1, 2. (a) Yehova anaambia Ezekieli na wahamishwa wenzake wafanye nini? (b) Tutazungumuzia maulizo gani?

EZEKIELI ametoka tu kuona maono yenye inamukumbusha miaka 900 hivi yenye imepita, wakati wa Musa na Yoshua. Ile wakati, Yehova alionyesha Musa mipaka ya Inchi ya Ahadi na kisha alimuambia namna inchi ilipaswa kugawanywa mu makabila ya Israeli. (Hes. 34:1-15; Yos. 13:7; 22:4, 9) Lakini sasa, mu mwaka wa 593 M.K.Y., Yehova anaambia Ezekieli na wahamishwa wenzake wagawanye Inchi ya Ahadi mu makabila ya Israeli!​—Eze. 45:1; 47:14; 48:29.

² Hii maono iko na ujumbe gani kwa ajili ya Ezekieli na wahamishwa wenzake? Juu ya nini tunaweza kusema kama hii maono inatia moyo watu wa Mungu leo? Je, itatimia mu njia kubwa zaidi wakati wenye kuja?

3, 4. (a) Maono ya mwisho ya Ezekieli ilipatia wahamishwa mauhakikisho gani ine? (b) Tutazungumuzia uhakikisho gani mu sura hii?

³ Sura kenda za kitabu cha Ezekieli zinazungumuzia maono ya mwisho yenye Ezekieli alipata. (Eze. 40:1–48:35) Ile maono ilipatia wahamishwa mauhakikisho ine yenye kutia moyo na yenye  kuonyesha kama taifa la Israeli lingerudishwa mu hali ya muzuri. Ni mauhakikisho gani? Kwanza, ibada safi ingerudishwa ku hekalu la Mungu. Pili, makuhani na wachungaji wenye haki wangeongoza taifa lenye limerudishwa mu hali ya muzuri. Tatu, wale wote wenye wangerudia mu Israeli wangepewa uriti. Na ine, Yehova angekuwa nao, angekaa kati yao tena.

⁴ Sura ya 13 na ya 14 za kitabu hiki zilionyesha namna ile mauhakikisho mbili ya kwanza, ni kusema, kurudishwa kwa ibada safi na uongozi wa wachungaji wenye haki ilitimia. Lakini mu sura hii, tutazungumuzia uhakikisho wa tatu, ni kusema, ahadi ya kuriti inchi. Mu sura ya kufuata, tutazungumuzia ahadi ya kama Yehova angekuwa kati yao tena.​—Eze. 47:13-21; 48:1-7, 23-29.

5, 6. (a) Mu maono ya Ezekieli, ni eneo gani lilipaswa kugawanywa? (Ona picha ku mwanzo wa habari.) (b) Maono juu ya kugawanya inchi ilikuwa na kusudi gani?

⁵ Soma Ezekieli 47:14. Mu maono, Yehova alifanya Ezekieli akaze uangalifu wake juu ya sehemu ya inchi yenye ingefanana sasa na “bustani ya Edeni.” (Eze. 36:35) Kisha Yehova alisema: “Hili ndilo eneo lenye mutagawa kuwa uriti wa inchi wa yale makabila kumi na mbili (12) ya Israeli.” (Eze. 47:13) “Eneo” lenye lilipaswa kugawanywa lilikuwa inchi ya Israeli yenye ilirudishwa mu hali ya muzuri, kwenye wahamishwa walipaswa kurudia. Tena, kama vile Ezekieli 47:15-21 inaonyesha, Yehova alitoa mafasirio yenye kuwa wazi juu ya mipaka ya inchi yote.

⁶ Maono kuhusu namna inchi ilipaswa kugawanywa ilikuwa na kusudi gani? Mafasirio yenye kuwa wazi kuhusu mipaka yenye kupimwa muzuri ilihakikishia tena Ezekieli na wahamishwa wenzake kwamba inchi yenye walipenda ingerudishwa lote mu hali ya muzuri. Wazia namna ile uhakikisho ya kutoka kwa Yehova, yenye kuwa wazi ilipaswa kutia moyo kabisa wale wahamishwa! Je, watu wa zamani wa Mungu walipewa kabisa uriti mu inchi yao? Ndiyo, kabisa.

7. (a) Ni matukio gani ilianza mu mwaka wa 537 M.K.Y., na inatukumbusha nini? (b) Tutazungumuzia kwanza ulizo gani?

⁷ Mu mwaka wa 537 M.K.Y., miaka 56 hivi kisha Ezekieli kupata maono yake, maelfu ya wahamishwa walianza kurudia mu inchi ya Israeli na kuiriti. Ile matukio ya kushangaza ya wakati wa zamani inafanana na mambo yenye iko inatokea kati ya watu wa Mungu leo. Mu njia fulani, wao pia walipewa inchi fulani kuwa uriti. Juu ya nini tunasema vile? Yehova aliruhusu watumishi wake waingie mu inchi ya kiroho na kuiriti. Kwa hiyo, kurudishwa kwa Inchi ya Ahadi ya zamani mu hali ya muzuri kunaweza kutufundisha mambo mingi sana juu ya kurudishwa kwa paradiso ya kiroho ya watu wa Mungu leo mu hali ya muzuri. Lakini mbele tuone somo zenye tunapata, tujibie kwanza ulizo hii: “Ni nini njo inaonyesha kama kuko inchi ya kiroho leo?”

