Tunakushukuru kwa sababu umetumia wakati ili kuchunguza broshua hii kusudi ujifunze juu ya Mashahidi wa Yehova, kazi yao, na namna tengenezo lao linafanya kazi. Tunatumaini kuwa broshua hii imekusaidia kujua kama Mashahidi wa Yehova njo wenye wanafanya mapenzi ya Yehova leo. Tunakutia moyo uendelee kujifunza juu ya Mungu, kuelezea watu wa jamaa yako na marafiki wako juu ya mambo yenye unajifunza, na kuja kila mara kwenye mikutano yetu ya Kikristo.​—Waebrania 10:23-25.

Wakati unaendelea kujifunza mambo mingi juu ya Yehova, utaona zaidi kama anakupenda kabisa. Kwa hiyo, utachochewa kufanya nguvu yako yote ili umuonyeshe Yehova kama wewe pia unamupenda. (1 Yohana 4:8-10, 19) Lakini, namna gani unaweza kuonyesha kama unamupenda Mungu mu maisha yako ya kila siku? Utapata faida gani kama unafuata kanuni zake juu ya mwenendo muzuri? Na ni nini itakusaidia ufanye mapenzi ya Mungu pamoja na Mashahidi wa Yehova? Shahidi mwenye anakufundishaka Biblia atafurahi kukusaidia kupata majibu ya ile maulizo, ili wewe na familia yako “mubakie katika upendo wa Mungu, wakati munangojea . . . uzima wa milele.”​—Yuda 21.

Tunakutia moyo uendelee kufanya maendeleo katika njia ya kweli kwa kujifunza kitabu, Namna ya Kubakia Katika Upendo wa Mungu.