Salmo 84:1-12
Ba dirijente: Ho melodia Jitit.* Kora nia oan-mane sira-nia knananuk.+
84 Oh Jeová neʼebé ukun tropa lalehan nian,Haʼu hadomi tebes Ita-nia tenda santu neʼebé kmanek!+
2 Haʼu hakarak tebes,Sin, haʼu sai fraku tanba hakarak tebes,Atu bá iha pátiu* sira iha Jeová nia uma.+
Haʼu-nia isin no haʼu-nia laran haklalak ho haksolok ba Maromak neʼebé moris.
3 Manu sira mós hetan ona hela-fatin iha Ita-nia umaNo manu-andoriña halo knuuk ba nia an,Hodi tau matan ba ninia oan siraBesik Ita-nia altár kmanek, oh Jeová neʼebé ukun tropa lalehan nian,Haʼu-nia Liurai no haʼu-nia Maromak!
4 Ksolok ba ema neʼebé hela iha Ita-nia uma!+
Sira kontinua hahiʼi Ita.+ (Sela)
5 Ksolok ba ema neʼebé hetan kbiit husi Ita,+No sira-nia laran hakarak atu laʼo iha dalan ba Ita-nia uma.
6 Bainhira sira laʼo liu Rai-Tetuk Baka,*Sira haree fatin neʼe hanesan mota ida;No udan primeiru* halo nakonu fatin neʼe ho bensaun barak.*
7 Sira sei laʼo no sira-nia forsa aumenta ba beibeik;+Sira ida-idak hamriik iha Maromak nia oin iha Siaun.
8 Oh Jeová, Maromak neʼebé ukun tropa lalehan nian, rona haʼu-nia orasaun;Rona bá, oh Jacob nia Maromak. (Sela)
9 Haree bá, oh ami-nia eskudu+ no ami-nia Maromak,*Hateke ba ema neʼebé Ita hili* ona.+
10 Tanba loron ida iha Ita-nia pátiu mak diʼak liu fali loron rihun ida iha fatin seluk!+
Haʼu hili atu hamriik iha odamatan iha haʼu-nia Maromak nia umaDuké hela iha ema aat sira-nia tenda.
11 Tanba Maromak Jeová mak ami-nia loro-matan+ no ami-nia eskudu;+Nia mak hatudu laran-diʼak no fó glória.
Jeová sei la hanetik buat diʼak idaBa sira neʼebé laʼo ho laran-metin.*+
12 Oh Jeová neʼebé ukun tropa lalehan nian,Ksolok ba ema neʼebé tau fiar ba Ita.+
Nota-rodapé
^ Ka karik “No mestre falun nia an ho bensaun sira”.
^ Ka “rai-tetuk neʼebé iha ai-baka barak”.
^ Ka karik “Haree ba ami-nia eskudu, oh Maromak”.
^ Orj., “fui mina”. Haree “Fui mina” iha Glosáriu.
^ Ka “integridade”.
