Salmo 33:1-22
33 Oh imi neʼebé halo hahalok loos, haklalak ho haksolok bá tanba Jeová.+
Nia merese simu hahiʼi husi ema laran-loos sira.
2 Fó agradese ba Jeová hodi toka arpa;Kanta knananuk hahiʼi nian* ba nia hodi toka instrumentu neʼebé iha talin sanulu.
3 Kanta knananuk foun ida ba nia;+Toka didiʼak instrumentu neʼebé iha talin, no haklalak ho haksolok bá.
4 Tanba Jeová nia liafuan mak loos,+No ema bele tau fiar ba buat hotu neʼebé nia halo.
5 Nia hadomi hahalok loos no justisa.+
Mundu tomak nakonu ho Jeová nia domin neʼebé laran-metin.+
6 Jeová kria lalehan liuhusi ninia liafuan,+No nia halo buat hotu* iha lalehan liuhusi iis* husi ninia ibun.
7 Nia halibur bee iha tasi hanesan tau moru haleʼu;+Nia tau laloran sira iha armazén.
8 Ema iha mundu tomak hamtaʼuk Jeová bá.+
Ema hotu iha rai hatudu respeitu neʼebé kleʼan ba nia.
9 Tanba nia koʼalia ona, no buat hotu mosu mai;+Nia fó ona mandamentu, no buat hotu hamriik iha sira ida-idak nia fatin.+
10 Jeová estraga ona nasaun sira-nia planu;*+Nia sobu ema nia hanoin* sira.+
11 Maibé Jeová nia desizaun* mak sei metin ba nafatin;+Ninia hanoin sira iha ninia laran sei la troka husi jerasaun ba jerasaun.
12 Ksolok ba nasaun neʼebé adora Jeová nuʼudar ninia Maromak,+Povu neʼebé Nia hili ona atu sai Ninian.+
13 Jeová hateke tun husi lalehan;Nia haree ema hotu.+
14 Husi ninia hela-fatin,Nia hateke didiʼak ba ema sira neʼebé hela iha rai.
15 Nia mak halo* sira hotu nia fuan-laran;Nia buka-hatene didiʼak kona-ba sira-nia hahalok hotu.+
16 Tropa neʼebé barak labele salva liurai ida;+No mane ida nia kbiit neʼebé boot labele salva nia.+
17 Sadere ba kuda atu lori salvasaun* mak esperansa neʼebé falsu;+No kuda nia forsa neʼebé boot labele fó salvasaun ba ninia naʼin.
18 Jeová nia matan hateke ba sira neʼebé hamtaʼuk nia,+Sira neʼebé hein ba ninia domin neʼebé laran-metin,
19 Atu salva sira husi mateNo atu apoia sira hodi sira bele kontinua moris durante rai-hamlaha.+
20 Ita hein nafatin ba Jeová.Nia mak ita-nia ajuda-naʼin no ita-nia eskudu.+
21 Ita-nia laran haksolok tan nia,Tanba ita tau fiar ona ba ninia naran neʼebé santu.+
22 Oh Jeová, ami harohan katak Ita-nia domin neʼebé laran-metin hela ho ami,+Tanba ami kontinua hein ba Ita.+
Nota-rodapé
^ Ka “Halo múzika”.
^ Orj., “tropa hotu”.
^ Ka “espíritu”. Haree “Ruah” iha Glosáriu.
^ Ka “planu”.
^ Ka “konsellu”.
^ Ka “konsellu”.
^ Ka “forma”.
^ Ka “atu manán”.
