Salmo 57:1-11
Ba dirijente: Tuir melodia Labele Harahun Haʼu. David nia knananuk. Miktam.* Bainhira nia halai husi Saul hodi subar iha fatuk-kuak.+
57 Hatudu laran-diʼak mai haʼu, oh Maromak, hatudu laran-diʼak mai haʼu,Tanba haʼu buka protesaun husi Ita,+No iha Ita-nia liras okos mak haʼu buka protesaun toʼo susar sira liu tiha.+
2 Haʼu bolu Maromak neʼebé Aas Liu Hotu,Maromak neʼebé loos, neʼebé hapara haʼu-nia susar sira.
3 Nia sei fó ajuda husi lalehan no salva haʼu.+
Nia sei estraga planu husi ema neʼebé ataka* haʼu. (Sela)
Maromak sei hatudu ninia domin boot* no laran-metin mai haʼu.+
4 Leaun sira mak haleʼu haʼu;+Haʼu tenke toba entre mane sira neʼebé hakarak tolan haʼu,Sira-nia nehan hanesan diman no rama-oanNo sira-nia nanál kroʼat hanesan surik.+
5 Oh Maromak, haʼu harohan katak Ita-nia glória aas liu fali lalehan;Haʼu harohan katak Ita-nia glória taka mundu tomak.+
6 Sira prepara ona rede atu lasu haʼu-nia ain;+Haʼu hakruʼuk ona ho neon-susar.+
Sira keʼe ona rai-kuak ida iha haʼu-nia oin,Maibé sira rasik mak monu ba laran.+ (Sela)
7 Haʼu-nia laran la nakdoko, oh Maromak,+Haʼu-nia laran la nakdoko.
Haʼu sei kanta no halo múzika.
8 Hadeer bá, oh haʼu-nia glória.
Hadeer bá, oh instrumentu neʼebé iha talin; hadeer bá, oh arpa.
Haʼu sei fanu rai naroman.+
9 Oh Jeová, haʼu sei hahiʼi Ita iha povu sira-nia leet;+Haʼu sei kanta knananuk hahiʼi nian* ba Ita iha nasaun sira-nia leet.+
10 Tanba Ita-nia domin neʼebé laran-metin mak boot no aas toʼo lalehan,+No Ita-nia hahalok laran-metin aas toʼo kalohan.
11 Oh Maromak, haʼu harohan katak Ita-nia glória aas liu fali lalehan;Haʼu harohan katak Ita-nia glória taka mundu tomak.+
