BIBLIA INABADILISHA MAISHA YA WATU

NINI njo ilisaidia mwanaume fulani wa mu inchi ya Écosse apate kitu fulani ya maana zaidi kuliko biashara yenye kuendelea muzuri? Nini njo ilisaidia mawanaume fulani wa Brazili aachane na maisha ya uasherati na aache kutumia dawa ya kulewesha? Namna gani mwanaume fulani wa Slovenia alifikia kuacha tabia ya kunywa sana? Soma mambo yenye wanatuelezea.

“Maisha yangu ilionekana kuwa ya muzuri.”​—JOHN RICKETTS

ALIZALIWA: 1958

INCHI: ÉCOSSE

ALIKUWA: NAFANYA BIASHARA YENYE KUENDELEA MUZURI

MAISHA YANGU YA ZAMANI: Nilikuwa na maisha ya muzuri wakati nilikuwa nakomala. Baba yangu alikuwa ofisa mu jeshi ya Waangereza. Ile ilifanya tukuwe nahama sana; zaidi ya Écosse, tuliishi pia Uigereza, Alemanye, Kenya, Malasia, Irelandi, na Chypres. Tangu wakati nilikuwa na miaka munane nilikuwa naishi ku masomo zenye nilikuwa nasomea mu inchi ya Écosse. Kisha nikafikia kupata diplome ku masomo ya juu ya Cambridge.

Wakati nilikuwa na miaka 20, nilianza biashara ya mafuta yenye nilifanya kwa miaka munane. Ku mwanzo nilifanya ile kazi mu Amerika ya Kusini, kisha mu Afrika, na ku mwisho mu Mangaribi mwa Australia. Kisha kuhamia Australia, nilianzisha kompanyi ya mambo ya feza yenye nilifikia kuuzisha.

Feza zenye nilipata wakati niliiuzisha zilikuwa za mingi mupaka nikaacha kutumika wakati nilikuwa na miaka 40. Nilitumia wakati wangu ili kusafiri mahali mbalimbali. Nilizunguka Australia mara mbili na moto yangu, na nilisafiri mu dunia yote. Maisha yangu ilionekana kuwa ya muzuri.

BIBLIA ILIBADILISHA MAISHA YANGU: Hata mbele niache kutumika nilikuwa natafuta njia ya kumushukuru Mungu juu ya maisha ya muzuri yenye nilikuwa nayo. Nilianza kuenda mu kanisa ya Waanglikani kwenye nilikuwaka naenda wakati nilikuwa mutoto, lakini hawakutolea watu mafundisho ya mingi ya Biblia. Kisha nilijifunza na Wamormo, lakini nilivunjika moyo kuona namna mafundiso yao haikutegemea Biblia.

Siku moya Mashahidi wa Yehova waligonga ku mulango yangu. Mara moya niliona kama mafundisho yao inategemea kabisa Biblia. Andiko moya yenye walinionyesha ilikuwa 1 Timoteo 2:3, 4. Ile andiko inasema kama mapenzi ya Mungu ni “kwamba watu wa namna zote waokolewe na wapate ujuzi wenye hauna makosa wa ile kweli.” Niliguswa sana kuona namna Mashahidi wa Yehova hawakukazia tu ujuzi, lakini walikazia ujuzi wenye hauna makosa wa Biblia.

Kujifunza Biblia pamoya na Mashahidi wa Yehova kulinisaidia kupata ujuzi wenye hauna makosa. Kwa mufano nilijifunza kama Mungu na Yesu hawako sehemu ya utatu, fundisho yenye haieleweke; lakini, ni watu wawili tofauti. (Yohana 14:28; 1 Wakorinto 11:3) Nilifurahi sana kujifunza ile kweli yenye kuwa wazi. Na nilikasirika kuona kama nilipitisha wakati mingi na niko najaribu kuelewa fundisho yenye haiwezi kueleweka!

Bila kukawia nilianza kuenda ku mikutano ya Mashahidi wa Yehova. Niliguswa sana kuona urafiki wenye ulikuwa kati yao na namna walikuwa na mwenendo muzuri sana​—walionekana kuwa watakatifu. Upendo wa kweli wenye walionyesha ulinihakikishia kama nimepata dini ya kweli.​—Yohana 13:35.

FAIDA YENYE NIMEPATA: Kisha kubatizwa nilikutana na dada fulani mwenye kuitwa Diane. Alikomalia mu familia ya Mashahidi wa Yehova na alikuwa na sifa za muzuri zenye zilinivutia. Kisha wakati fulani tulioana. Diane amekuwa rafiki yangu wa sana na amenitegemeza sana; ile nibaraka kutoka kwa Yehova.

Miye na Diane tulianza kuwa na nia ya kuhamia fasi kwenye kulikuwa na lazima kubwa ya wahubiri wa habari njema. Mu 2010, tulihamia Belize mu Amerika ya kati. Huku tunahubiria watu wenye wanapenda Mungu na wenye wana penda kujua mambo mingi juu yake.

