SURA YA 8

Ninaweza fanya nini juu nipate marafiki wazuri?

“Kama niko na kasirani, niko na lazima ya mutu wa kuambia namna niko najisikia. Kama niko na huzuni, niko na lazima ya mutu wa kunifaiji. Kama niko na furaha, niko na lazima ya mutu wa kufurahi naye. Kwangu marafiki ni wa lazima sana.”​—Brittany.

Watu wanasemaka kama watoto wako na lazima ya watu wakucheza nao; lakini vijana wako na lazima ya marafiki. Tofauti ni gani?

Mutu wa kucheza naye ni wa kupitisha tu naye wakati.

Rafiki ni mutu mwenye kanuni zake ziko sawa sawa na zako.

Zaidi ya ile, Biblia inasema kama “rafiki wa kweli anapenda nyakati zote Naye ni ndugu mwenye amezaliwa kwa ajili ya nyakati za taabu.” (Mezali 17:17) Ile andiko inazungumuzia urafiki wa sana kuliko urafiki wenye ulikuwa nao na watoto wenye ulikuwa nacheza nao wakati ulikuwa mudogo!

Kweli njo hii: Wakati uko nakomala, uko na lazima ya marafiki wenye

1. Wako na sifa za muzuri

2. Wanafuata kanuni za muzuri

3. Wanakuchochea mu njia ya muzuri

Ulizo: Namna gani unaweza kupata marafiki wenye wanaeneza hile mambo tatu? Acha tuchunguze kila jambo.

Jambo ya #1​—Sifa za Muzuri

Mambo yenye unapaswa kujua. Haiko mutu mwenye anajiita rafiki njo rafiki muzuri. Hata Biblia inasema kama “kuko marafiki wenye kuwa tayari kuumizana.” (Mezali 18:24) Ile maneno inaweza kuonekana sawa vile ni ya kutia chumvi. Lakini waza kidogo. Kuko mutu mwenye alishakajifanya kuwa rafiki yako juu tu apate faida fulani? Ulishakakuwa na rafiki mwenye alikuwa nakusema mubaya kwa wengine na kueneza habari za uongo juu yako? Kama ulishakakuwa na marafiki wa vile, ile inaweza kukufanya usitumainie wengine. * Ukumbuke kama ni muzuri kuwa na marafiki kidogo wenye kuwa na sifa za muzuri kuliko kuwa na marafiki wengi wenye hawana sifa za muzuri!

Mambo yenye unaweza kufanya. Chagua marafiki wenye wako na sifa zenye wengine wanaweza kuiga.

“Watu wote wanasemaka mambo ya muzuri juu ya rafiki yangu Fiona. Na miye napendaka watu wakuwe nanisema muzuri vile na wanione kuwa mutu muzuri sawa yeye. Ile ni jambo yenye ninafurahiaka sana.”​—Yvette, 17.

Pima kufanya hivi.

1. Soma Wagalatia 5:22, 23.

2. Ujiulize hivi: ‘Marafiki wangu wako na sifa zenye kufanyiza “tunda la roho”?’

3. Andika majina ya marafiki wako wa sana hapa chini na pembeni ya kila jina andika sifa fulani za ule rafiki yako.

Jina

․․․․․

Sifa

․․․․․

Shauri: Kama mu kichwa yako munakuya tu sifa za mubaya za marafiki wako, hii njo wakati ya kutafuta marafiki wazuri!

Jambo ya #2​—Kanuni za muzuri

Mambo yenye unapaswa kujua. Kama nia yako ni kuwa tu na marafiki, utachagua marafiki wabaya. Biblia inasema hivi: “Mwenye kufanya urafiki na wajinga ataumia.” (Mezali 13:20) Wajinga wenye ile andiko inazungumuzia haiko watu wenye hawawezake ku masomo ao wenye hawana akili. Lakini ni watu wenye, kuliko kusikiliza mashauri ya muzuri, wanaamua tu kufanya mambo ya mubaya. Unapaswa kuepuka marafiki wa vile!

