Salmo 25:1-22
David nia knananuk.
א [Alef]
25 Oh Jeová, haʼu entrega haʼu-nia an ba Ita iha haʼu-nia orasaun.
ב [Bet]
2 Oh haʼu-nia Maromak, haʼu tau fiar ba Ita;+Keta husik haʼu hetan moe.+
Keta husik haʼu-nia inimigu sira kontente tanba haʼu-nia terus.+
ג [Gimel]
3 Tuir loloos, ema hotu neʼebé tau esperansa ba Ita sei la hetan moe,+Maibé sira neʼebé laran-makerek la ho razaun mak sei moe.+
ד [Dalet]
4 Oh Jeová, fó-hatene mai haʼu Ita-nia dalan sira;+Hanorin haʼu atu laʼo iha Ita-nia dalan sira.+
ה [Hei]
5 Halo haʼu laʼo tuir Ita-nia dalan lia-loos nian no hanorin haʼu,+Tanba Ita mak haʼu-nia Maromak neʼebé salva haʼu.
ו [Vau]
Haʼu tau esperansa ba Ita loron tomak.
ז [Zain]
6 Oh Jeová, hanoin-hetan Ita-nia laran-sadiʼa, no Ita-nia domin neʼebé laran-metin,+Neʼebé Ita sempre hatudu ba Ita-nia povu.*+
ח [Hetes]
7 Keta hanoin-hetan haʼu-nia sala sira iha tempu neʼebé haʼu sei joven no haʼu-nia hahalok neʼebé kontra Ita.
Hanoin-hetan haʼu tuir Ita-nia domin neʼebé laran-metin,+Tanba Ita-nia laran-diʼak, oh Jeová.+
ט [Tet]
8 Jeová mak diʼak no laran-loos.+
Tan neʼe mak nia hanorin ema sala-naʼin sira kona-ba dalan atu halaʼo moris.+
י [Iod]
9 Nia sei dirije ema laran-maus sira atu halo buat neʼebé loos,*+No nia sei hanorin ema laran-maus sira kona-ba ninia dalan.+
כ [Kaf]
10 Jeová nia dalan hotu mak nakonu ho domin boot* no laran-metinBa sira neʼebé halo tuir ninia aliansa+ no ninia avizu sira.+
ל [Lamed]
11 Oh Jeová, favór ida, perdua haʼu-nia salaTanba Ita-nia naran,+ maski haʼu-nia sala mak boot.
מ [Mem]
12 Sé mak hamtaʼuk Maromak Jeová?+
Maromak sei hanorin nia kona-ba dalan neʼebé nia tenke hili.+
נ [Nun]
13 Ema neʼe sei simu buat neʼebé diʼak,+No ninia bei-oan sira sei simu rai nuʼudar sira-nian.+
ס [Samek]
14 Ema sira neʼebé hamtaʼuk Jeová sei sai belun diʼak ho nia,+No nia sei fó sai ninia aliansa ba sira.+
ע [Ain]
15 Haʼu-nia matan hateke nafatin ba Jeová,+Tanba nia sei hasai haʼu-nia ain husi rede.+
פ [Pei]
16 Fila oin ba haʼu no hatudu laran-sadiʼa mai haʼu,Tanba haʼu mesak deʼit no kbiit-laek.
צ [Sade]
17 Haʼu-nia laran-taridu aumenta liután;+Favór ida, halo haʼu livre husi haʼu-nia neon-susar.
ר [Reix]
18 Haree ba haʼu-nia terus no susar,+No perdua haʼu-nia sala hotu.+
19 Haree bá, haʼu iha inimigu barak tebes,Sira odi tebes haʼu no buka atu halo violénsia ba haʼu.
ש [Xin]
20 Proteje haʼu-nia moris no salva haʼu.+
Keta husik haʼu hetan moe, tanba haʼu buka ona protesaun husi Ita.
ת [Tau]
21 Haʼu harohan katak haʼu-nia laran-metin* no laran-loos sei proteje haʼu,+Tanba haʼu tau esperansa ba Ita.+
22 Oh Maromak, salva* Izraél husi ninia susar hotu.
Nota-rodapé
^ Ka “Neʼebé Ita hatudu husi tempu antigu kedas”.
^ Ka “halo tuir justisa”.
^ Ka “integridade”.
^ Orj., “sosa fali”.
