Ba tempu uitoan, Maromak husik mane atu iha feen naʼin-rua ka liu. (Génesis 4:19; 16:1-4; 29:18-29) Maibé laʼós Maromak mak arranju kona-ba poligamia. Nia fó feen ida deʼit ba Adão.

 Jesus Kristu fó sai Maromak nia hakarak neʼebé husi uluk kedas kona-ba monogamia, ka mane ida kaben ho feto ida. (João 8:28) Kuandu ema husu pergunta kona-ba arranju kaben, Jesus hatete: “Imi lee tiha ona ka lae, katak horiuluk kedas Maromak kria mane no feto? No Maromak hatete: ‘Tan razaun neʼe mak mane ida sei husik ninia inan-aman no nia sei hela hamutuk ho ninia feen no sira naʼin-rua sei sai isin ida deʼit.’”—Mateus 19:4, 5.

 Liutiha tempu balu, Jesus nia dixípulu ida simu Maromak nia espíritu santu hodi hakerek: “Diʼak atu mane ida-idak iha feen rasik no feto ida-idak iha laʼen rasik.” (1 Korinto 7:2) Bíblia mós dehan katak mane kaben-naʼin neʼebé simu responsabilidade iha kongregasaun Kristaun tenke “iha feen ida deʼit”.—1 Timóteo 3:2, 12.