Wasomaji Wetu Wanauliza . . .

Je, Mashahidi wa Yehova Wanawaacha Wanawake Wafundishe?

▪ Ndiyo, duniani pote kuna mamilioni ya wanawake Mashahidi wa Yehova wanaofundisha ao kuhubiri. Wao ni kikundi kikubwa cha wahubiri wa habari njema ya Ufalme wa Mungu. Unabii wa Zaburi 68:11 unasema kuwahusu hivi: “Yehova mwenyewe anasema neno hili; wanawake wanaotangaza habari njema ni jeshi kubwa.”

Lakini, kuna tofauti kubwa kabisa kati ya kufundisha ambako wanawake Mashahidi wa Yehova wanafanya na kufundisha ambako viongozi wanawake wa dini zingine wanafanya. Tofauti hiyo ni gani?

Viongozi wanawake wa dini, zaidi sana wale wa dini zinazojiita za Kikristo, wanasimama mbele ya watu katika makanisa yao na kuwahubiria watu hao. Lakini, wanawake Mashahidi wa Yehova wanahubiria watu walio inje ya kutaniko, zaidi sana watu ambao wanakutana nao katika mahubiri ya nyumba kwa nyumba na mahali pengine.

Tofauti ingine inahusu kazi wanazotimiza katika kutaniko. Wanawake wa dini zinazojiita za Kikristo na wa dini zingine wanasimamia mambo katika makanisa yao na kufundisha waamini wote mafundisho ya dini yao. Lakini, wanawake Mashahidi wa Yehova hawafundishe katika kutaniko ikiwa kuna ndugu waliobatizwa. Ni wanaume wanaostahili tu ndio wanaofundisha katika kutaniko.​—1 Timotheo 3:2; Yakobo 3:1.

Biblia inaonyesha kama ni wanaume tu ndio wanaopaswa kuongoza kutaniko. Mutume Paulo alionyesha jambo hilo alipomuandikia Tito, mwangalizi mwenzake hivi: “Kwa sababu hii nilikuacha wewe Krete, ili . . . uweke rasmi wanaume wazee katika jiji baada ya jiji.” Paulo aliendelea kusema kama kila mwanaume aliyewekwa kuwa muzee alipaswa kuwa mutu ‘asiye na shitaka, mume wa muke mumoja.’ (Tito 1:5, 6) Paulo alimupatia pia Timotheo maagizo hayohayo katika barua aliyomuandikia, akisema hivi: ‘Ikiwa mwanaume yeyote anajitahidi kufikia cheo cha mwangalizi, yeye anatamani kazi njema. Kwa hiyo mwangalizi anapaswa kuwa asiyelaumika, mume wa muke mumoja, mwenye sifa za kustahili kufundisha.’​—1 Timotheo 3:1, 2.

Sababu gani ni wanaume tu ndio wana daraka la kuongoza kutaniko? Paulo alisema hivi: ‘Simuruhusu mwanamuke kufundisha, wala kuwa na mamlaka juu ya mwanaume, bali kuwa kimya. Kwa maana Adamu aliumbwa kwanza, kisha [Eva].’ (1 Timotheo 2:12, 13) Kwa sababu Mungu aliumba mwanaume mbele ya mwanamuke, hilo linaonyesha kama kusudi lake lilikuwa kwamba mwanaume awe na daraka la kufundisha na kuongoza.

Mashahidi wa Yehova wanafuata mufano wa Yesu Kristo, Kiongozi wao. Kuhusu mufano wa Yesu, mwanafunzi Luka aliandika hivi: ‘Akaanza kusafiri kutoka jiji mupaka jiji na kutoka kijiji mupaka kijiji, akihubiri na kutangaza habari njema ya ufalme wa Mungu.’ Kisha, Yesu aliwatuma wafuasi wake wafanye kazi hiyohiyo. Luka anaendelea kusema: ‘Wakapita katika eneo hilo kutoka kijiji mupaka kijiji, wakitangaza habari njema.’​—Luka 8:1; 9:2-6.

Leo, Mashahidi wa Yehova​—wanaume na wanawake​—wanatimiza kwa bidii kazi ambayo Yesu alitabiri aliposema hivi: “Hii habari njema ya ufalme itahubiriwa katika dunia yote inayokaliwa ili kuwa ushahidi kwa mataifa yote; na ndipo ule mwisho utakapokuja.”​—Mathayo 24:14.