YOMARA na ndugu zake, Marcelo na Hiver, wanaishi mu muji kidogo mu Guatemala. Yomara alianza kujifunza Biblia na Mashahidi wa Yehova, kisha ndugu zake nao pia walianza kujifunza. Lakini kulikuwa tatizo fulani. Wale ndugu wote tatu walikuwa vipofu, na hawakujua kusoma maandishi ya vipofu. Njo maana, mwalimu wao wa Biblia alikuwa nawasomea mafungu na maandiko ya Biblia ya kila somo.

Ilikuwa pia nguvu kwao kuenda ku mikutano. Juu wao peke hawangeweza kutembea dakika 40 juu ya kufika ku Jumba ya Ufalme yenye ilikuwa karibu na kwao. Lakini, ndugu mu kutaniko walikamata mipango juu ya kuwapeleka ku mikutano. Na wakati wale ndugu tatu walianza kupitisha vipindi ku mikutano ya katikati ya juma, ndugu walikuwa nawasaidia kutia mu akili vipindi vyao.

Mu Mwezi wa 5, 2019, mikutano ilianza kufanyiwa mu muji wao. Kisha pale, bibi na bwana fulani wenye walikuwa mapainia wa kawaida walihamia mu ile muji. Walijiwekea muradi wa kufundisha wale ndugu tatu kusoma na kuandika maandishi ya vipofu, hata kama wale bibi na bwana hawakujua namna ya kufanya vile. Njo maana walienda ku maktaba ili kutafuta vitabu kuhusu maandishi ya vipofu juu wajue namna ya kufundisha wengine.

Mu miezi kidogo tu, wale ndugu tatu walianza kusoma maandishi ya vipofu, na ile iliwasaidia kufanya maendeleo ya kiroho. a Kwa sasa Yomara, Marcelo, na Hiver ni mapainia wa kawaida. Na Marcelo ni mutumishi wa huduma. Kila juma, wanajikazaka kufanya mambo mingi mu kazi ya Yehova. Bidii yao imesaidia wengine wawaige.

Wale ndugu tatu ni wenye shukrani kuona vile kutaniko iliwategemeza kwa upendo. Yomara anasema hivi: “Tangu siku ya kwanza yenye tulikutanaka na Mashahidi wa Yehova, walituonyeshaka upendo wa kweli wa Kikristo.” Marcelo anaongezea hivi: “Tuko na marafiki wazuri mu kutaniko yetu na tuko mu familia ya ndugu na dada wa mu dunia yote wenye kuwa na upendo.” Yomara na ndugu zake wanangojea kwa hamu kuona wakati dunia itakuwa paradiso.​—Zb. 37:10, 11; Isa. 35:5.