Pělaharapẹ̌ ene mẹ̌sul᷊ungu bal᷊ango. (Ibr 6:19) Ene makatul᷊ung rohaning i kitẹ tawe mawul᷊usẹ̌ su tempong piạ dělang maihạ. (1Tim 1:18, 19) Dělang ene ěndịu naung nakadodọ, kinailangengu arětạ, sakị tawe mapapia, papateng taumata ikẹ̌kěndagẹ̌, arau nẹ̌dal᷊ahaghing sasal᷊ukạ makailang kasasatiang i kitẹ.

Pangangimang dingangu pělaharapẹ̌ makatul᷊ung si kitẹ makasilo mal᷊ahẹ apa seng nirianding Mawu. (2Kor 4:16-18; Ibr 11:13, 26, 27) Hakị u ene, maning pělaharapẹ̌ i kitẹ měbiahẹ̌ su sorga arau su dunia, i kitẹ harusẹ̌ turusẹ̌ mětiněna dianding Mawu seng niwohẹ su Alkitapẹ̌. Kụ su tempong i kitẹ makahombang sasal᷊ukạ i kitẹ tatapẹ̌ mal᷊uasẹ̌.—1Ptr 1:6, 7.

PẸ̌BIALA VIDEO BERSUKACITALAH DALAM HARAPAN, BỌU ENE SIMBAHE KAKIWAL᷊O INI:

• Kawe nụe i Musa kai tatěnong mapaelẹ̌?

• Apa tanggung jawab manga těmbonangu keluarga?

• Topik apa botonge ěndungang su Ibadat Keluarga?

• Kerea pělaharapẹ̌ makatul᷊ung si kitẹ tatapẹ̌ matoghasẹ̌ tumatěngo sasal᷊ukạ?

• Apa lẹ̌ampal᷊engu sarung mariadi su tempo mahi?