Salmo 132:1-18
Knananuk bainhira saʼe ba sidade.
132 Oh Jeová, hanoin-hetan DavidNo hanoin-hetan susar hotu neʼebé nia hasoru;+
2 Hanoin-hetan katak David jura ona ba Jeová,Nia jura ba Jacob nia Maromak neʼebé Kbiit Boot,+ hodi dehan:
3 “Haʼu sei la tama ba haʼu-nia tenda, haʼu-nia uma.+
Haʼu sei la toba iha haʼu-nia toba-fatin, haʼu-nia kama;
4 Haʼu sei la husik haʼu-nia matan atu dukur,No la taka haʼu-nia matan hodi toba
5 Toʼo haʼu hetan tiha fatin ida ba Jeová,Fatin diʼak ida* nuʼudar hela-fatin ba Jacob nia Maromak neʼebé Kbiit Boot.”+
6 Ami rona ona kona-ba neʼe iha Efrata;+Ami hetan ida-neʼe iha ai-laran.+
7 Mai ita tama ba ninia hela-fatin;*+Mai ita hakruʼuk iha fatin neʼebé nia tau ninia ain.+
8 Oh Jeová, hamriik bá, no mai iha Ita-nia hela-fatin,+Mai hamutuk ho Arka neʼebé reprezenta Ita-nia kbiit.+
9 Halo Ita-nia amlulik sira hatais hahalok loos hanesan hatais roupa,No halo Ita-nia ema sira neʼebé laran-metin haklalak ho haksolok.
10 Keta nega ema neʼebé Ita hili* ona+Tanba Ita promete ona ba Ita-nia atan David.
11 Jeová jura ona ba David;Nia sei la foti fali ninia liafuan neʼebé dehan:
“Haʼu sei hili ó-nia bei-oan ida,Atu tuur iha ó-nia kadunan.+
12 Se ó-nia oan-mane sira halo tuir haʼu-nia aliansaNo haʼu-nia avizu sira neʼebé haʼu hanorin ba sira,+Sira-nia oan-mane sira mósSei tuur iha ó-nia kadunan ba nafatin.”+
13 Tanba Jeová hili ona Siaun;+Nia hakarak Siaun sai nuʼudar ninia hela-fatin,+ hodi dehan:
14 “Neʼe mak haʼu-nia hela-fatin ba nafatin;Haʼu sei hela iha neʼe,+ tanba haʼu hakarak nuneʼe.
15 Haʼu sei haraik bensaun barak ba sidade neʼe ho ai-han oioin;Haʼu sei halo ninia ema kiak sira sai bosu ho paun.+
16 Haʼu sei tau salvasaun ba sidade neʼe nia amlulik sira nuʼudar sira-nia roupa+No ninia ema sira neʼebé laran-metin sei haklalak ho haksolok.+
17 Iha neʼebá mak haʼu sei aumenta David nia kbiit.*
Haʼu prepara ahi-oan ida ba ema neʼebé haʼu hili* ona.+
18 Haʼu sei tau moe ba ninia inimigu sira nuʼudar sira-nia roupa,Maibé ninia ukun* sei susesu.”+
Nota-rodapé
^ Ka “Tenda santu neʼebé kmanek”.
^ Ka “ninia tenda santu neʼebé kmanek”.
^ Orj., “fui mina”. Haree “Fui mina” iha Glosáriu.
^ Orj., “dikur”.
^ Orj., “fui mina”. Haree “Fui mina” iha Glosáriu.
^ Orj., “Maibé koroa iha ninia ulun”.