8. (a) Yehova aliacha taifa la Israeli wa kimwili na kuchagua taifa gani lingine? (b) Inchi ya kiroho ao paradiso ya kiroho ni nini? (c) Ilitokea wakati gani, na nani waliingia ndani?

 ⁸ Mu maono moja yenye Ezekieli alipata mbele, Yehova alisema kama maunabii juu ya kurudishwa kwa Israeli ingetimia mu njia kubwa zaidi kisha “mutumishi [wake] Daudi,” ni kusema, Yesu Kristo, kuanza kutawala kama Mufalme. (Eze. 37:24) Ile ilitokea mu 1914 K.K.Y. Ile wakati, taifa la Waisraeli wa kiroho, lenye kufanyizwa na Wakristo watiwa-mafuta, lilikuwa tayari limekamata nafasi ya taifa la Waisraeli wa kimwili. (Soma Matayo 21:43; 1 Petro 2:9.) Yehova alifanya taifa la kiroho likamate nafasi ya taifa la kimwili la Israeli, lakini pia alifanya inchi ya kiroho, ni kusema, paradiso ya kiroho ikamate nafasi ya inchi ya kimwili ya Israeli. (Isa. 66:8) Kama vile tuliona mu Sura ya 17 ya kitabu hiki, inchi ya kiroho ni fasi ya usalama, ao fasi ya kufanyia mambo ya kiroho, kwenye mabaki ya watiwa-mafuta wanamuabudu Yehova tangu 1919. (Ona kisanduku 9B, “Juu ya Nini 1919?”) Mu vile masiku ilipita, wale wenye kuwa na tumaini la kuishi ku  dunia, ni kusema, “kondoo wengine,” walianza pia kuingia mu ile inchi ya kiroho. (Yoh. 10:16) Leo, paradiso ya kiroho inaendelea kusonga mbele na kupanuka. Lakini tutafurahia baraka zake kwa ukamili kisha tu Armagedoni.

9. Ni mafasirio gani yenye kuwa wazi yenye Yehova alitoa juu ya kugawanya inchi?

⁹ Soma Ezekieli 48:1, 28. Kisha kuonyesha mipaka ya inchi, Yehova alionyesha waziwazi namna ya kuigawanya. Aliagiza kwamba igawanywe mu maeneo 12 ya uriti yenye kuwa sawasawa kuanzia kaskazini mupaka kusini, kwa kuanza na kabila la Dani ku sehemu ya kaskazini kabisa ya inchi na kumaliza na kabila la Gadi ku mupaka wa kusini kabisa. Kila moja ya ile maeneo 12 ilikuwa eneo tambarare lenye lilikuwa linaanzia ku mupaka wa inchi ku sehemu ya mashariki kufikia ku Bahari Kubwa, ao Bahari ya Mediterania, ku sehemu ya mangaribi.​—Eze. 47:20.

10. Inawezekana sehemu hii ya maono ilipatia wahamishwa mauhakikisho gani?

¹⁰ Inawezekana sehemu hii ya maono ilipatia wahamishwa mauhakikisho gani? Mafasirio ya wazi kabisa yenye Ezekieli alitoa kuhusu namna ya kugawanya inchi ilipaswa kuonyesha wahamishwa kwamba kazi ya kugawanya inchi ingefanywa mu njia yenye kupangwa muzuri. Zaidi ya ile, kwa kuwa inchi ingegawanywa mu makabila yote 12, ile ilionyesha kama kila muhamishwa mwenye angerudia angepata kabisa uriti mu inchi yenye ingerudishwa mu hali ya muzuri. Hakuna mutu mwenye angerudia na kukosa fasi ya kuishi.

11. Maono ya kiunabii juu ya kugawanya inchi inatufundisha nini? (Ona kisanduku “Namna Inchi Iligawanywa.”)

¹¹ Hii maono inaweza kutupatia somo gani zenye kutia moyo leo? Mu Inchi ya Ahadi yenye ilirudishwa mu hali ya muzuri mulikuwa fasi ya makuhani, ya Walawi, ya wakubwa na pia fasi ya watu wengine wote wa makabila 12. (Eze. 45:4, 5, 7, 8) Ni vile pia leo, mu paradiso ya kiroho muko fasi ya mabaki ya watiwa-mafuta, ya watu fulani kati ya wale wa “kundi kubwa” wenye kuwa na daraka la kuongoza, lakini pia fasi ya wale wengine wote wa kundi kubwa. * (Ufu. 7:9) Hata tukuwe na daraka gani mu tengenezo, tunaweza kuwa hakika kwamba tuko na fasi yetu yenye kuwa salama na tuko na mugao wa maana mu inchi hii ya kiroho. Ile ni uhakikisho wenye kutia moyo kabisa!

