Salmo 102:1-28
Orasaun husi ida neʼebé ema seluk hanehan. Nia halo orasaun neʼe bainhira nia neon-susar* no fakar sai ninia laran-taridu iha Jeová nia oin.+
102 Oh Jeová, rona haʼu-nia orasaun;+Husik haʼu-nia halerik atu husu ajuda toʼo ba Ita.+
2 Keta subar Ita-nia oin husi haʼu iha tempu susar.+
See tilun* ba haʼu;Hatán lalais mai haʼu bainhira haʼu bolu.+
3 Tanba haʼu-nia loron sira lakon daudaun hanesan suar,No haʼu-nia ruin sira hanesan ai neʼebé sunu iha ahi-matan.+
4 Haʼu-nia laran sai hanesan duʼut neʼebé namlaek ona no maran,+Tanba haʼu haluha atu han haʼu-nia ai-han.
5 Tanba haʼu halerik ho lian makaʼas,+Haʼu-nia ruin sira belit tiha ba haʼu-nia kulit.+
6 Haʼu sai hanesan manu-pelikanu iha rai-fuik;Haʼu hanesan manu-kakuuk kiʼik iha fatin neʼebé rahun ona.
7 Haʼu labele toba-dukur;*Haʼu hanesan manu neʼebé mesamesak deʼit iha uma-kakuluk.+
8 Loron tomak haʼu-nia inimigu sira sadik haʼu.+
Sira neʼebé goza haʼu uza haʼu-nia naran nuʼudar malisan.
9 Tanba haʼu han ahi-kadesan nuʼudar haʼu-nia ai-han,*+No buat neʼebé haʼu hemu kahur ho matan-been,+
10 Neʼe tanba Ita sai hirus no laran-nakali,Ita hiʼit saʼe ona haʼu hodi soe tiha haʼu.
11 Haʼu-nia loron sira lakon daudaun hanesan lalatak,+No haʼu namlaek hanesan duʼut.+
12 Maibé Ita iha ba nafatin, oh Jeová,+No Ita-nia naran-boot sei iha ba jerasaun hotu.+
13 Ita sei hamriik duni no hatudu laran-sadiʼa ba Siaun,+Tanba agora mak tempu atu hatudu laran-diʼak ba nia;+Tempu neʼebé hili tiha toʼo mai ona.+
14 Tanba Ita-nia atan sira kontente ho fatuk sira husi Siaun nia moru+No hafolin ninia rai-rahun.+
15 Nasaun sira sei hamtaʼuk Jeová nia naran,No liurai hotu iha rai tomak sei hamtaʼuk Ita-nia glória.+
16 Tanba Jeová sei harii fali Siaun;+Nia sei mosu ho ninia glória.+
17 Nia sei see tilun didiʼak ba ema kiak nia orasaun;+Nia sei la hakribi sira-nia orasaun.+
18 Neʼe hakerek tiha ba jerasaun sira iha futuru,+Hodi nuneʼe povu neʼebé sei moris mai* sei fó hahiʼi ba Jah.
19 Tanba Jeová hateke tun husi ninia fatin santu neʼebé aas,+Husi lalehan mak nia hateke ba rai,
20 Atu rona ema dadur sira-nia halerik,+Atu halo livre sira neʼebé sei hetan kastigu-mate,+
21 Atu nuneʼe ema bele fó sai Jeová nia naran iha Siaun+No fó hahiʼi ba nia iha Jeruzalein,
22 Bainhira povu sira no ukun-naʼin siraHalibur hamutuk atu serbí Jeová.+
23 Nia halakon haʼu-nia kbiit sedu deʼit;Nia habadak haʼu-nia loron sira.
24 Haʼu hatete: “Oh haʼu-nia Maromak,Ita-Boot mak moris tinan ba tinan durante jerasaun hotu,+Favór ida, keta halakon tiha haʼu-nia moris tanba haʼu seidauk idade liu.
25 Iha tempu kleur liubá mak Ita tau rai nia hun,No Ita kria lalehan ho Ita-nia liman.+
26 Sira sei lakon, maibé Ita sei hela ba nafatin;Hanesan roupa ida, sira sei sai tuan.
Ita sei troka sira hanesan ema troka roupa, no sira sei lakon mohu tiha.
27 Maibé Ita sei hanesan nafatin, no Ita-nia tinan sira nunka iha rohan.+
28 Ita-nia atan sira-nia oan sei moris ho hakmatek,No sira-nia bei-oan sei hela nafatin iha Ita-nia oin.”+
Nota-rodapé
^ Ka “sente fraku”.
^ Ka “Hakruʼuk no rona”.
^ Ka karik “Haʼu krekas”.
^ Orj., “paun”.
^ Ka “povu neʼebé Ita seidauk kria”.
