Barua Kutoka Grèce

Kuhubiri Katika Sehemu ya Kusini ya Ulaya

MASHUA yetu ilipoendelea kuelekea eneo lisilo na milima linaloingia katika bahari ya Mediterania, milima mikubwa ya Levká ya kisiwa cha Krete iliendelea kubaki nyuma na kuonekana midogo. Katika mashua, tulikuwa Mashahidi wa Yehova 13 na tulikuwa na hamu ya kuhubiri katika kisiwa cha Gavdos, kilicho kama nukta kwenye karte ya dunia; kisiwa hicho ndicho kinaonyesha mupaka wa kusini zaidi wa Ulaya.

Tuliwazia kama safari yetu itakuwa nzuri kwa sababu ilikuwa majira ya joto. Lakini, bila kukuwia, zoruba kali iliyotokea katika bahari ilipeperusha mashua yetu huku na huku kama karatasi. Kwa sababu ya kuogopa sana, nilijisikia kuwa mugonjwa; kwa hiyo nilikumbuka habari inayozungumuziwa katika Biblia juu ya Paulo, aliyepambana na zoruba kali ya upepo katika maji hayo miaka mingi iliyopita​—wakati kisiwa cha Gavdos kilikuwa kinaitwa Kauda. (Matendo 27:13-17) Lakini nilikuwa na tumaini kama tutafika salama.

Mwishowe, tulianza kuona mahali tulipokuwa tunaenda, sehemu yenye majiwe-majiwe iliyo na miteremuko inayoshukia kwenye bahari. Eneo hilo linapatikana kwenye metre 300 hivi juu ya usawa wa bahari na halina sehemu yenye kuinuka sana. Miti mikubwa-mikubwa na yenye kukomaa na vichaka vinafunika sehemu kubwa ya kisiwa hicho chenye ukubwa wa kilometre za muraba 26 (kilomètres carrés). Katika sehemu fulani, kuna miti ya aina ya musindano (cyprès) inayoshuka mupaka kwenye maji.

Wakati fulani, kisiwa cha Gavdos kilikuwa na wakaaji karibu 8 000. Leo, hawafike hata 40. Inaonekana kama maendeleo mengi ya kisasa hayajafika katika kisiwa hicho. Mashua za mizigo na mashua zinazobeba petroli, essence, mazuti, na kazalika zinaegesha mara nyingi pembeni ya bahari, na kuna njia ya treni inayounganisha kisiwa hicho na Krete, lakini mara nyingi treni inachelewa ao kukosa kuenda kwa sababu ya hali mbaya ya hewa.

Tulienda huko Gavdos ili kuelezea watu jambo fulani nzuri na lenye kutia moyo, ni kusema, tumaini nzuri la wakati ujao la kuishi milele tukiwa na afya kamilifu. Mashua yetu ilipokaribia inchi kavu, tulikuwa na hamu sana ya kushuka ili kuelezea watu habari hiyo njema.

Kisha kurushwa-rushwa huku na huku kwa saa ine na nusu, nyuso zetu zilizokuwa zimebadilika rangi zilionyesha kama safari yetu ilikuwa ngumu. Lakini tulijisikia vizuri kisha kupumuzika kidogo na kunywa kopo ya kahawa. Kisha kuzungumuzia kwa  kifupi habari ya mutume Paulo na kusali, tulikuwa tayari kuanza mahubiri.

Watu wa kisiwa hicho ni wakaribishaji na wenye urafiki. Walitualika katika nyumba zao na kututolea chakula na kinywaji. Zaidi ya kuwahubiria habari njema, tuliwasaidia kufanya kazi fulani ili kuwaonyesha shukurani kwa ajili ya ukaribishaji wao. Kwa mufano, Shahidi mumoja wa kikundi chetu aliye fundi wa umeme (courant) alipokuwa anazungumuza na mwanamuke fulani mahali pake pa biashara, aliona kama kulikuwa singa ya umeme iliyokatika na akamusaidia kuitengeneza. Mwanamuke huyo aliguswa moyo sana. Alikubali vitabu tulivyomutolea na alitupongeza kwa sababu ya kazi yetu ya kuhubiri. Mwanamuke mwengine alifurahi na kusema hivi: “Ni wazi kama kazi yenu inatoka kwa Mungu, si kwa watu, kwa sababu mulikuja kuhubiri katika kisiwa hiki kilicho mbali.”

