Mawu kai ”simbul᷊u pěbawiahẹ̌”. (Mazmur 36:9) Apa i kau mangimang ene? Pirang katau nẹ̌tiněna pěbawiahẹ̌ ene sěngkělěndịu siměpụ, bal᷊inẹ ual᷊ingu niriadi. Mạeng ene kahěngang, tawẹ apa alasang kawe nụe i kitẹ něbiahẹ̌. Katewe, mạeng Mawu Yehuwa něndiadi pěbawiahẹ̌, pěbawiahẹ̌ tantu piạ timonane. * Mahi měmanda apa niul᷊ịu Alkitapẹ̌ soal u tětạu pěbawiahẹ̌, kụ kawe nụe ene masuẹ̌ su akal᷊ẹ̌.

1. Kerea tětạu alam semesta?

Alkitapẹ̌ naul᷊ị, ”Su tětạe Mawu něndiadi langị dingangu dunia.” (Kejadian 1:1) Kal᷊awokange ilmuwan setuju alam semesta ini piạ tětạe. Kerea Mawu něndiadi alam semesta? I Sie něpakẹ ”katatoghas’E” arau rohkẹ̌ masusi gunang měndiadi kěbị haghi su alam semesta, sarang lai manga galaksi, bituing dingangu planet.​—Kejadian 1:2.

2. Kawe nụe Mawu něndiadi dunia?

Yehuwa ”něndiadi [dunia] bal᷊inẹ tawẹ timonane, katewe někoạ ene gunang pẹ̌tanạkeng”. (Yesaya 45:18) Yehuwa něndiadi dunia makoạ tampạ mapaelẹ̌ gunang pẹ̌tanạkeng. Kụ su dunia lai, i Sie něnadia kěbị kebutuhan taumata gunang měbiahẹ̌ sarang karěngụe. (Basa Yesaya 40:28; 42:5.) Manga ilmuwan naul᷊ị dunia ini sěbạe unik, ual᷊ingu bọu kěbị planet, kětạeng dunia botonge pẹ̌tanạkengu taumata.

3. Apa nakakoạ taumata nẹ̌tatěntang bọu binatang?

Su apang bọu něndiadi dunia, Yehuwa někoạ makhluk hidup su dunia. Humotong, Mawu něndiadi haghing sasuang dingangu binatang. Bọu ene, ”Mawu něndiadi taumata mẹ̌papangawẹ i Sie”. (Basa Kejadian 1:​27.) Apa nakakoạ taumata nẹ̌tatěntang bọu binatang? Ual᷊ingu i kitẹ nikoạ mẹ̌papangawẹ dingangu Mawu, i kitẹ botonge měnodẹ manga sipat’E, kere kakěndagẹ̌ dingangu kal᷊aadilẹ̌. Bọu ene lai, Mawu něgělị si kitẹ kemampuan gunang měngěndung haghing bawera, měngarěga manga hal᷊ẹ̌ maral᷊ěnggihẹ̌, lai dumaringihẹ̌ musik. Kụ nẹ̌tatěntang dingangu binatang, i kitẹ botonge kuměndagẹ̌ dingangu měngadatẹ̌ Měndariading i kitẹ.

 5. Běkeng Alkitapẹ̌ soal u penciptaan ene masuẹ̌ su akal᷊ẹ̌

6. Taumata kai diadikang istimewa

Yehuwa něndiadi si kitẹ nẹ̌tatěntang bọu binatang. Basa Kejadian 1:​26, bọu ene bisarai kakiwal᷊o ini:

• Ual᷊ingu i kitẹ niriadi mẹ̌papangawẹ dingangu Mawu, i kitẹ botonge měnodẹ kakěndagẹ̌ dingangu tatal᷊ěntụ. Mạeng kerene, sipatu Mawu ene kerea?

 RINGKASAN

Yehuwa něndiadi alam semesta dingangu kěbị makhluk hidup.

Apa seng nikaěndungangu?

• Apa niul᷊ị u Alkitapẹ̌ soal u tětạu alam semesta?

• Apa Mawu něpakẹ proses evolusi gunang měndiadi haghing makhluk hidup, arau apa dongkeng su tětạe i Sie seng něndiadi haghing makhluk hidup?

• Kawe nụe taumata kai diadikang istimewa?