Salmo 140:1-13
Ba dirijente. David nia knananuk.
140 Oh Jeová, salva haʼu husi ema aat sira;Proteje haʼu husi ema neʼebé halo violénsia,+
2 Husi sira neʼebé halo planu aat iha sira-nia laran+No hamosu funu loron tomak.
3 Sira-nia nanál kroʼat hanesan samea nian;+Liafuan husi sira-nia ibun mak hanesan samea nia venenu.+ (Sela)
4 Oh Jeová, proteje haʼu husi ema aat nia liman;+Proteje haʼu husi ema sira neʼebé halo violénsia,Husi sira neʼebé halo planu aat atu halo haʼu sidi.
5 Ema loko an tau lasu ba haʼu;Sira uza tali hodi nahe rede iha dalan ninin.+
Sira tau ona lasu ba haʼu.+ (Sela)
6 Haʼu hatete ba Jeová: “Ita mak haʼu-nia Maromak.
Oh Jeová, rona ba haʼu-nia harohan hodi husu ajuda.”+
7 Oh Jeová, Naʼi Ukun-Naʼin Boot Liu, haʼu-nia Salvadór neʼebé iha kbiit boot,Ita proteje haʼu-nia ulun iha loron funu nian.+
8 Oh Jeová, keta fó buat neʼebé ema aat hakarak.
Keta husik sira kumpre sira-nia planu, atu nuneʼe sira labele gaba an.+ (Sela)
9 Favór ida, halo liafuan malisan husi ema sira neʼebé haleʼu haʼuKona fali sira.*+
10 Favór ida, halo ahi-klaak lakan tun ba sira-nia leten.+
No soe tiha sira ba ahi laran,Soe tiha sira ba rai-kuak sira neʼebé kleʼan,*+ atu sira nunka hamriik fali.
11 Favór ida, halo sira neʼebé koʼalia aat no hafoʼer ema seluk nia naran la hetan fatin seguru iha mundu.*+
Husik buat aat buka tuir ema neʼebé halo violénsia no tuku monu sira.
12 Haʼu hatene katak Jeová sei defende ema kiʼik siraNo fó justisa ba ema kiak sira.+
13 Neʼe duni, ema neʼebé halo hahalok loos sei fó agradese ba Ita-nia naran;No ema laran-loos sei hela iha Ita-nia oin.+
