Paul, mwenye iko na bibi na watoto wawili anasema hivi: “Wakati samani (valeur) ya feza ilishuka katika inchi yetu, chakula kilikuwa bei sana na kilipatikana kwa shida. Tulikuwa tunasimama kwenye mustari kwa saa nyingi, lakini mara nyingi chakula kiliisha na hatujafika mbele. Watu walikonda sana kwa sababu ya njaa na wengine walikuwa wanaanguka katika barabara. Bei ya vitu vya lazima ilipanda na kuwa mamilioni na kisha mamiliare ya feza. Mwishowe, feza za inchi yetu hazikutumika tena. Nilipoteza feza zenye nilikuwa nazo kwenye benki, feza za asiranse, na feza zenye ningelipwa wakati ningeacha kazi kwa sababu ya uzee.”

Paul alijua kuwa, ili familia yake iendelee kuishi, alipaswa kutumia “hekima inayotumika.” (Methali 3:21) Anasema hivi: “Nilikuwa fundi wa umeme (courant), lakini nilianza kukubali kila kazi yenye ilipatikana, hata kama ilikuwa ya mushahara kidogo. Watu fulani walinilipa chakula ao vitu vya nyumbani. Wakati nilikuwa ninalipwa vipande ine vya sabuni, nilitumia vipande viwili na niliuzisha vingine viwili. Kisha nilipata vitoto 40 vya kuku. Wakati vilikomaa, niliviuzisha na nikauza vingine 300. Kisha, nilibadilisha kuku 50 na nikapewa mifuko miwili ya kilo 50 ya unga wa mahindi. Unga huo ulilisha familia yangu na familia zingine kwa wakati murefu.”

Paul alijua pia kuwa jambo la maana sana lenye kila mutu anaweza kufanya ni kutumainia Mungu. Wakati tunafanya mambo yenye Mungu anaomba, anatusaidia. Juu ya kupata mambo ya lazima katika maisha, Yesu alisema hivi: ‘Muache kuhangaika kwa wasiwasi; kwa maana . . . Baba yenu anajua munahitaji mambo hayo.’—Luka 12:29-31.

Jambo la kuhuzunisha ni kwamba Shetani, adui mukubwa wa Mungu, amechochea watu wengi sana katika dunia wahangaikie sana mambo ya kimwili katika maisha yao. Watu wanahangaikia sana vitu wako navyo lazima, iwe ni vitu vya lazima kabisa ao vya kuwazia tu, na wanajikaza sana kupata vitu vyenye hawana navyo lazima kabisa. Watu wengi wanakamata madeni na wanajionea wenyewe kuwa ‘mukopaji ni mutumishi wa mutu anayemukopesha.’—Methali 22:7.

Watu fulani wanakamata maamuzi mabaya. Paul anasema hivi: “Majirani wengi waliacha familia zao na marafiki ili kuenda kutafuta ‘maisha ya muzuri’ katika inchi za kigeni. Wamoja kati yao walienda bila vitambulisho vyenye kufaa na hawakuweza kupata kazi. Mara nyingi hilo lilifanya waanze kufichama polisi na kulala katika barabara. Hawakumuachia Mungu nafasi ya kuwasaidia. Lakini katika familia yetu, tuliamua kupambana na matatizo ya feza pamoja, kwa musaada wa Mungu.”

Paul anaendelea kusema hivi: “Yesu alisema, ‘Musihangaike kamwe juu ya kesho, kwa maana kesho itakuwa na mahangaiko yake yenyewe. Unatosha kila siku ubaya wake.’ Kwa hiyo, kila siku niliomba tu Mungu ‘atupatie leo mukate wetu kwa ajili ya siku hii’ ili tuendelee kuishi. Na kweli alitusaidia, kama vile Yesu aliahidi. Kila mara, hatukupata vitu vyenye tulitamani. Siku moja, niliingia kwenye mustari ili kuuza chakula lakini sikujua ni chakula gani kilikuwa kinauzishwa. Wakati nilifika mbele, niliona kuwa ilikuwa maziwa yenye kuchachishwa (yaourt). Sifurahie maziwa hayo, lakini ilikuwa chakula. Kwa hiyo, ile siku tulikula maziwa hayo. Niko mwenye shukrani kwa Mungu kwa sababu katika kipindi hicho, hakuna siku tulilala na njaa.” *

“Kwa sasa, hatuna matatizo ya feza. Lakini kupitia mambo yenye tulijionea, tumejifunza kuwa dawa kubwa ya mahangaiko ni kutumainia Mungu. Sikuzote, Yehova * atatusaidia ikiwa tunaendelea kufanya mapenzi yake. Tumejionea kuwa maneno ya Zaburi 34:8 ni ya kweli. Andiko hilo linasema hivi: ‘Muonje muone ya kuwa Yehova ni mwema; mwenye furaha ni mwanamume ambaye anamukimbilia.’ Kwa hiyo, hatuogope tena kupambana na matatizo ya feza.

“Sasa tunaelewa waziwazi kuwa jambo wanadamu wako nalo lazima ili kuishi haiko kazi wala feza, lakini ni chakula. Tunangojea sana wakati ahadi hii ya Mungu itatimia: ‘Kutakuwa na wingi wa nafaka duniani.’ Basi, ‘tukiwa na chakula na kitu cha kujifunika, tutarizika na vitu hivyo’ mbele wakati huo ufike. Maneno haya ya Biblia yanatusaidia kupata nguvu: ‘Namna yenu ya maisha iwe bila upendo wa pesa [feza], huku mukirizika na vitu vya sasa. Kwa maana yeye amesema: “Sitakuacha wala kukutupa hata kidogo.” Hivi kwamba tuwe hodari na kusema: ‘Yehova ni musaidizi wangu; sitaogopa.”’” *

Inaomba kuwa na imani ya kweli ili ‘kutembea pamoja na Mungu,’ kama vile Paul na familia yake wanafanya. (Mwanzo 6:9) Iwe tunapambana na matatizo makubwa ya feza leo ao tutapambana nayo wakati unaokuja, imani ya Paul na namna alitenda kwa hekima vinatufundisha mambo ya maana.

Lakini tunaweza kufanya nini ikiwa matatizo ya familia yanatuletea mahangaiko?