Salmo 7:1-17
-
Jeová mak Juís neʼebé iha hahalok loos
-
“Oh Jeová, tesi-lia ba haʼu” (8)
-
Knananuk triste nian* neʼebé David kanta ba Jeová tanba liafuan husi Kus ema Benjamim.
7 Oh Jeová, haʼu-nia Maromak, haʼu buka protesaun husi Ita.+
Salva haʼu husi ema hotu neʼebé haterus haʼu.+
2 Se lae, sira sei lees haʼu* ba pedasuk hanesan leaun ida halo,+Sira sei lori haʼu bá no la iha ema ida mak bele salva haʼu.
3 Oh Jeová, haʼu-nia Maromak, se haʼu mak halo ona sala,Se haʼu halo ona buat neʼebé la iha justisa,
4 Se haʼu halo aat ba ema neʼebé halo diʼak ba haʼu,+Ka se haʼu hadau inimigu nia sasán la ho razaun,*
5 Entaun husik inimigu duni tuir haʼu no toman haʼu;Husik nia sama haʼu toʼo rabat raiNo halo haʼu-nia glória lakon iha rai-rahun laran. (Sela)
6 Oh Jeová, hamriik bá ho hirus;Hamriik hodi kontra hasoru haʼu-nia inimigu sira-nia laran-nakali;+Hamriik atu ajuda haʼu, no hatudu justisa ba haʼu.+
7 Husik nasaun sira haleʼu Ita;No Ita sei kontra sira husi fatin aas.
8 Jeová sei tesi-lia ba ema hotu.+
Oh Jeová, tesi-lia ba haʼu tuir haʼu-nia hahalok loosNo tuir haʼu-nia laran-metin.*+
9 Favór ida, hapara hahalok aat husi ema aat.
Maibé halo ema laran-loos sira hamriik metin,+Tanba Ita mak Maromak neʼebé iha hahalok loos,+ neʼebé buka-hatene didiʼak ema nia laran+ no sentimentu neʼebé kleʼan.*+
10 Maromak mak haʼu-nia eskudu,+ Salvadór ba sira neʼebé laran-loos.+
11 Maromak mak Juís neʼebé iha hahalok loos,+No loroloron Maromak fó sai ninia tesi-lia ba ema aat sira.
12 Se ema ruma la arrepende an,+ Maromak kadi ona ninia surik;+Nia dada ona ninia rama no prontu atu hana.+
13 Nia prepara ninia armas atu oho;Nia halo prontu ninia rama-oan neʼebé lakan ho ahi.+
14 Haree bá! Iha ema neʼebé sai isin-rua ho hahalok aat;Nia sai isin-rua ho hanoin aat sira no tuur-ahi ba lia-bosok.+
15 Nia keʼe rai-kuak no halo kleʼan liu,Maibé nia monu tun ba rai-kuak neʼebé nia rasik mak keʼe.+
16 Problema neʼebé nia halo sei fila fali ba ninia ulun;+Violénsia neʼebé nia halo sei fila fali ba ninia ulun.
17 Haʼu sei hahiʼi Jeová tanba ninia justisa;+Haʼu sei kanta knananuk hahiʼi nian* ba Jeová nia naran,+ Maromak neʼebé Aas Liu Hotu.+
Nota-rodapé
^ Ka “Knananuk lelir nian; Lamentasaun”.
^ Haree “Nefes” iha Glosáriu.
^ Ka karik “Haʼu husik livre ema neʼebé kontra haʼu la ho razaun”.
^ Ka “integridade”.
^ Ka “koko ema nia fuan no rins”.
^ Ka “halo múzika”.
