NYONGEZA

Siku ya Hukumu​—Ni Nini?

UNAWAZIA Siku ya Hukumu itakuwa namna gani? Watu wengi wanawaza kama siku hiyo mamilioni ya watu watapita kila mutu mbele ya kiti cha Ufalme cha Mungu ili kusambishwa. Kisha wamoja watabarikiwa na kuingia katika paradiso mbinguni na wengine wataenda katika moto wa mateso ya milele. Lakini, namna Biblia inavyozungumuzia Siku ya Hukumu ni tofauti kabisa na mawazo hayo. Haisemi kama ni wakati wa kuogopesha, lakini inaonyesha kama ni wakati wa tumaini na kurudishwa kwa hali nzuri kama ilivyokuwa mwanzoni.

Katika andiko la Ufunuo 20:11, 12, mutume Yohana anazungumuzia Siku ya Hukumu hivi: “Nikaona kiti cha ufalme kikubwa cheupe na yeye aliyeketi juu yake. Dunia na mbingu zikakimbia kutoka mbele zake, na mahali popote hapakupatikana kwa ajili ya hizo. Nami nikawaona wafu, wakubwa kwa wadogo, wamesimama mbele ya kile kiti cha ufalme, na vitabu vya kukunjwa vikafunguliwa. Lakini kitabu kingine cha kukunjwa kikafunguliwa; hicho ni kitabu cha uzima. Na wafu wakahukumiwa kutokana na mambo yale yaliyoandikwa katika vile vitabu kulingana na matendo yao.” Muamuzi huyo ni nani?

Yehova Mungu ndiye Muamuzi Mukubwa wa wanadamu. Lakini amemupatia mutu mwingine kazi hiyo ya kuhukumu. Katika andiko la Matendo 17:31, mutume Paulo alisema kama  Mungu ‘ameweka siku ambayo katika hiyo anakusudia kuihukumu kwa uadilifu dunia inayokaliwa kupitia kwa mwanamume ambaye amemuweka rasmi.’ Muamuzi huyo aliyewekwa ni Yesu Kristo aliyefufuliwa. (Yohana 5:22) Basi, Siku ya Hukumu itaanza wakati gani? Na itachukua muda gani?

Kitabu cha Ufunuo kinaonyesha kama siku hiyo itaanza kisha vita ya Har-Magedoni, wakati ambapo ulimwengu wa Shetani utaharibiwa. * (Ufunuo 16:14, 16; 19:19–20:3) Kisha Har-Magedoni, Shetani na mashetani wake watafungwa kwa miaka 1 000. Wakati huo, wale 144 000 watakuwa waamuzi na “wafalme pamoja na Kristo kwa miaka elfu.” (Ufunuo 14:1-3; 20:1-4; Waroma 8:17) Kwa hiyo, Siku ya Hukumu haitakuwa jambo la haraka la saa 24. Itachukua miaka 1 000.

Katika kipindi hicho, Yesu ‘atawahukumu walio hai na wafu.’ (2 Timotheo 4:1) “Walio hai” ni ‘umati mukubwa’ utakaookoka Har-Magedoni. (Ufunuo 7:9-17) Mutume Yohana aliona pia “wafu . . . wamesimama mbele ya kile kiti cha enzi” cha hukumu. Kama Yesu alivyoahidi, “waliomo ndani ya makaburi ya ukumbusho wataisikia sauti yake [Kristo] na kutoka.” (Yohana 5:28, 29; Matendo 24:15) Watahukumiwa kwa musingi gani?

Mutume Yohana aliona ‘vitabu vya kukunjwa vikifunguliwa na wafu wakahukumiwa kutokana na mambo yale yaliyoandikwa katika vile vitabu kulingana na matendo yao.’ Je, katika vitabu hivyo mumeandikwa mambo ambayo watu walifanya zamani? Hapana, watu hawatahukumiwa kulingana na mambo waliyofanya walipokuwa wangali wazima. Sababu gani? Biblia inasema hivi: ‘Yeye ambaye amekufa ameondolewa hatia ya zambi yake.’ (Waroma 6:7) Basi, wale watakaofufuliwa, zambi zao zitakuwa zimefutwa. Kwa hiyo, mambo yanayoandikwa katika vitabu ni kanuni zingine za Mungu. Ili kuishi milele, wale watakaookoka Har-Magedoni na wale watakaofufuliwa watahitaji kutii amri za Mungu kutia ndani kanuni zote mupya ambazo labda Mungu atafunua katika ile miaka 1 000. Kwa hiyo, watu watahukumiwa kulingana na mambo watakayofanya katika Siku ya Hukumu.

 Wakati huo mamilioni ya watu watapata nafasi kwa mara ya kwanza ili kujifunza mapenzi ya Mungu na kuishi kupatana nayo. Basi, kutakuwa na kazi kubwa kabisa ya kufundisha watu. ‘Wakaaji wa inchi yenye kuzaa hakika watajifunza uadilifu.’ (Isaya 26:9) Hata hivyo, si wote watakaokubali kufanya mapenzi ya Mungu. Andiko la Isaya 26:10 linasema hivi: ‘Hata muovu akionyeshwa kibali, yeye hatajifunza uadilifu. Atatenda isivyo haki katika inchi ya unyoofu, naye hatauona ukuu wa Yehova.’ Watu wabaya hao watauawa kwa milele katika Siku ya Hukumu.​—Isaya 65:20.

Wanadamu watakaofika mwisho wa Siku ya Hukumu, ‘watakuwa hai’ kikamili kwa sababu watakuwa wakamilifu. (Ufunuo 20:5) Kwa hiyo, katika Siku ya Hukumu, wanadamu watarudishwa katika hali ya ukamilifu ya Adamu. (1 Wakorintho 15:24-28) Kisha kutakuwa jaribu la mwisho. Shetani atafunguliwa na ataruhusiwa kujaribu wanadamu kwa mara ya mwisho. (Ufunuo 20:3, 7-10) Wale watakaomupinga wataona kutimia kabisa kwa ahadi hii: “Waadilifu wenyewe wataimiliki dunia nao watakaa milele juu yake.” (Zaburi 37:29) Kweli, Siku ya Hukumu itakuwa siku ya baraka kwa wanadamu wote waaminifu!

[Maelezo ya chini]