Salmo 21:1-13
Ba dirijente. David nia knananuk.
21 Oh Jeová, liurai haksolok tanba Ita-nia kbiit;+Nia kontente tebetebes tanba salvasaun husi Ita!+
2 Ita fó ona ba nia buat neʼebé nia laran hakarak,+No Ita la hanetik buat neʼebé nia husu ba Ita. (Sela)
3 Tanba Ita haraik ona bensaun barak ba nia;Ita tau ona koroa husi osan-mean neʼebé diʼak liu* ba ninia ulun.+
4 Nia husu moris naruk,Nia husu atu moris tinan ba tinan ba nafatin, no Ita fó duni ba nia.+
5 Nia hetan glória boot tanba salvasaun husi Ita.+
Ita haraik ba nia dignidade no kmanek.
6 Ita halo nia simu bensaun ba nafatin,+No Ita halo nia haksolok iha Ita-nia oin.+
7 Tanba liurai tau fiar ba Jeová;+Tanba Maromak neʼebé Aas Liu Hotu nia domin neʼebé laran-metin, liurai sei nunka nakdedar.*+
8 Ita-nia liman sei kaer metin Ita-nia inimigu hotu;Ita-nia liman-loos sei kaer metin sira hotu neʼebé odi Ita.
9 Iha tempu neʼebé Ita hili ona atu fila oin hodi kontra sira, Ita sei halakon sira hanesan soe sira ba ahi laran.
Jeová sei halakon sira ho ninia hirus, no ahi sei han mohu tiha sira.+
10 Ita sei halakon tiha sira-nia oan sira husi rai,No halakon sira-nia bei-oan hotu husi ema nia leet.
11 Tanba sira hanoin atu halo aat ba Ita;+Sira halo ona planu aat maibé sei saugati deʼit.+
12 Tanba Ita sei halo sira hakiduk+Hodi see Ita-nia rama* ba sira.*
13 Oh Jeová, hamriik no hatudu sai Ita-nia kbiit bá.
Ami sei kanta knananuk hahiʼi nian* ba Ita-nia kbiit boot.
Nota-rodapé
^ Ka “halo moos ona”.
^ Ka “nunka sidi”.
^ Orj., “rama-talin”.
^ Orj., “ba sira-nia oin”.
^ Orj., “kanta no halo múzika”.
