PĚNGANGĚNDUNGANG 50
Kerea Tadeạu Kěluarganu Mal᷊uasẹ̌?—Bageang 2
Manga rariọ kai hadiah bọu Yehuwa. I Sie mapulu matimadẹ̌ měndiagạ hadiah ene. Yehuwa něnadia sasasa mapaelẹ̌ botonge makatul᷊ung matimadẹ̌ gunang měkoạ ene. Sasasa-Ne lai botonge makatul᷊ung manga rariọ makakoạ keluarga mal᷊uasẹ̌.
1. Sasasa apa nighělị i Yehuwa su matatimadẹ̌?
Yehuwa mapulu matatimadẹ̌ kuměndagẹ̌ manga anạ i sire dingangu měnadia lawọ tempo gunang anạ i sire. I Sie lai mapulu matimadẹ̌ měndiagạ anạ bọu bahaya, kụ měpakẹ prinsip Alkitapẹ̌ gunang měněntiro si sire. (Amsal 1:8) I Sie naul᷊ị su matimadẹ̌ esẹ, ’Pěhikingbe [anạu] ringangu . . . těntirong [Yehuwa].’ (Basa Efesus 6:4, Binohẹ Susi Bal᷊o Mapia, BS.) Yehuwa mal᷊uasẹ̌ mạeng matimadẹ̌ tumol᷊e laahạ’E su tempong měhiking manga anạ i sire, kụ tawe měgělị tanggung jawab měhiking anạ su taumata wal᷊inẹ.
2. Sasasa apa nighělị i Yehuwa su manga rariọ?
Yehuwa něgělị sasasa su manga rariọ, ”Pakararingihẹ̌ si amangu ringangu si ninangu.” (Basa Kolose 3:20, BS.) Mạeng manga rariọ měngadatẹ̌ dingangu tumuhụ su matimadi sire, i sire sarung makal᷊uasẹ̌ naung i Yehuwa dingangu naungu matimadi sire. (Amsal 23:22-25) Yesus nakoạ pẹ̌tatěnoěng mapaelẹ̌ su tempong bědang kadodọ. Maning nasukụ, i sie timuhụ dingangu měngẹ̌ngadatẹ̌ matimade.—Lukas 2:51, 52.
3. Kerea i kau dingangu kěluarganu botonge mẹ̌těngkarani si Yehuwa?
Mạeng i kau sěngkatau matimadẹ̌, i kau tantu mapulu anạu kuměndagẹ̌ si Yehuwa kere i kau kuměndagẹ̌ si Yehuwa. Kerea tadeạu ene mariadi? Mạeng i kau tumol᷊e sasasang Alkitapẹ̌ ini: ”[Manga bawerang Yehuwa] harusẹ̌ suangeng i kamene su naungu manga anạ i kamene. Pẹ̌bisara soal u hal᷊ẹ̌ ene su tempong kumaiang su wal᷊e [dingangu] su tempong su ral᷊eng.” (Ulangan 6:7) Bawera ”suangeng” mangal᷊ene pirang sul᷊ẹ měněntiro sěmbaụ hal᷊ẹ̌. Aramanung, i kau harusẹ̌ masau měněntiro sěmbaụ hal᷊ẹ̌ su anạ tadeạu i sire makatahěndung. Ayatẹ̌ ini něnodẹ i kau harusẹ̌ mědeạ tempo gunang mẹ̌bisara su anạu soal i Yehuwa. Mapaelẹ̌ mạeng i kau měnadia tempo sabang misa gunang měngěndung Alkitapẹ̌ sěngkasio dingangu kěluarganu. Maning tawẹ apa anạ, i kau tatapẹ̌ makaěbạ gunane mạeng měnadia tempo sabang misa gunang měngěndung Hengetangu Mawu.
BANGKA PAKARAL᷊UNG
Mahịe měngěndung piram baụ těgu makakoạ keluarga mal᷊uasẹ̌ dingangu aman.
4. Těntiroi anạ i kamene dingangu kakěndagẹ̌
Měněntiro anạ ene tawe gampang. Kerea Alkitapẹ̌ botonge makatul᷊ung? Basa Yakobus 1:19, 20, bọu ene bisarai manga kakiwal᷊o ini:
-
Kerea matimadẹ̌ měnodẹ kakěndagẹ̌ su tempong mẹ̌bisara dingangu manga anạ i sire?
-
Kawe nụe matimadẹ̌ tawe wotonge měgělị disiplin su anạ su tempong pědu? *
5. Diagạ anạ i kamene
Gunang měndiagạ anạ i kamene, sěbạe penting mẹ̌bisara si sire soal u seks. Aramanung ini tawe gampang. Putarẹ̌ VIDEONE, bọu ene bisarai manga kakiwal᷊o ini.
-
Kawe nụe pirang katau matimadẹ̌ masigěsạ mẹ̌bisara su anạ i sire soal u seks?
-
Kerea pirang katau matimadẹ̌ nělahẹ soal u seks su anạ i sire?