Sasa niko na amani ya akili juu ninajua kweli kuhusu Mungu na Neno yake Biblia. Juu niko mutumishi wa wakati wote nimepata nafasi ya kufundisha watu wengi Biblia. Hakuna kitu yenye inaletaka furaha sana sawa vile kuona namna kweli ya Biblia inasaidia mutu akuwe na maisha ya muzuri zaidi​—sawa vile ilinisaidiaka. Sasa nimepata njia ya muzuri zaidi ya kumushukuru Mungu juu ya maisha ya muzuri yenye niko nayo.

“Walinitendea muzuri sana.”—MAURÍCIO ARAÚJO

ALIZALIWA: 1967

INCHI: BRAZILI

ALIKUWA: MUASHERATI

MAISHA YANGU YA ZAMANI: Nilikomalia Avaré, muji mudogo wenye kupatikana mu inchi ya São Paulo. Watu wengi mu ile muji ni wafanyakazi wenye wanatumikia wengine.

Baba yangu alikufa wakati mama yangu alikuwa na mimba yangu. Wakati nilikuwa mutoto, nilikuwa navala manguo ya mama yangu wakati hakukuwa. Nilianza kuwa na tabia za wanamuke, na watu walianza kuniona kuwa mutu mwenye kupenda wanaume wenzake. Kisha wakati fulani nilianza kufanya ngono na wanaume wengine.

Wakati nilikuwa na miaka 20 hivi, nilianza kutafuta sana watu wa kufanya nao ngono, wanaume na wanamuke, niliwatafuta fasi yote, fasi ya kunywia pombe, fasi za kujifurahisha usiku wote, na hata mu makanisa. Wakati wa sherehe mbalimbali nilikuwa navala sawa vile wanamuke na nilikuwa nacheza wakati wa maonyesho ya masomo. Nilijulikana sana.

Kati ya marafiki wangu, kulikuwa wanaume wenye kulala na wanaume wenzao, makahaba, na watumwa wa dawa za kulewesha. Wamoja walinichochea nipime kutumia kokaini, na bila kukawia, nikakuwa mutumwa wa ile dawa ya kulewesha. Wakati fulani tulikuwa tunavuta usiku wote. Na wakati ingine nilikuwa naenda fasi fulani miye peke na kuvuta siku muzima. Niligonda sana, mupaka watu wakaanza kusema kama niko na SIDA.

BIBLIA ILIBADILISHA MAISHA YANGU: Mu ile wakati njo nilikutana na Mashahidi wa Yehova. Walinitendea muzuri sana. Kati ya maandiko yenye walinisomea, kulikuwa Waroma 10:13, yenye inasema: “Kila mutu mwenye anaitia jina la Yehova ataokolewa.” Maneno ya ile andiko ilinisaidia kuona kama ni jambo ya maana sana kutumia jina ya Yehova. Mara mingi, kisha kuvuta usiku wote, nilikuwa nafungula dirisha, ninaangalia mbinguni, na kwa machozi nilikuwa namulilia Yehova anisaidie.

Nilihuzunika sana kuona vile mama yangu aliteseka kuona namna niko najiharibisha na dawa za kulewesha. Kwa hiyo, niliamua kuachana nazo. Muda mufupi kisha pale, nilikubali kujifunza Biblia pamoja na Mashahidi wa Yehova. Walinihakikishia kama kujifunza Biblia kutanisaidia niheshimie uamuzi wangu wa kuachana na dawa za kulewesha, na kulinisaidia!

Wakati niliendelea kujifunza Biblia nilitambua kama nilipaswa kubadilisha maisha yangu. Ilikuwa nguvu sana kuachana na tabia ya kulala na wanaume wenzangu, juu nilikuwa na ile tabia tangu wakati nilikuwa mudogo. Jambo moja yenye ilinisaidia ilikuwa kuachana na marafiki wangu wa zamani na kuacha kuenda fasi za kunywia pombe na fasi za kujifurahisha usiku wote.

Hata kama haikukuwa mwepesi kufanya ile mabadiliko, nilitiwa moyo kujua kama Yehova ananihangaikia na anaelewa namna niko najikaza. (1 Yohana 3:19, 20) Mu 2002, nilikuwa nimeacha tabia ya kulala na wanaume wenzangu, na mu ile mwaka nikabatizwa na kuwa Shahidi wa Yehova.

FAIDA YENYE NIMEPATA: Mama yangu aliguswa sana kuona vile nilibadilisha maisha yangu, na akaanza pia kujifunza Biblia. Jambo ya kuhuzunisha ni kama, alipatwa na ugonjwa fulani wa ubongo wenye ulifanya apooze. Hata vile, ameendelea kumupenda Yehova na kweli za Biblia.

Kwa miaka munane sasa, nimekuwa mu utumishi wa wakati wote, na nimetumia wakati mingi ili kufundisha wengine Biblia. Kusema kweli, wakati fulani inaniomba nipiganishe tamaa za mubaya. Lakini ninapataka nguvu kwa kujua kama, wakati ninakatala kufuata zile tamaa, ninamufurahisha Yehova.

Kumukaribia Yehova na kuishi mu njia yenye inamufurahisha kumefanya nijiheshimie. Na leo niko na furaha.

