Kuko mutu mwenye amekwisha kukuambia siri fulani?— * Biblia inazungumuzia siri moja ya maana sana kuliko siri zingine zote. Siri hiyo inaitwa “siri takatifu.” Ni siri takatifu juu inatoka kwa Mungu. Tena inaitwa siri juu watu wengi hawajue maana ya siri hiyo. Hata malaika walipenda sana kujua mambo mengi juu ya siri hiyo. Wewe pia, unapenda kujua siri hiyo?—

Zamani sana, Mungu aliumba mwanaume na mwanamuke wa kwanza. Mwanaume huyo anaitwa Adamu. Na mwanamuke anaitwa Eva. Mungu aliwatia mu bustani inayoitwa bustani ya Edeni. Ilikuwa fasi ya muzuri sana kuishi. Ikiwa Adamu na Eva wangemutii Mungu, wao pamoja na watoto wao, wangefanya dunia yote ikuwe paradiso kama bustani hiyo ya Edeni. Tena wangeishi milele mu Paradiso hiyo. Lakini, unajua Adamu na Eva walifanya nini?—

Adamu na Eva hawakumutii Mungu, ndio sababu leo hatuko mu paradiso. Hata hivyo, Mungu alisema kama ataifanya dunia yote kuwa fasi ya muzuri sana. Na katika dunia hiyo watu wataishi milele na watakuwa na furaha. Kwa miaka mingi sana watu hawakujua vile Mungu angefikia kufanya dunia ikuwe paradiso. Hiyo ilikuwa siri.

Wakati Yesu alikuwa duniani, alifundisha watu mambo mengi juu ya siri hiyo. Alifundisha kama siri hiyo ni Ufalme wa Mungu. Yesu aliwaambia watu waombe Ufalme huo uje. Ufalme huo utafanya dunia yote kuwa paradiso muzuri sana.

Wewe pia unafurahi kujua siri hiyo?— Lakini, usisahau kama ni wale tu wanaomutii Yehova ndio wataishi mu Paradiso. Katika Biblia muko hadisi nyingi zenye kuzungumuzia wanaume na wanawake wenye walimutii Yehova. Unapenda kujifunza juu ya wanaume na wanawake hao?— Kwa hiyo tutazungumuza juu ya wanaume na wanawake fulani kati yao. Na tutaona vile tunaweza kufuata mufano wao.