Isaias 11:1-16
11 Sanak ida+ sei moris husi Jessé nia ai-hun neʼebé tesi ona,+No ai-tubun ida+ neʼebé moris husi ninia abut sei fó fuan.
2 Jeová nia espíritu sei tun ba nia,*+Tan neʼe mak nia sei hatudu matenek+ no komprende ho didiʼak,Nia sei fó konsellu diʼak no nia forte loos,+Nia sei iha koñesimentu barak no hamtaʼuk Jeová.
3 No nia sei haksolok hodi hamtaʼuk Jeová.+
Nia sei la tesi-lia tuir deʼit buat neʼebé ninia matan haree,No nia sei la fó dixiplina tuir deʼit buat neʼebé ninia tilun rona.+
4 Nia sei tesi-lia ba ema kiʼik sira ho loloos,*No ho laran-loos nia sei fó dixiplina ba ema hodi apoia ema laran-maus sira iha rai.
Nia sei baku rai ho ai-tonka husi ninia ibun+No nia sei huu iis* husi ninia ibun hodi oho ema aat.+
5 Hahalok loos no laran-metinMak hanesan sintu iha ninia knotak.+
6 Asu-lobu* sei hela hamutuk ho bibi-malae oan ba tempu balu,+Leopardu sei toba iha bibi-timur oan nia sorin,No leaun-aman ho karau-oan no animál bokur sira sei hela hamutuk;*+No labarik-mane ida mak sei lori sira.
7 Karau no ursu sei han hamutuk,No sira-nia oan sei toba hamutuk.
Leaun sei han duʼut-maran hanesan karau.+
8 Labarik neʼebé susu hela sei halimar iha samea-kobra nia kuak leten,No labarik neʼebé foin haketak susu sei tau ninia liman ba samea venenu nia kuak.
9 Sira sei la halo buat aat ida+No mós la estraga buat ida iha haʼu-nia foho santu tomak,+Tanba mundu tomak sei nakonu ho koñesimentu kona-ba JeováHanesan bee taka tasi tomak.+
10 Iha loron neʼebá, Jessé nia abut+ sei hamriik nuʼudar sinál* ba povu.+
Nasaun sira sei buka nia atu husu matadalan,*+No ninia hela-fatin* sei sai kmanek tebes.
11 Iha loron neʼebá Jeová sei lolo tan ninia liman ba dala segundu hodi halibur fali ninia povu restu husi rai sira hanesan Asíria,+ Ejitu,+ Patros,+ Kus,+ Elam,+ Sinear,* Hamat no illa sira iha tasi.+
12 Nia sei tau sinál* ida ba nasaun sira no halibur ema Izraél sira neʼebé namkari,+ no nia sei halibur hamutuk ema Judá sira neʼebé hela namkari iha rai nia lidun haat.+
13 Efraim nia laran-moras sei lakon,+No sira neʼebé odi Judá sei lakon mohu.
Efraim sei la laran-moras ba Judá,No Judá mós sei la odi Efraim.+
14 No sira sei tun lalais ba foho-lolon* Filístia nian, ba parte oeste;Sira sei hamutuk hodi hadau povu iha área Leste nia sasán.
Sira sei foti sira-nia liman kontra* Edom+ no Moab,+No ema Ammon sei sai sira-nia atan.+
15 Jeová sei fahe* bee iha tasi Ejitu+No lolo liman iha Mota Eufrates* leten.+
Nia sei baku mota sanak hitu* ho iis* manas neʼebé nia huu sai,No nia sei haruka povu sira hakur mota neʼe ho sira-nia sandálias.
16 No sei iha estrada boot+ ba ninia povu restu hodi sai husi rai-Asíria,+Hanesan uluk iha dalan ba ema Izraél iha loron neʼebé sira sai husi rai-Ejitu.
Nota-rodapé
^ Neʼe refere ba “sanak” no “ai-tubun” neʼebé temi ona iha ver. 1.
^ Ka “espíritu”. Haree “Ruah” iha Glosáriu.
^ Ka “ho hahalok loos”.
^ Neʼe mak animál neʼebé siʼak no han animál seluk.
^ Ka karik “leaun no karau-oan sei han hamutuk”.
^ Ka “Nasaun sira sei buka nia”.
^ Orj., “fatin deskansa nian”.
^ Ka “ai-riin sinál nian”.
^ Neʼe katak Babilónia.
^ Ka “sei harii ai-riin sinál nian”.
^ Orj., “kabaas”.
^ Ka “domina”.
^ Ka karik “hamaran”.
^ Orj., “Mota”.
^ Ka karik “baku mota neʼe hodi sai mota hitu”.
^ Ka “espíritu”.