12, 13. Ni maagizo gani yenye kuwa wazi yenye Yehova alitoa kuhusu kugawia makabila inchi?

¹² Maagizo fulani kati ya ile yenye Yehova alipatia Ezekieli kuhusu namna ya kugawanya inchi ilipaswa kumuhangaisha akili juu ilikuwa tofauti na ile yenye Mungu alipatiaka Musa. Ona tofauti mbili tu. Ya kwanza inahusu inchi; ya pili, inahusu wakaaji wa inchi.

 ¹³ Ya kwanza, inchi. Musa aliambiwa apatie makabila ya mukubwa sehemu ya munene, lakini makabila ya kidogo sehemu ya kidogo. (Hes. 26:52-54) Lakini, mu maono ya Ezekieli, Yehova aliagiza kwamba makabila yote ipewe “mafungu sawasawa [“kila mutu kama ndugu yake,” maelezo ya chini].” (Eze. 47:14) Kwa hiyo, urefu wa kutoka ku mupaka wa kaskazini kufika ku mupaka wa kusini wa uriti wa kabila fulani ulipaswa kuwa sawasawa kabisa mu kila moja ya maeneo 12. Waisraeli wote​—wakuwe wa kabila gani—​wangepata mazao mingi yenye Inchi ya Ahadi ingetoa, inchi yenye ilikuwa na maji mingi.

14. Namna gani maagizo yenye Yehova alitoa kuhusu wakaaji wageni ilienda mbali zaidi kuliko vile Sheria ya Musa ilisema?

¹⁴ Ya pili, wakaaji. Sheria ya Musa ililinda wageni na iliwaruhusu wamuabudu Yehova, lakini hawakukuwa na sehemu fulani ya udongo mu inchi. (Law. 19:33, 34) Hata hivyo, mambo yenye Yehova aliambia Ezekieli, ilienda mbali zaidi kuliko vile Sheria ilisema. Yehova alimuagiza hivi: “Mutamupatia mugeni uriti katika eneo la kabila kwenye anaishi.” Kwa kusema vile, Yehova aliondoa tofauti kubwa yenye ilikuwa kati ya “Waisraeli wenyeji wa kizalikio” na wageni wenye kuwa mu inchi. (Eze. 47:22, 23) Ezekieli alitambua kwamba, mu inchi yenye ilirudishwa yenye aliona mu  maono, watu walimuabudu Mungu mu njia yenye kuwa sawasawa, na mu umoja.​—Law. 25:23.

15. Maagizo kuhusu inchi na kuhusu wakaaji wake inakazia kweli gani yenye haiwezi kubadilika juu ya Yehova?

¹⁵ Ile maagizo mbili yenye Ezekieli alipewa kuhusu inchi na watu wa inchi ilipaswa kutia moyo wahamishwa. Walijua kwamba Yehova angewapatia maeneo yenye kuwa sawasawa, ikuwe Waisraeli wa kizalikio ao wageni wenye walimuabudu Yehova. (Ezr. 8:20; Ne. 3:26; 7:6, 25; Isa. 56:3, 8) Tena, ile maagizo ilikazia kweli hii yenye kutia moyo na yenye haiwezi kubadilika: Ku macho ya Yehova watumishi wake wote ni wa maana, hakuna mwenye kuwa wa maana sana kuliko mwingine. (Soma Hagai 2:7.) Leo, tukuwe na tumaini la kuishi mbinguni ao duniani, sisi wote tunakubaliana na ile kweli.

16, 17. (a) Kuchunguza habari kuhusu inchi na wakaaji wake kunaweza kutuletea faida gani? (b) Tutazungumuzia nini mu sura ya kufuata?

¹⁶ Kuchunguza habari kuhusu inchi na wakaaji wake kunaweza kutuletea faida gani? Tunaona kwamba usawa na umoja vinapaswa kuonekana kabisa mu familia ya ulimwenguni pote ya ndugu na dada leo. Yehova hana ubaguzi. Ni muzuri tujiulize: ‘Je, ninaonyesha kama sina ubaguzi sawa vile Yehova? Je, ninaonyesha kila muabudu mwenzangu heshima ya kutoka mu moyo, hata kama iko wa rangi ingine ya ngozi ao iko na maisha yenye kuwa tofauti na yangu?’ (Ro. 12:10) Tunafurahi sababu Yehova ametupatia pendeleo ileile sisi wote ya kuwa mu paradiso ya kiroho, kwenye tunamutolea Baba yetu wa mbinguni utumishi mutakatifu wa kutoka ku moyo na kufurahia baraka zake.​—Gal. 3:26-29; Ufu. 7:9.

¹⁷ Acha sasa tuchunguze uhakikisho wa ine wenye ulitolewa mu sehemu ya mwisho ya maono ya mwisho ya Ezekieli​—ahadi ya kama Yehova angekuwa pamoja na wahamishwa. Ile ahadi inaweza kutufundisha nini? Tutapata jibu mu sura ya kufuata.