Vitu vya Maana Sana vya Historia Yetu

Kusafiri Pamoja na Wapelerin

“SIWEZI kuhubiri nyumba kwa nyumba!” Maneno hayo yalisemwa na muhubiri mumoja mwenye uzoefu aliyekuwa pelerin. Hilo linaweza kushangaza kwa sababu kwa kawaida wanafunzi wapya wa Biblia ndio wanaoogopa kuhubiria watu ambao hawajui.

Wasomaji wengi wa gazeti Le Phare de la Tour de Sion ambao waliacha dini zao walitamani kushirikiana na wale ambao walikuwa na kiu kama yao ya kweli ya Biblia. Gazeti hilo lilichochea wasomaji hao watafute watu wengine waliokuwa na imani kama yao na kukusanyika pamoja kwa ukawaida ili kujifunza Biblia. Kuanzia mwaka wa 1894 hivi, Sosaiti ya Watch Tower ilituma ndugu fulani wasafiri ili kukutana na vikundi hivyo vya watu vilivyohitaji kutembelewa. Ndugu hao wenye ujuzi mwingi na wenye kutumika kwa bidii, ambao baadaye waliitwa wapelerin, walichaguliwa kwa sababu walikuwa wapole, walikuwa na ujuzi wa Biblia, wasemaji wazuri na watu wenye ufundi wa kufundisha, na waaminifu kwa zabihu ya ukombozi. Ziara zao zilifanya siku moja ao siku mbili zenye kazi nyingi. Wanafunzi wengi wa Biblia walihubiri kwa mara ya kwanza kwa kutolea watu mialiko ili wakuje kuhuzuria hotuba ya watu wote iliyotolewa na ndugu hao. Kisha hotuba yake ya mangaribi katika masomo moja, ndugu Hugo Riemer, ambaye baadaye alikuwa mushiriki wa Baraza Linaloongoza, alijibu maulizo ya Biblia mupaka kisha midi ya usiku. Hata ikiwa alikuwa mwenye kuchoka, alikuwa mwenye furaha na akasema kama mukutano huo ‘ulipendeza sana.’

Gazeti Le Phare de la Tour de Sion linasema kama wapelerin walitembelea ndugu ili kujenga “nyumba ya imani” kupitia mikutano katika nyumba za waamini. Wanafunzi wa Biblia kutoka maeneo jirani walikuja kusikiliza hotuba na vipindi vya maulizo na majibu. Kisha kulikuwa wakati wa kuonyesha ukarimu wa Kikristo. Alipokuwa angali binti, Maude Abbott alihuzuria hotuba moja ya asubuhi, kisha wote waliohuzuria wakazunguka meza ndefu katika uwanja. “Kulikuwa chakula kingi​—jambon, kuku ya kukaangwa, mikate ya kila aina, mandazi na magato! Kila mutu alikula na kushiba na saa munane tulikusanyika tena ili kufuata hotuba ingine.” Anamalizia kwa kusema, “kila mutu wakati huo alikuwa nasinzia.” Siku moja ndugu Benjamin Barton, aliyetumika kama pelerin kwa miaka mingi, alisema, ‘Ningekuwa namaliza chakula chote walichokuwa wananitolea, kama nilishaka kufa na kama siko tena pelerin.’ Barua moja kutoka makao makuu huko Brooklyn iliomba wadada wenye roho nzuri kuwatayarishia wapelerin ‘chakula chenye kujenga kila siku’ na kuwatayarishia ‘mahali pa kulala penye ukimya.’

Wapelerin walikuwa mafundi wa kufundisha, walitumia picha, michoro ao kitu chochote ili kufanya mafundisho yao yawe hai na kueleweka. Ndugu Richard Barber alikuwa akitoa hotuba zake “katika njia yenye kupendeza sana.” Ndugu Walter Thorn alikuwa akisema “kama muzee wa ukoo wa wakati wa zamani.” Siku moja alipokuwa akitembeza motokari ya aina ya Ford, Shield Toutjian alipaaza sauti kwa gafula, “Simama!” Aliruka kutoka katika motokari, akakata mauwa ya pori, na bila kujitayarisha, akaanza kufundisha wenzake juu ya uumbaji wa Yehova.

