Oseias 3:1-5
3 Tuirmai Jeová hatete ba haʼu: “Dala ida tan, bá, hadomi fali feto neʼebé mane seluk hadomi ona no neʼebé halo daudaun adultériu,*+ hanesan Jeová mós hadomi ninia povu Izraél+ maski sira adora fali maromak sira seluk+ no gosta tebes dose husi uvas-maran.”*
2 Entaun haʼu sosa nia ho osan-mutin 15 no ho sevada omer isin ida ho balu.*
3 Tuirmai haʼu hatete ba nia: “Ó sei kontinua sai haʼu-nian ba tempu naruk. Ó labele hatudu hahalok nuʼudar feto-aat,* no ó labele halo relasaun seksuál ho mane seluk. Haʼu mós sei la halo relasaun seksuál ho ó.”*
4 Tanba durante tempu naruk, povu Izraél sei moris la ho liurai ida+ no la iha ulun-naʼin ida, la iha sakrifísiu, la iha fatuk lulik, la iha efod*+ no la iha estátua terafín.*+
5 Depois neʼe, iha loron sira-neʼe nia rohan,+ povu Izraél sei fila fali no buka Jeová, sira-nia Maromak,+ no buka David, sira-nia liurai,+ no sira sei mai iha Jeová nia oin ho nakdedar,* atu sira bele simu ninia laran-diʼak.
Nota-rodapé
^ Neʼe katak dose neʼebé uza atu halo adorasaun falsu.
^ Ka “hahalok prostituisaun”.
^ Ka “haʼu mós sei la halo hanesan neʼe ba ó”.
^ Ka “família nia maromak sira”. Haree “Terafín” iha Glosáriu.
^ Ka “tanba hamtaʼuk”.