Mambo yenye unaweza kufanya. Kuliko kufanya urafiki na watu wote, chagua nani njo atakuwa rafiki yako. Ile haimaanishe kama unapaswa kubagua watu. (Zaburi 26:4) Lakini unapaswa kutumia uwezo wako wa kufikiri ili kufanya “tofauti kati ya mutu mwenye haki na mutu muovu, kati ya mutu mwenye kumutumikia Mungu na mwenye hamutumikie.”​—Malaki 3:18.

“Ninashukuru sana juu wazazi wangu walinisaidia kupata marafiki wa miaka yangu wenye wanamupenda Mungu na wanapenda kumufurahisha.”​—Christopher, 13.

Jibia maulizo yenye kufuata:

Wakati niko na marafiki wangu, ninaogopaka kama watanikaza kufanya mambo yenye ninajua kuwa ni ya mubaya?

□ Ndiyo

□ Hapana

Ninaogopaka kutambulisha marafiki wangu kwa wazazi wangu juu ya kuwaza kama wataona kuwa hawako marafiki wazuri?

□ Ndiyo

□ Hapana

Shauri: Kama ulijibia ndiyo ku maulizo yenye kuwa pale juu, utafute marafiki wenye kuwa na kanuni za muzuri, wenye wanajikaza kumufurahisha Mungu.

Jambo ya #3​—Kukuchochea mu njia ya muzuri

Mambo yenye unapaswa kujua. Biblia inasema hivi: “Mashirika ya mubaya yanaharibu tabia za muzuri.” (1 Wakorinto 15:33) Kijana mwenye kuitwa Lauren anasema hivi: “Wanafunzi wenzangu walikuwa wananikubali wakati tu nilikuwa nafanya mambo yenye wananiambia. Nilijisikia kuwa peke yangu, kwa hiyo niliamua kuwaiga juu tu wanikubali.” Lauren alifikia kuelewa kama ikiwa unabadilisha kanuni zako juu tu wengine wakukubali, uko sawa vile vitu vya kuchezea dame, vyenye watu wanatiaka kwenye wanapenda. Marafiki wako nao wanakupeleka kwenye wanapenda. Ile ni kujizaraulisha!

Mambo yenye unaweza kufanya. Uachane na marafiki wenye wanapenda ubadilike na ukuwe sawa nao. Kama unafanya vile, marafiki wako watapunguka. Lakini utajisikia muzuri na ile itakusaidia upate marafiki wazuri zaidi wenye watakuchochea mu njia ya muzuri.​—Waroma 12:2.

“Rafiki yangu wa sana, Clint, anakamataka maamuzi ya muzuri na anajitiaka pa nafasi ya wengine. Kwa hiyo, amenitia moyo sana.”​—Jason, 21.

Ujiulize maulizo yenye kufuata:

Ninabadilishaka namna yangu ya kuvala, ya kuongea ao ninaanzaka kujiendesha mubaya juu tu ya kufurahisha marafiki wangu?

□ Ndiyo

□ Hapana

Ninajikutaka fasi zenye kwa kawaida siwezi enda kama siko na marafiki wangu?

□ Ndiyo

□ Hapana

Shauri: Kama unajibia ndiyo ku ile maulizo, omba mashauri kwa wazazi ao kwa mutu mwingine mwenye kuwa na hekima. Kama uko Shahidi wa Yehova, unaweza kuzungumuza na muzee Mukristo na kumuambia kama uko na lazima ya musaada ili kujua namna ya kuchagua marafiki wenye watakuchochea mu njia ya muzuri.

[Maelezo ya chini]

ANDIKO

“Kuko rafiki mwenye anashikamana sana na mutu kuliko ndugu.”​—Mezali 18:24.

[Wazo ya fungu]

Wakati wazazi wangu waliniambia niachane na marafiki fulani, nilijiambia kama wale tu njo marafiki wenye nilipenda kuwa nao. Mashauri ya wazazi wangu ilikuwa ya muzuri. Na wakati nilielewa ile, nilitambua kama kuko marafiki wengine wengi wazuri.​—Cole

[Picha]

Ikiwa unabadilisha kanuni zako juu tu wengine wakukubali, uko sawa vile vitu vya kuchezea dame, vyenye watu wanatiaka kwenye wanapenda. Marafiki wako nao wanakupeleka kwenye wanapenda