Salmo 121:1-8
Knananuk bainhira saʼe ba sidade.
121 Haʼu foti matan hodi hateke ba foho sira.+
Haʼu-nia ajuda sei mai husi neʼebé?
2 Haʼu-nia ajuda mai husi Jeová,+Kriadór ba lalehan no rai.
3 Nia sei nunka husik ó-nia ain sidi.*+
Maromak neʼebé proteje ó sei nunka matan-dukur.
4 Sin, Maromak neʼebé proteje Izraél,+Nia sei nunka matan-dukur ka toba.
5 Jeová mak proteje ó.
Jeová mak fatin mahon+ iha ó-nia liman-loos.+
6 Loro-matan sei la haterus ó iha loron,+No fulan sei la haterus ó iha kalan.+
7 Jeová sei proteje ó husi susar hotu.+
Nia sei proteje ó-nia moris.+
8 Jeová sei proteje ó iha buat hotu neʼebé ó halo*Husi agora no ba nafatin.
