Salmo 81:1-16
Ba dirijente: Ho melodia Jitit.* Husi Asaf.+
81 Haklalak ho haksolok ba Maromak, ita-nia kbiit.+
Haklalak bá ho lian manán nian hodi hahiʼi Jacob nia Maromak.
2 Toka múzika no baku tamborín,Toka arpa hamutuk ho instrumentu neʼebé iha talin.
3 Huu dikur iha fulan-foun,+Huu dikur iha loron neʼebé fulan-nakonu, loron neʼebé ita selebra festa.+
4 Tanba neʼe mak lei ba Izraél,No neʼe mak ukun-fuan husi Jacob nia Maromak.+
5 Nia fó ukun-fuan neʼe bainhira nia sai hodi kontra hasoru rai-Ejitu,+No ukun-fuan neʼe atu fó-hanoin ba José.+
Haʼu rona lian* ida neʼebé haʼu la koñese dehan:
6 “Haʼu hiʼit tiha naha todan husi ninia kabaas;+Ninia liman la kaer tan bote.
7 Iha terus laran imi bolu haʼu, no haʼu salva imi;+Haʼu hatán ba imi husi kalohan neʼebé iha rai-tarutu.*+
Haʼu koko imi iha bee Meribá* nian.+ (Sela)
8 Rona bá, oh haʼu-nia povu, no haʼu sei fó sasin hasoru imi.
Oh Izraél, se karik imi rona duni haʼu,+
9 Entaun sei la iha maromak seluk iha imi-nia leet,No imi sei la hakruʼuk ba maromak falsu.+
10 Haʼu mak Jeová, imi-nia Maromak,Maromak neʼebé lori imi sai husi rai-Ejitu.+
Loke luan imi-nia ibun bá, no haʼu sei fó-han imi toʼo bosu.+
11 Maibé haʼu-nia povu lakohi rona haʼu-nia lian;Izraél lakohi hakruʼuk ba haʼu.+
12 Tan neʼe, haʼu husik sira laʼo tuir deʼit sira-nia laran neʼebé toos;Sira halo deʼit buat neʼebé sira hanoin mak loos.*+
13 Se karik haʼu-nia povu rona duni haʼu,+Se karik Izraél laʼo iha haʼu-nia dalan sira,+
14 Haʼu sei manán lalais sira-nia inimigu sira;Haʼu sei foti haʼu-nia liman hodi kontra sira-nia inimigu.+
15 Ema sira neʼebé odi Jeová sei hakruʼuk an ho taʼuk iha ninia oin,No sira-nia kastigu* sei dura ba nafatin.
16 Maibé nia sei fó-han imi* ho trigu neʼebé diʼak liu+No halo imi bosu ho bani-been neʼebé foti husi fatuk.”+
Nota-rodapé
^ Ka “língua”.
^ Orj., “iha rai-tarutu nia subar-fatin”.
^ Naran neʼe katak “Haksesuk malu”.
^ Orj., “Sira laʼo tuir deʼit sira-nia konsellu rasik”.
^ Orj., “sira-nia tempu”.
^ Orj., “nia”. Neʼe katak Maromak nia povu.