“Nilikuwa na kunywa sana.”​—LUKA ŠUC

ALIZALIWA: 1975

INCHI: SLOVENIA

ALIKUWA: NAKUNYWA SANA

MAISHA YANGU YA ZAMANI: Nilizaliwa Ljubljana, muji mukubwa wa Slovenia. Wakati nilikuwa mutoto, maisha ilikuwa muzuri mupaka wakati nilifikia miaka ine. Ile wakati baba yangu alijiua. Kisha ile musiba, mama yangu alipaswa kutumika sana juu ya kutukomalisha miye na kaka yangu.

Wakati nilikuwa na miaka 15, nilianza kuishi na tate yangu. Nilipenda kuishi naye juu marafiki wangu wengi, walikuwa karibu na kwake. Na nilikuwa na uhuru zaidi kuliko kwetu. Wakati nilikuwa na miaka 16 nilianza kufanya urafiki na watu wenye walikuwa naenda kunywa kila mwisho wa juma. Nilikomalisha nywele, nikaanza kuvala sawa vijana wenye kuasi, na nikaanza kuvuta.

Hata kama nilipima dawa mbalimbali za kulewesha, nilipenda kunywa juu ile njo nilifurahia. Bila kukawia niliacha kunywa virauli mbili tu vya divai, na nikaanza kunywa zaidi ya chupa muzima ya divai kwa wakati moja. Nilijua muzuri namna ya kufanya juu isionekane kama nimelewa. Mara mingi, ni harufu tu ya pombe mu kinywa yangu njo ingesaidia mutu ajue kama nilikunywa. Hata vile, Hakuna mwenye angejua nilikuwa nimekunywa chupa ngapi za divai ao za pombe, na tena nilikuwa naichanga na vodka!

Mara mingi kisha kunywa sana fasi ya kujifurahisha usiku, miye njo nilikuwa nasaidia marafiki wangu wasianguke, hata kama miye njo nilikuwa nimekunywa mara mbili zaidi kuwapita. Siku moya rafiki yangu fulani alinitukana kama niko mulevi wa kupindukia. Ile iliniuma sana.

Nilianza kufikiria juu ya maisha yangu. Nilijiona kuwa wa bure. Niliona kama maisha yangu haina maana.

BIBLIA ILIBADILISHA MAISHA YANGU: Ile wakati niliona kama mwanafunzi fulani mwenye tulikuwa nasoma naye, alibadilika sana. Alikuwa sasa mupole. Juu nilipenda kujua juu ya nini alibadilika, niliamualika fasi ya kunywia kahawa. Wakati tulikuwa nazungumuza, aliniambia kama alikuwa ameanza kujifunza Biblia pamoja na Mashahidi wa Yehova. Aliniambia mambo fulani yenye alikuwa najifunza. Na ile mambo ilikuwa ya mupya kwangu juu nilikuwaka siyaenda ku kanisa ao kusoma Biblia hata siku moja. Nilianza kuenda ku mikutano ya Mashahidi wa Yehova na kujifunza nao Biblia.

Kujifunza Biblia, kulinisaidia kujua mafundisho ya mingi yenye ilinichochea nibadilishe maisha yangu. Kwa mufano, nilijifunza kama tuko naishi mu kipindi yenye Biblia inaita “siku za mwisho.” (2 Timoteo 3:1-5) nilijifunza pia kama hivi karibuni Mungu ataharibu watu wabaya na atapatia watu wazuri nafasi ya kuishi milele mu Paradiso. (Zaburi 37:29) Ile ilinichochea sana nipende kubadilisha maisha yangu juu na miye nikuwe kati ya wale watu wazuri.

Nilianza kuambia marafiki wangu kweli zenye nilikuwa najifunza mu Biblia. Wengi walinicheka juu ya mambo yenye nilikuwa nawaambia. Lakini ile ilinisaidia mu njia zenye sikuwazia. Namna walitenda ilinisaidia kuona kama hawakukuwa marafiki wa kweli. Nilitambua kama nilikuwa nakunywa sana juu nilikuwa nafanya nao urafiki. Juma muzima walikuwa tu nangoya mwisho wa juma ufikie juu waende tena kulewa.

Niliachana na wale marafiki na kikaanzisha urafiki na Mashahidi wa Yehova wenye wangenisaidia. Kupitisha wakati pamoja na Mashahidi wa Yehova, kulinitia moyo sana. Wanamupenda sana Mungu na wanajikaza sana kutii kanuni zake. Polepole, nilifikia kuacha tabia ya kunywa sana.

FAIDA YENYE NIMEPATA: Ninamushukuru sana Yehova juu sina tena lazima ya pombe ili nikuwe na furaha. Sijue ningekuwa wapi kama ningeendelea na ile maisha yangu ya zamani. Lakini niko hakika kama, sasa niko na maisha ya muzuri.

Kwa miaka saba yenye imepita, nimetumikia ku biro ya tawi ya Mashahidi wa Yehova mu inchi ya Slovenia. Kumujua Yehova na kumutumikia kumefanya maisha yangu ikuwe na kusudi.