Ilionekana kama watu walifurahia sana vitabu tulivyowaletea. Mwanaume mumoja alikubali magazeti Munara wa Mulinzi na Amkeni! na alitaka tumuletee vitabu vingine ili avisome katika majira ya baridi. Mwanaume mwengine aliomba vitabu kwa ajili yake mwenyewe na aliomba pia vingine kwa ajili ya watu wanaokuja kununua vitu katika duka (magasin) lake. Alitupatia adresi yake ili tumutumie magazeti kila mwezi. Watu wa familia moja walishangaa sana tulipowaonyesha kama kisiwa chao kidogo kinatajwa katika Biblia. Nao pia walikubali magazeti yetu kwa furaha.

Hata kama tulitiwa moyo kwa sababu watu hao walitusikiliza, kufika huko Gavdos kuliwakumbusha wamoja kati yetu mambo mabaya. Karibu na sehemu ya bahari inayoingia ndani ya udongo, inayoitwa Sarakíniko, kuna nyumba ambayo ilitumiwa hapo zamani kuwa jengo la watu waliohamishwa kwa sababu ya mambo ya politike. Shahidi mumoja anayeitwa Emmanuel Lionoudakis alihamishwa huko katika miaka ya 1930, kwa sababu ya kazi yake ya kuhubiri. * Wakati huo, kisiwa cha Gavdos kilielezwa kuwa “kisiwa kikavu kinachozaa tu nge hatari, mahali ambapo watu wengi walikufa kwa sababu ya njaa, magonjwa, na kunyimwa mahitaji ya kimwili. Kisiwa hicho kiliitwa kwa kufaa kisiwa cha kifo.” Ndugu Lionoudakis alivua samaki ili kupata chakula, tena, aliwahubiria wafungwa wengine kwa bidii, yeye tu ndiye alikuwa Shahidi wa Yehova huko. Mutoto mwanamuke wa ndugu Lionoudakis pamoja na bwana yake, na mutoto wao waliguswa moyo sana walipoona mahali ambapo ndugu Lionoudakis aliishi kumepita miaka 70. Mufano wake ulituchochea kubaki waaminifu na kuhubiri kwa bidii.

Gavdos palikuwa mahali pabaya kwa wale waliohamishwa huko. Lakini kwetu sisi, palikuwa mahali pazuri kwa ajili ya mahubiri; tuliwaachia watu hao wakaribishaji na wenye urafiki magazeti 46 na broshua 9. Tuna hamu sana ya kuonana tena na marafiki hao ambao tulipata!

Tulishituka sana kuona kama wakati wetu wa kurudia ulikuwa umetimia. Tulipaswa kuondoka saa 11:00 mangaribi (17h00) lakini hali ya hewa ikaharibika tena, kwa hiyo, tukabadilisha saa yetu ya kuondoka. Tulipanda katika mashua saa 6:00 ya usiku (24h00), na tulianza kujitayarisha kwa ajili ya safari nyingine ngumu. Mwishowe, tuliondoka saa 9:00 ya usiku (3h00), na kisha kurushwa-rushwa tena huku na huku kwa muda wa saa tano kwa sababu ya zoruba iliyokuwa katika bahari, tulifika Krete. Tulikuwa wenye kuchoka sana na miguu yetu ilikuwa yenye kuregea, lakini tulikuwa wenye furaha kwa sababu tulikuwa tumewajulisha watu wa kisiwa cha Gavdos jina la Yehova. (Isaya 42:12) Sisi wote katika kikundi chetu tulikubali kama bidii yetu haikuwa ya bure. Hivi karibuni tutasahau hali ngumu tuliyokutana nayo, lakini hatutasahau matokeo mazuri ya safari hiyo.

[Maelezo ya chini]

[Picha katika ukurasa wa 24]

Sehemu ya udongo inayoingia katika bahari, inayoitwa Trypití, kusini mwa Ulaya

[Picha katika ukurasa wa 25]

Sehemu ya bahari inayoingia ndani ya udongo, inayoitwa Sarakíniko, inayoonyesha jengo ambamo watu walioamishwa waliishi, na ubao wa kuwakumbuka watu hao

[Maneno ili kueleza mahali picha ilitokea, ukurasa wa 25]

Courtesy of Hellenic Post