“Tafazali, Unaweza Kutuchukua Picha?”

Kisha siku ya pili ya mukusanyiko wa wilaya, Josué, mwanabetheli huko Mexique, alikuwa akijitembeza katika muji wa Querétaro. Turiste mumoja wa Kolombia, Javier na Maru muke wake, wakamuomba Josué ikiwa anaweza kuwachukua picha. Kwa kuwa Josué na mashahidi wenzake walikuwa wakivalia vizuri na walivaa kadi zenye kuonyesha kichwa cha mukusanyiko, mwanaume huyo na muke wake waliwauliza ikiwa walitoka kwenye sherehe ya kuwapa wanafunzi diplome ao mukutano mwingine wa pekee. Josué aliwaelezea kwamba katika muji kuna mukusanyiko wa wilaya wa Mashahidi wa Yehova, na hivyo akawaalika kwenye kipindi cha Siku ya Yenga.

Mwanaume huyo na muke wake wakafikiri kwamba kwa kuwa hawana mavazi yanayofaa kabisa kwa ajili ya mukusanyiko huo, kufanya hivyo kutawafezehesha sana. Hata hivyo, Josué aliwapa jina lake na namba ya telefone ya tawi, mahali anapotumikia.

Baada ya miezi 4, Josué alishangaa kupata habari kutoka kwa Javier. Yeye na muke wake walihuzuria mukusanyiko huo, na sasa walitaka Mashahidi wa Yehova wawatembelee katika muji wa Mexique, mahali walipokuwa sasa wanaishi. Bila kukawia, funzo la Biblia lilianzishwa pamoja na Javier na Maru, na mara moja wakaanza kuhuzuria mikutano. Kisha miezi kumi, wakawa wahubiri wasiobatizwa. Ijapokuwa walilazimishwa kuhamia Toronto, Canada, waliendelea kufanya maendeleo ya kiroho na wakabatizwa.

Baada ya muda, Javier alimuandikia Josué barua, na katika barua hiyo alimuelezea kile kilichomuchochea akubali kweli. Aliandika hivi: “Mbele ya kuhuzuria mukusanyiko, mimi na muke wangu tulizungumuzia jambo la kwamba tulijisikia kuwa na uhitaji wa kuongozwa na Mungu. Tulipoona jinsi mulivyovalia vizuri, tulifikiri kwamba mulitoka kwenye mukutano wa pekee. Kwenye mukusanyiko, tulishangazwa na jinsi mumoja wenu alivyopendezwa nasi na kutuonyesha mahali pa kukaa, kutusaidia kupata maandiko katika Biblia. Tulishangazwa pia na mwenendo wa wahuzuriaji. Hatukuonekana kama wageni ijapokuwa tulivalia kama waturiste.”

Maneno ya mutu mwenye hekima Mufalme Sulemani yalionekana kuwa ya kweli kabisa kuhusu Josué! Sulemani aliandika: ‘Asubuhi panda mbegu zako na mupaka jioni usiache mukono wako upumuzike; kwa maana hujui ni wapi hii itafanikiwa, hapa au pale, au ikiwa zote mbili zitakuwa njema.’ (Mhu. 11:6) Je, unaweza kupanda mbegu kwa kutumia kila nafasi inayojitokeza ili kuwaelezea wengine kuhusu mukusanyiko mutakaofanya wakati ujao ao kuhusu hotuba ya watu wote? Yehova anaweza kukutumia ili kuwavuta wale wanaohitaji kabisa uongozi wake, kama Javier na Maru.​—Isa. 55:1.

[Picha katika ukurasa wa 32]

Kutoka upande wa kushoto kuelekea upande wa kuume: Alejandro Voeguelin, Maru Pineda, Alejandro Pineda, Javier Pineda, na Josué Ramírez kwenye tawi la Mexique