskini na hata kama walikuwa naishi fasi kwenye hakukuwa Mashahidi. Mu Amerika, ndugu na dada walikuwa na imani hata kama waliishi mu inchi tajiri. Bila shaka, Yehova anafurahiaka sana kuona watu wenye wanamupenda mu kila hali!

Miaka ilipita mbio sana “kuliko chombo cha kusuka cha musukaji wa nguo.” (Yob. 7:6) Sasa tuko natumika na wengine ku makao makubwa ya Mashahidi wa Yehova mu Warwick, New York, na tunafurahi sana kuendelea kutumika na watu wenye wanapendana kabisa. Tuko na furaha ya kufanya mambo yenye tunaweza ili kutegemeza Mufalme wetu, Kristo Yesu, mwenye hivi karibuni atapatia zawabu waaminifu wengi sana tena wenye imani.​—Mt. 25:34.