Kere seng nitěbal᷊ẹ̌, duniang Setang sarung makoạ sauneng kakạdal᷊akịe. Basa 2 Timotius 3:1, 13, bọu ene bisarai kakiwal᷊o ini:
-
Pirang katau taumata ral᷊akị nilahẹ su ayatẹ̌ 13 ene kai taumata apang měkẹ̌koạ pelecehan seksual su manga rariọ. Hakị u ene, kawe nụe penting matimadẹ̌ měněntiro anạ i sire soal u seks, kụ kerea manga rariọ botonge měndiagạ watangeng i sire bọu taumata apang měkẹ̌koạ pelecehan seksual?
Apa i kau masingkạ?
Sahiding Yehuwa seng něnadia lawọ publikasi makatul᷊ung matimadẹ̌ měněntiro anạ i sire soal u seks dingangu měndiagạ si sire bọu taumata apang měkẹ̌koạ pelecehan seksual. Contone, pěmanda:
-
Lindungi Anak Kalian (video)
-
”Mengajar Anak tentang Seks” (Sadarlah! No. 5 2016)
6. Pěngadatẹ̌ matimadu
Manga rariọ dingangu mangangudạ botonge měnodẹ i sire měngẹ̌ngadatẹ̌ matimadẹ̌ bọu cara i sire mẹ̌bisara su matimadẹ̌. Putarẹ̌ VIDEONE, bọu ene bisarai manga kakiwal᷊one.
-
Kawe nụe penting mangangudạ mẹ̌bisara maadatẹ̌ su matimadi sire?
-
Kerea mangangudạ měnodẹ i sire měngẹ̌ngadatẹ̌ matimadẹ̌ bọu cara i sire mẹ̌bisara su matimadẹ̌?
Basa Amsal 1:8, bọu ene bisarai kakiwal᷊o ini:
-
Apa harusẹ̌ koatengu mangangudạ su tempong matimadẹ̌ měgělị sasasa si sire?
7. Pěngibadạe si Yehuwa sěngkasio dingangu keluarga
Manga keluarga Sahiding Yehuwa seng něnadia tempo sabang misa gunang měngibadah sěngkasio. Kerea ibadah keluarga kẹ̌koateng? Putarẹ̌ VIDEONE, bọu ene bisarai manga kakiwal᷊o ini.
-
Kerea tadeạu sěmbaụ keluarga botonge piạ Ibadah Keluarga sabang misa?
-
Apa wotonge koatengu matimadẹ̌ tadeạu ibadah kěluargang i sire makal᷊uasẹ̌?—Pěmanda gambarẹ̌ su tětạu pěngangěndungang ini.
-
Aramanung, apa makakoạ kěluarganu masigěsạ měngěndung sěngkasio?
Su Israel tempong tamai, Yehuwa mapulu keluarga masau mẹ̌bisara soal u Binohẹ Susi. Basa Ulangan 6:6, 7, bọu ene bisarai kakiwal᷊o ini:
-
Kerea i kau botonge tumol᷊e prinsip su ayatẹ̌ ini?
Těgu gunang ibadah keluarga:
-
Měkoạ persiapan gunang pěngangibadang.
-
Mẹ̌basa dingangu mẹ̌bawěke soal u sěmbaụ běke su Alkitapẹ̌ kụ ikẹ̌kapuluangu kěluarganu.
-
Mạeng i kau piạ anạ kadodọ, download arau cetakẹ̌ sěmbaụ kegiatan gunang manga rariọ su jw.org.
-
Mạeng i kau piạ anạ mangudạ, bisarai sěmbaụ artikel gunang mangangudạ su jw.org.
-
Pěkoạ peragaan soal u sěmbaụ běke su Alkitapẹ̌ dingangu manga anạu.
-
Pẹ̌biala kụ bisarai sěmbaụ video su jw.org.
PIẠ U NAUL᷊Ị: ”Měngěndung Alkitapẹ̌ ene tumanịu masigěsạ su manga rariọ.”
-
Kerea tumuhụ si kau?
RINGKASAN
Yehuwa mapulu matatimadẹ̌ kuměndagẹ̌, měněntiro, dingangu měndiagạ anạ i sire. I Sie lai mapulu manga rariọ měngadatẹ̌ dingangu tumuhụ su matatimadi sire. Bọu ene lai, Yehuwa mapulu keluarga měngibadah si Sie sěngkasio.
Apa seng nikaěndungangu?
-
Kerea matatimadẹ̌ botonge měněntiro dingangu měndiagạ manga anạ i sire?
-
Kerea manga rariọ měnodẹ i sire měngẹ̌ngadatẹ̌ matimadi sire?
-
Apa gunane měnadia tempo sabang misa gunang měkoạ ibadah keluarga?
PĚMANDA LAI
Tatěntiro apa makatul᷊ung anạ sadia makoạ taumata matělang?
”6 Tatěntiro Penting gunang Manga Rariọ” (Sadarlah! No. 2 2019)
Pěngěndungke manga sasasa bọu Alkitapẹ̌ gunang taumata apang mětẹ̌tangkiang matimadi sire seng maghurang.
”Apa Niul᷊ịu Alkitapẹ̌ soal u Měngurusẹ̌ Matimadẹ̌ Seng Maghurang?” (Artikel web)
Pěmanda kerea sěngkatau esẹ běga měhiking anạ nakakoạ něhiking manga anạe.
Měhiking Manga Rariọ dingangu Cara Ikẹ̌kapulung Yehuwa (5:58)
Pěmanda kerea matimadẹ̌ esẹ botonge tatapẹ̌ marani dingangu anạe esẹ.
