Job 35:1-16
35 Eliú koʼalia tan, hodi dehan:
2 “Ita fiar an duni katak Ita mak loos ka?Toʼo Ita dehan: ‘Haʼu mak loos liu fali Maromak.’+
3 Tanba Ita dehan: ‘Haʼu-nia hahalok loos iha folin saida ba Ita-Boot?*
Se haʼu halo sala karik, haʼu-nia moris mós hanesan deʼit, loos ka lae?’+
4 Haʼu sei hatán ba ItaNo ba Ita-nia kolega sira+ neʼebé hamutuk ho Ita.
5 Hateke saʼe ba lalehan no haree bá,Haree didiʼak ba kalohan sira+ iha leten neʼebé aas liu fali Ita.
6 Se Ita halo sala, neʼe bele hakanek Maromak ka?+
Se Ita-nia sala sira sai barak, neʼe bele kona nia ka lae?+
7 Se Ita-nia hahalok mak loos, Ita bele fó saida ba nia?Ka saida mak nia sei simu husi Ita?+
8 Ita-nia hahalok aat kona deʼit ema sira hanesan ho Ita,No Ita-nia hahalok loos mós kona deʼit ema.
9 Ema tanis halerik bainhira iha terus boot nia laran,Sira halerik atu husu ajuda tanba kbiit-naʼin mak hanehan sira.*+
10 Maibé la iha ema ida mak husu: ‘Maromak, haʼu-nia Kriadór Boot, iha neʼebé?+Maromak neʼebé halo ema kanta knananuk sira iha kalan, nia iha neʼebé?’+
11 Nia hanorin ita+ buat barak liu se kompara ho animál sira iha rai,+No nia halo ita matenek liu fali manu sira neʼebé semo iha lalehan.
12 Ema halerik atu husu ajuda, maibé nia la hatán,+Tanba ema aat sira foti an.+
13 Neʼe duni, Maromak la rona ba ema neʼebé halerik ho laran-makerek,*+Ida neʼebé Kbiit Boot Liu Hotu la see tilun ba buat sira-neʼe.
14 Sá tan bainhira Ita halerik dehan Ita la haree Maromak!+
Ita-nia kazu entrega ona ba Maromak, tan neʼe Ita tenke hein deʼit ba nia.+
15 Tanba Maromak la hirus Ita no la husu Ita atu hatán ba nia,Nia mós la hanoin Ita-nia liafuan neʼebé arbiru deʼit.+
16 Job loke nia ibun maibé saugati deʼit,Ninia liafuan barak maibé la iha koñesimentu.”+
Nota-rodapé
^ Karik neʼe refere ba Maromak.
^ Orj., “kbiit-naʼin nia liman”.
^ Ka “la rona ba lia-bosok”.
