Salmo 12:1-8
-
Jeová salva ema
-
Maromak nia liafuan mak moos (6)
-
Ba dirijente: Ho instrumentu múzika neʼebé afina ba lian Seminit.* David nia knananuk.
12 Oh Jeová, salva haʼu, tanba ema neʼebé laran-metin la iha ona;Ema neʼebé laran-metin lakon ona husi ema nia leet.
2 Sira koʼalia bosok ba malu;Sira-nia ibun koʼalia liafuan midar no sira koʼalia ho laran-makerek.*+
3 Jeová sei halakon ibun hotu neʼebé koʼalia liafuan midarNo nanál neʼebé gaba an,+
4 Sira neʼebé dehan: “Ami sei manán ho ami-nia nanál.
Ami koʼalia tuir deʼit ami-nia hakarak;Sé mak bele sai ami-nia patraun?”+
5 Jeová dehan: “Haʼu sei hamriikTanba ema hanehan sira neʼebé iha terus laran,No tanba ema kiak sira-nia halerik.+
Haʼu sei salva sira husi ema neʼebé odi sira.”
6 Jeová nia liafuan mak moos+Hanesan osan-mutin neʼebé hamoos ona iha ahi-matan neʼebé halo husi rai-mean,* sin, hamoos ona ba dala hitu.
7 Oh Jeová, Ita sei tau matan ba sira;+Ita sei proteje nafatin ema ida-idak husi jerasaun neʼe.
8 Ema aat sira laʼo livreTanba ema habelar hahalok neʼebé la iha morál.+
