இந்தக் கடைசி நாட்களில் வாழ்க்கையை ஓட்டுவதே ரொம்பக் கஷ்டம்தான். இந்த உலகத்துக்கு முடிவு நெருங்க நெருங்க நம் கஷ்டங்கள் இன்னும் அதிகமாகத்தான் ஆகும். சிலசமயங்களில் அடிப்படை விஷயங்கள்கூட இல்லாமல் நாம் கஷ்டப்படலாம். (ஆப 3:16-18) அந்த மாதிரி சமயங்களில் நம்பிக்கை இழக்காமல் இருக்க எது நமக்கு உதவி செய்யும்? எப்போதும் யெகோவாவையே நம்பியிருங்கள். தன்னுடைய மக்களைப் பார்த்துக்கொள்வதாக அவர் வாக்குக் கொடுத்திருக்கிறார். எப்படிப்பட்ட சூழ்நிலையிலும் நமக்குத் தேவையானதை அவரால் கொடுக்க முடியும்.—சங் 37:18, 19; எபி 13:5, 6.

நீங்கள் என்ன செய்யலாம்:

• ஆலோசனைக்காகவும் ஞானத்துக்காகவும் உதவிக்காகவும் யெகோவாவிடம் கெஞ்சிக் கேளுங்கள்.—சங் 62:8

• உங்களுக்குப் பழக்கமில்லாத வேலைகளைச் செய்வதற்குக்கூட தயாராக இருங்கள்.—g 4/10 30-31, பெட்டிகள்

• தினமும் பைபிளைப் படிப்பது, கூட்டங்களில் கலந்துகொள்வது, ஊழியத்துக்குப் போவது போன்ற விஷயங்களைத் தவறாமல் செய்யுங்கள்

சகித்திருக்கும் ஒரு வீட்டைக் கட்டுங்கள்—“உள்ளதை வைத்துத் திருப்தியோடு இருங்கள்” என்ற வீடியோவைப் பார்த்துவிட்டு இந்தக் கேள்விகளுக்குப் பதில் சொல்லுங்கள்:

• சில குடும்பங்களுக்கு என்ன பிரச்சினை இருந்தது?

• வாழ்க்கையில் எது ரொம்ப முக்கியம்?

• பணப் பிரச்சினையில் கஷ்டப்படுகிறவர்களுக்கு நாம் எப்படி உதவி செய்யலாம்?