Humotong, Alkitapẹ̌ nẹ̌běke soal u apa seng nikoạ su sorga dingangu su dunia, kụ ene makakoạ si kitẹ mẹ̌tiněna manga hal᷊ẹ̌ mapapaelẹ̌ seng nikoạ i Yehuwa. Mạeng i kau matimadẹ̌, tul᷊ungko anạu makasingkạ apa nikoạ i Yehuwa ene mal᷊awọ haghine. Paul᷊ị si sie Mawu někoạ taumata limembong mapaelẹ̌ bọu binatang. Taumata botonge mẹ̌bisara, mẹ̌tiněna, měkoạ sěmbaụ barang, mẹ̌kantarị, dingangu mẹ̌doa. Tul᷊ungko i sie makaěna Yehuwa sěbạe makawasa dingangu matahuěna, kụ limembong penting lai, Yehuwa makěndagẹ̌ si kitẹ dingangu manga diadikang’E wal᷊inẹ.