Salmo 63:1-11
David nia knananuk, bainhira nia iha rai-fuik Judá nian.+
63 Oh Maromak, Ita mak haʼu-nia Maromak, haʼu kontinua buka Ita.+
Haʼu hamrook tebes ba Ita.+
Iha rai neʼebé maran-dekor, neʼebé la iha bee,+Haʼu sai fraku tanba hakarak tebes Ita.
2 Uluk haʼu hateke ba Ita iha Ita-nia fatin santu;Haʼu haree ona Ita-nia kbiit no glória.+
3 Tanba Ita-nia domin neʼebé laran-metin mak diʼak liu fali moris,+Haʼu-nia ibun sei fó glória ba Ita.+
4 Tan neʼe, haʼu sei hahiʼi Ita durante haʼu-nia moris tomak;Haʼu sei foti saʼe haʼu-nia liman no halo orasaun hodi Ita-nia naran.
5 Haʼu kontente ho parte diʼak liu,Tan neʼe, ho lian haksolok, haʼu-nia ibun sei hahiʼi Ita.+
6 Haʼu hanoin-hetan Ita bainhira haʼu iha haʼu-nia toba-fatin;Haʼu hanoin kleʼan kona-ba Ita durante kalan-boot.+
7 Tanba Ita mak haʼu-nia ajuda-naʼin,+No haʼu haklalak ho haksolok iha Ita-nia liras okos.+
8 Haʼu laʼo tuir* Ita nafatin;Ita-nia liman-loos kontinua kaer metin haʼu.+
9 Maibé ema sira neʼebé buka atu halakon haʼu-nia moris*Sei tun ba rai-kuak neʼebé kleʼan.
10 Sira sei mate ho surik;Sira sei sai ai-han ba asu-xakál.*
11 Maibé liurai sei haksolok tanba Maromak.
Ema hotu neʼebé jura hodi Maromak sei haksolok,*Tanba ema sira neʼebé koʼalia bosok sei nonook tiha.