Kazi ya wapelerin ilikuwa kazi yenye kuomba mambo mengi na kuwaletea matatizo mengi, zaidi sana kwa wale waliokuwa na umri mukubwa. Lakini kwa  wapelerin wengine, jaribu kubwa lilikuwa badiliko katika kusudi kuu la kazi yao. Walitazamiwa sasa kuongoza kazi ya kuhubiri nyumba kwa nyumba. Gazeti Le Phare de la Tour de Sion la tarehe 15 mwezi wa 3, 1924, lilisema kama “moja kati ya daraka kubwa” la Wakristo wa kweli “ni kutoa ushahidi kuhusu Ufalme. Wapelerin wanatumwa kwa kusudi hilo.”

Inaonekana kama wapelerin fulani hawakupendezwa na badiliko hilo, kwa kuwa waliacha kazi yao ya kusafiri, na wengine walikasirika na hata kuanzisha vikundi vyao vya kidini. Robie Adkins anaeleza kwamba pelerin mumoja ambaye alikuwa musemaji muzuri sana alinungunika hivi kwa uchungu: “Mimi ninajua tu kuhubiri kwenye jukwaa. Siwezi kuhubiri nyumba kwa nyumba!” Ndugu Adkins anakumbuka: “Kisha hapo niliomuona kwenye mukusanyiko uliofanywa katika mwaka wa 1924 huko Columbus, Ohio. Kati ya wote waliokuwa hapo, yeye ndiye alionekana kuwa mwenye kukosa furaha, alisimama peke yake chini ya kivuli cha muti mudogo na alikuwa mwenye huzuni kati ya ndugu wengi wenye furaha. Kisha hapo sikumuona tena. Kisha siku chache aliacha tengenezo.” Kwa upande mwengine, “ndugu wengi wenye furaha walikuwa wakipeleka vitabu katika motokari zao,” bila shaka wakiwa na hamu ya kutoa ushahidi nyumba kwa nyumba.—Mdo. 20:20, 21.

Ndugu wengi wapelerin walihubiri kwa shauku ijapokuwa waliogopa kazi ya kuhubiri nyumba kwa nyumba kama vile wale waliokuwa wakizoezwa. Kuhusiana na kazi ya kuhubiri nyumba kwa nyumba, ndugu Maxwell G. Friend (Freschel), pelerin aliyekuwa akizungumuza kijerumani, alisema hivi: “Kazi hii ambayo ni sehemu ya kazi ya wapelerin inafanya safari ifurahishe.” Pelerin John Bohnet alisema kama, kwa ujumla ndugu walikubali kwa moyo wote mukazo uliotiwa juu ya kazi ya kuhubiri Ufalme. Kulingana na ndugu John, wengi kati yao “walitamani sana kuwa kwenye mustari wa mbele wa vita.”

Kwa muda wa miaka mingi, waangalizi waaminifu wenye kusafiri wamesaidia ndugu na dada sana. Shahidi moja wa miaka mingi anayeitwa Norman Larson alisema hivi: “Kila mutu aliona samani na faida iliyotokana na wapelerin. Walitumika sana ili kunisaidia nichukue uamuzi unaofaa.” Mupaka leo, waangalizi waaminifu wenye kusafiri na wanaojitolea, wanaendelea kusaidia waamini wenzao waseme, “Tunaweza kuhubiri nyumba kwa nyumba!”

[Wazo la fungu kwenye ukurasa 32]

Ilikuwa siku yenye furaha wakati wapelerin walitokea!

[Picha katika ukurasa wa 31]

Katika safari yake mwaka wa 1905, Benjamin Barton alifanya vituo 170

[Picha katika ukurasa wa 32]

Ndugu Walter Thorn alikuwa pelerin. Alijulikana kwa jina la Pappy kwa sababu alikuwa kama baba, na alikuwa na nia tayari kama Kristo

[Picha katika ukurasa wa 32]

Ndugu Browne alitumwa Jamaique akiwa pelerin katika mwaka wa 1902 ili kutegemeza na kutia moyo vikundi vidogo 14

[Picha katika ukurasa wa 32]

Kazi ya wapelerin ilijenga imani, ilitia nguvu umoja wa Kikristo, na ilisaidia ndugu wabaki karibu na tengenezo