Inan-aman kristaun sira hakarak tebes haree sira-nia oan sai Jeová nia atan neʼebé laran-metin. Inan-aman bele ajuda hodi hanorin sira-nia oan husi kiʼik kedas kona-ba Bíblia, atu oan bele rai iha sira-nia laran. (Deu 6:7; Prv 22:6) Presiza hakaʼas an atu halo ida-neʼe ka lae? Presiza duni! Maibé ita-nia hakaʼas-an la saugati deʼit tanba ita sei simu bensaun barak.​—3Jo 4.

Inan-aman sira bele aprende buat barak husi José no Maria. Sira “iha toman atu bá Jeruzalein tinan-tinan hodi tuir Festa Salvasaun nian”, maski neʼe katak sira presiza hakaʼas an no gasta osan. (Lc 2:41) Ba José no Maria, importante tebes atu sira-nia família hakbesik ba Jeová. Hanesan neʼe mós, inan-aman sira bele dirije sira-nia oan iha dalan neʼebé loos hodi uza oportunidade hotu atu hanorin sira liuhusi liafuan no ezemplu.​—Sal 127:3-5.

HAREE VÍDEO SIRA UZA OPORTUNIDADE HOTU, DEPOIS HATÁN BA PERGUNTA SIRA TUIRMAI NEʼE:

• Oinsá mak Jon no Sharon Schiller tau uluk Jeová iha tempu neʼebé sira haboot sira-nia oan?

• Tanbasá mak inan-aman sira presiza treinu no dixiplina oan ida-idak iha dalan neʼebé la hanesan?

• Oinsá mak inan-aman sira bele treinu sira-nia oan atu hamriik metin bainhira sira-nia fiar hetan koko?

• Buat saida husi Jeová nia organizasaun mak Ita uza ona atu ajuda Ita-nia oan sai Jeová nia belun?