‘எல்லாவற்றையும் [கடவுள்தான்] படைத்தார்.’ (வெளிப்படுத்துதல் 4:11) நீங்கள் இதை நம்புகிறீர்களா? எல்லாம் தானாகவே உருவாகிவிட்டது என்று சிலர் சொல்கிறார்கள். மனிதர்களும் தானாகத்தான் தோன்றினார்கள் என்றால் நம் வாழ்க்கைக்கு அர்த்தமே இருக்காது. ஆனால், யெகோவாதான் எல்லாவற்றையும் படைத்திருக்கிறார் என்றால் அவர் அப்படிப் படைத்ததற்கு ஒரு காரணம் இருக்கும், இல்லையா? a உயிர் எப்படி உருவானது என்பதைப் பற்றி பைபிள் என்ன சொல்கிறது என்று பார்க்கலாம். அதை நாம் ஏன் நம்பலாம் என்றும் பார்க்கலாம்.

1. வானமும் பூமியும் எப்படி உருவானது?

“ஆரம்பத்தில் கடவுள் வானத்தையும் பூமியையும் படைத்தார்” என்று பைபிள் சொல்கிறது. (ஆதியாகமம் 1:1) இந்தப் பிரபஞ்சத்துக்கு ஒரு ஆரம்பம் இருந்ததாகப் பெரும்பாலான விஞ்ஞானிகளும் ஒத்துக்கொள்கிறார்கள். கடவுள் அதை எப்படிப் படைத்தார்? தன் ‘சக்தியினால்தான்’ அதில் இருக்கும் நட்சத்திர மண்டலங்களையும், கோள்களையும், மற்ற எல்லாவற்றையும் படைத்தார்.​—ஆதியாகமம் 1:2.

2. கடவுள் ஏன் இந்தப் பூமியைப் படைத்தார்?

யெகோவா “[இந்தப் பூமியை] காரணம் இல்லாமல் படைக்கவில்லை; ஜனங்கள் குடியிருப்பதற்காகவே படைத்தார்.” (ஏசாயா 45:18) மனிதர்கள் சவுகரியமாக என்றென்றும் வாழ வேண்டும் என்பதற்காக அவர் இந்தப் பூமியைப் படைத்தார். (ஏசாயா 40:28-யும் 42:5-யும் வாசியுங்கள்.) பூமி ஒரு விசேஷமான கோள் என்று விஞ்ஞானிகள் சொல்கிறார்கள். இதுவரை கண்டுபிடிக்கப்பட்ட கோள்களிலேயே பூமியில் மட்டும்தான் மனிதர்களால் உயிர்வாழ முடியும்.

3. மனிதர்களுக்கும் விலங்குகளுக்கும் என்ன வித்தியாசம்?

யெகோவா பூமியைப் படைத்த பிறகு உயிரினங்களைப் படைத்தார். முதலில், செடி கொடிகளையும், மிருகங்களையும் படைத்தார். பிறகு, “மனிதனைக் கடவுள் தன்னுடைய சாயலில் படைத்தார்.” (ஆதியாகமம் 1:27-ஐ வாசியுங்கள்.) அப்படியென்றால், நாம் ரொம்ப விசேஷமானவர்கள். கடவுளுடைய சாயலில் படைக்கப்பட்டிருப்பதால் அன்பு, நீதி போன்ற அவருடைய குணங்களை நம்மாலும் காட்ட முடியும். அதுமட்டுமல்ல, நம்மால் புதுப்புது மொழிகளைக் கற்றுக்கொள்ள முடியும், கலை வேலைப்பாடுகளைப் பார்த்து ரசிக்க முடியும், இசையையும் கேட்டு ரசிக்க முடியும். முக்கியமாக, நம்மைப் படைத்த கடவுளை வணங்க முடியும். இதையெல்லாம் மிருகங்களால் செய்ய முடியாது.

 5. படைப்பைப் பற்றி பைபிள் சொல்வதை நாம் நம்பலாம்

6. மனிதர்கள் கடவுளுடைய ஒரு விசேஷப் படைப்பு

மனிதர்களுக்கும் மிருகங்களுக்கும் நிறைய வித்தியாசம் இருக்கிறது. ஆதியாகமம் 1:26-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• கடவுள் தன் சாயலில் நம்மைப் படைத்திருக்கிறார் என்று பைபிள் சொல்கிறது. அன்பும் கரிசனையும் நமக்கு இருக்கிறதென்றால், என்னென்ன குணங்கள் கடவுளுக்கும் இருக்கும்?

 சுருக்கம்

இந்தப் பிரபஞ்சத்தையும் எல்லா உயிர்களையும் யெகோவாதான் படைத்தார்.

ஞாபகம் வருகிறதா?

• பிரபஞ்சத்தின் ஆரம்பத்தைப் பற்றி பைபிள் என்ன சொல்கிறது?

• ஒரே ஒரு உயிரணுவிலிருந்து எல்லா உயிரினங்களும் தானாகவே உருவாவதற்குக் கடவுள் விட்டுவிட்டாரா அல்லது எல்லாவற்றையும் தனித்தனியாகப் படைத்தாரா?

• மனிதர்கள் விசேஷமான ஒரு படைப்பு என்று ஏன் சொல்லலாம்?