Ulizo la 2: Nitakapokufa, Nitaenda Wapi?

ROMAN alikuwa kijana wakati rafiki yake wa sana aliuawa katika aksida ya motokari. Anasema hivi: “Kifo cha rafiki yangu kiliniumiza sana moyoni. Kwa muda wa miaka mingi kisha aksida hiyo, nilijiuliza hivi: ‘Mutu anapokufa, anaenda wapi?’”

Sababu gani tunajiuliza ulizo hilo? Kifo ni jambo ambalo watu hawaelewe. Hata tuwe na miaka ngapi, kwa kawaida hatutake kufa. Watu wengi wanaogopa mambo yanayotokea kisha kifo.

Watu fulani wamejibu ulizo hilo namna gani? Watu wengi wanaamini kama kuna sehemu fulani ya mutu inayoendelea kuishi kisha kifo. Tena wanaamini kama kisha kifo watu wazuri wanaenda mbinguni, na kama watu wabaya wanaenda mahali fulani ili kuteswa milele kwa sababu ya zambi zao. Watu wengine wanawaza kama mutu anapokufa, mambo yote yanaishia pale na anasahauliwa kabisa.

Majibu hayo yanaonyesha nini? Jibu la kwanza linaonyesha kama mutu anapokufa hakufe kabisa. Jibu la pili linaonyesha kama maisha hayana kusudi lolote. Wale wanaosema kama maisha hayana kusudi lolote wanaweza kuwa na mawazo haya mabaya: “Tule na tunywe, kwa maana kesho tutakufa.”​—1 Wakorintho 15:32.

Biblia inafundisha nini? Biblia haifundishe kama kuna sehemu fulani ya mutu inayoendelea kuishi kisha mutu kufa. Mungu alimuongoza Mufalme Sulemani kuandika hivi: ‘Walio hai wanajua kwamba watakufa; lakini wafu, hawajue lolote kamwe.’ (Mhubiri 9:5) Kwa sababu wafu ‘hawajue lolote,’ hawawezi kujua mambo yanayopitikana, hawawezi kuona, kusikia, wala kufanya jambo lolote. Kwa hiyo, wafu hawawezi kuwasaidia watu wazima wala kuwatendea vibaya.

Mungu hakukusudia watu wafe, kama vile watu wengi wanavyowaza. Alipomuumba Adamu, mwanadamu wa kwanza, alimupatia tumaini la kuishi milele duniani. Mara moja tu ambayo Mungu alizungumuzia kifo ni wakati alimuambia Adamu kama ikiwa anakosa utii  atakufa. Alimukataza Adamu kula tunda la muti fulani na akamuonya kama akikula tunda hilo ‘atakufa hakika.’ (Mwanzo 2:17) Adamu na Eva wangeendelea kutii amri ya Mungu, wao na watoto wao wangeishi milele duniani.

Adamu alizarau onyo la Mungu. Alifanya zambi wakati alikataa kumutii Mungu, kwa hiyo alikufa. (Waroma 6:23) Hakuna sehemu fulani ya Adamu iliyoendelea kuishi kisha yeye kufa. Lakini alipokufa, mambo yote yaliishia hapo. Mungu alimuambia Adamu hivi: ‘Kwa jasho la uso wako utakula mukate mupaka utakaporudia katika udongo, kwa kuwa ulitolewa katika huo. Kwa maana wewe ni mavumbi nawe utarudia mavumbini.’ (Mwanzo 3:19) Kwa sababu sisi wote ni watoto wa Adamu, tuliriti zambi na kifo kutoka kwake.​—Waroma 5:12.

Hata ikiwa Adamu hakumutii Mungu, Mungu atatimiza kusudi lake la kujaza dunia na watoto wakamilifu wa Adamu. (Mwanzo 1:28; Isaya 55:11) Hivi karibuni, Yehova atafufua watu wengi kati ya wale waliokufa. Mutume Paulo alizungumuzia wakati huo aliposema hivi: ‘Kutakuwa ufufuo wa waadilifu na wasio waadilifu pia.’—Matendo 24:15.

Roman, aliyetajwa mwanzoni mwa habari hii, alijifunza Biblia na akajua mambo ambayo Biblia inafundisha juu ya kifo na juu ya Yehova Mungu. Mambo aliyojifunza yalimusaidia sana. Usome habari yake kwenye ukurasa wa 11 wa gazeti hili.

Ili kujua mengi juu ya kifo, usome sura ya 6 ya kitabu Biblia Inafundisha Kabisa Nini? Unaweza pia kupakua kitabu hicho kwenye adresi yetu ya Internete www.dan124.com

[Sanduku katika ukurasa wa 7]

Yesu Alifundisha Nini juu ya Kifo?

Yesu hakukubali mafundisho ya viongozi wa dini wa wakati wake waliosema kama hakuna ufufuo wa wafu. (Luka 20:27) Na hakufundisha kama kuna sehemu fulani ya mutu inayoendelea kuishi kisha mutu kufa.

Alifundisha kwamba kifo ni kama usingizi. Wakati rafiki yake Lazaro alikufa, alisema hivi: ‘Lazaro rafiki yetu anapumuzika, lakini ninafunga safari kuenda huko ili kumuamusha kutoka usingizini.’ Wanafunzi wa Yesu hawakuelewa vizuri maneno hayo. Wakamujibu hivi: ‘Bwana, ikiwa anapumuzika, atapona.’ Biblia inaendelea kusema: ‘Hata hivyo, Yesu alikuwa amesema juu ya kifo chake. Lakini walifikiri alikuwa anasema juu ya kupumuzika katika usingizi. Kwa hiyo, wakati huo, Yesu akawaambia waziwazi: Lazaro amekufa.’​—Yohana 11:11-14.

Alifundisha kwamba wafu watafufuliwa. Yesu alipofika katika muji wa Lazaro, alimufariji Martha, dada yake na Lazaro, kwa kusema hivi: “Ndugu yako atafufuka.” Kisha, Yesu aliahidi hivi: “Mimi ndiye ufufuo na uzima. Yule anayeniamini, hata akifa, atarudi kwenye uzima.” Ahadi ya Yesu haikuwa ya uongo. Mbele ya mashahidi wengi, Yesu alimufufua Lazaro, hata kama alikuwa amekufa tangu siku 4.​—Yohana 11:23, 25, 38-45.

Katika ufunuo ambao alimupatia mutume Yohana, Yesu aliahidi tena kama wafu watafufuliwa. Alikuwa anazungumuzia wakati ujao ambapo kifo kitafungua watu wote ambao kimefunga kwa njia ya mufano.​—Ufunuo 20:13.