Salmo 110:1-7
David nia knananuk.
110 Jeová hatete ba haʼu-nia Naʼi:
“Tuur iha haʼu-nia liman-loos+Toʼo haʼu tau ó-nia inimigu sira iha ó-nia ain okos.”*+
2 Jeová sei hiʼit saʼe ó-nia ai-tonka liurai nian atu nuneʼe ó sei la ukun deʼit iha Siaun. Nia dehan:
“Bá domina iha ó-nia inimigu sira-nia leet.”+
3 Ita-nia povu sei fó sira-nia an ho hakarak rasik iha loron neʼebé Ita dirije Ita-nia tropa sira ba funu
Ita iha joven sira neʼebé hanesan mahobeen iha dadeer-saan,Sira kmanek loos no santu.
4 Jeová jura ona no nia sei la troka ninia hanoin,* nia dehan:
“Ó mak amlulik ba nafatin+Hanesan Melkizedek!”+
5 Jeová sei hamriik iha Ita-nia liman-loos;+Nia sei harahun liurai sira iha ninia loron hirus.+
6 Nia sei tesi-lia hasoru nasaun sira;*+Nia sei halo nakonu rai ho mate-isin.+
Nia sei harahun ulun-naʼin neʼebé ukun rai neʼebé luan.*
7 Nia* sei hemu husi mota neʼebé suli tuir dalan ninin.
Tan neʼe mak nia sei hiʼit aas ninia ulun.
Nota-rodapé
^ Ka “Toʼo haʼu halo ó-nia inimigu sira sai hanesan fatin tau ó-nia ain”.
^ Ka “la sente triste”.
^ Ka “tesi-lia iha nasaun sira-nia leet”.
^ Ka “ba mundu tomak”.
^ Neʼe refere ba “haʼu-nia Naʼi” neʼebé temi ona iha ver. 1.
